'Repolitix'/ Spahiu: Shpallja 2.4 milion banorë, akt antishqiptar! Largon investimet e huaja! Qesharak kur nxjerrin shqiptarët 90% më fetar se Itali dhe Gjermania

Kreshnik Spahiu mendon se Censi është qesharak kur i nxjerr shqiptarët më besimtarë në fe sesa italianët dhe gjermanët. Sipas tij shifra e 96 % të shqiptarëve besimtarë është e pavërtetë.

'E para punës, deklarojnë që vetëm 4% e shqiptarëve janë ateistë. A ka burrë nëne të besoj se 96 5 e shqiptarëve janë besimtarë? Italia ka traditë besimi dhe deklarohen 12% ateistë. Në Gjermani deklarohen 12% të pafe. Vijmë nga një trashëgimi ku prishëm kisha dhe xhamia dhe deklarojmë 96% janë besimtarë, është e pavërtetë, e paargumentuar. Për herë të parë u njoha me faktin që me egjiptianët dhe romët bashkë janë më shumë se grekët në Shqipëri. E kisha parë minoritetin grek në numër më të madh.

Për faktin kur dalin numrat, për 1 milion arsye do i paragjykosh se pakica e pakicës. 23 mijë janë shumë pak. Një e dhënë tjetër e Pustecit. Ata janë shqiptarë, kanë pasaportë shqiptare, qofshin me origjinë greke apo bullgare. Shqipëria nëse ka një vlerë përtej negativeve, ka bashkëjetesën fetare dhe harmoninë mes etnive. Nuk ka dallime. Pse duhet të fusim garën a kemi ortodoksë apo katolikë në Shqipëri. Mendoj se kjo dëmton interesat e Shqipërisë. Është sponsorizim i strukturave politike që nuk duan vendin tonë.

Juristi Kreshnik Spahiu u shpreh se me anë të të dhënave të Censit, në vitin 2034 shifat e populllsisë në vend do të zbresin nën 2 milion banorë. Sipas tij forca punëtore e Ballkanit po tërhiqet nga vendet e Europës veriore, të cilat paguajnë shumë herë më shumë.

'Parashikoj që në 2034, e çon Shqipërinë në dy fakte tragjik, nën 2 milion banorë, mesataren  e moshës më të plakur në planet. Sot është 42.5, vendi më i plakur është Italia me 47 vjeç. Me prognozë e martesave, Shqipëria e ka dhjetra herë më negative se Italia. Në 1992 Shqipëria kishte 84 mijë martesa. Në 2022 Shqipëria ka 20 mijë martesa. Raporti ka rënë 4 herë e gjysëm. Duke llogaritur që edhe këto martesa ka një numër lindshmërie 10 herë më të vogël se 30 vite më parë. Politika e emigracionit në Europë ka liberalizuar për personat e diplomuar ju njihet diploma nëse sigurojnë kontratë pune. Të njihet e drejta për të qenë gazetar, jurist, arkitekt. Por edhe për punëtorët e pakualifikuar është miratuar legjislacioni për liberalizimi dhe tërheqjen. Po tërhiqet forca punëtore e Ballkanit. Kemi 34 vjet kemi dalë nga socializmi në kapitalizëm.

Ky është tregu i lirë. Nga minator në Laprak vjen në Gjermani ku e majta gjermane ka ndërtuar sistem social dhe ka miratuar minimumin e rrogës. Merr 100 euro në ditë. 12 euro rroga. Rroga më e thjeshtë shkon 3 mijë euro. Këto janë agjenci punë që i fusin në filtrat e liberalizuar të punës. Nëse ka një mrekulli, para 30 vjetësh vriteshin në kufi për të dalë në Europë. Kjo është e drejtë kushtetuese. Emigracioni ka dhe anë pozitive për Shqipërinë dhe shqiptarët. Sa është e përgatitur Shqipëria të mbush këtë vakuum. O do tërheqësh këta që janë larguar ose do marrësh të huaj, ose do bllokosh ekonominë', thekson Spahiu.

Gazetarja Eliza Gjediku tregoi në Repolitix disa detaje nga rezultatet e Censit 2023 për Shqipërinë të publikuara nga INSTAT disa ditë më parë. 

'Nuk do kontestoja, sepse nuk di një mekanizëm tjetër për të nxjerrë një rezultat tjetër të pakontestueshëm. Në fakt nga INSTAT është thënë që ka patur qytetar që nuk i janë përgjigjur. Për këtë kategori do ketë masa ndëshkues. Ligji parashikon gjoba nga 50 deri në 100 mijë lek. Për të dhënat e deklaruara të pasakta apo mosdeklarim. Nga ekspertët e INSTAT u tha që u surprizuan nga popullsia arumune. Në 2011 ishin shumë agresiv për tu përgjigjur, tani u deklaruan shqiptar. 3 % nuk përfshihet tek 2.4, nuk është numëruar. Personalisht me këto të dhëna që kam marrë, më ka bërë përshtypje që kemi një popullsi të plakur, numër të ulët të të rinjve dhe rënia e popullsisë në veri, dhe në Shkodër specifikisht', u shpreh gazetarja.

Juristi Kreshnik Spahiu duke folur për të dhënat e Censit në Repolitix u ndal edhe tek fenomeni i emigracionit. Sipas tij ky fenomen është tipik ballkanik, pasi Europa Veriore ofron shumë më shumë se vendet e Ballkanit. 

'Mendoj se të dhënat po i marrim të mirëqëna. Unë i vë në dyshim të dhënat e këtij censi, që nga regjistrimi, koha që e kanë shtyrë dy vjet, kohëzgjatja. Kam qenë pjesë e censit në Gjermani, realizohet online. Është çmenduri që zgjat me muaj dhe vite. Mendoj se problemi më i vogël në këtë histori është emigracioni. Sepse nuk është problem shqiptar. Niveli i ikjes së emigrantëve kroat është mesatarisht 42 mijë banorë në vit. 10 vitet e fundit janë 400 mijë që janë larguar nga Kroacia. Në të njëjtat nivele është Serbia, Maqedonia, Mali i Zi.

Emigracioni është fenomen ballkanik. Është mentalitet që nuk ka tendencë rrudhje. Në BE aq më shumë do jetojmë në një shtet jo komb. Pjesë e tregut të lirë. Tregu i punës do shkojë atje ku paguhet më shumë. Ferrari i Evropës Veriore ecën më shpejt se Fiati jonë. Ata kanë dështuar në politikat e familjes dhe e kanë plotësuar me banorë të përhershëm nga jashtë. Janë magnet që tërheqin. Do e kemi të pamundur të kthehemi. Me këto të dhëna bie që qeveria të vëndos drynin në të gjithë qytetar. 35% e popullit jeton në Tiranë. I bie të shpallet Tirana shteti. Me ritmin nga 35 nuk përjashtohet që për 10 vjet të kalojë 50. Duhet strategji e re për demografinë që po përballemi. Tirana pritet të dal një qytet kaotik', tha Spahiu.

Deputeti socialist Lavdrim Krashi foli në Repolitix për rezultatet e Censit. Sipas tij e rëndësishme është të kuptohen arsyet pse bëhet regjistrimi i popullsisë.

'Numrat janë numra dhe nuk mund të argumentojmë. Pastaj diskutojmë për arsyet. Ne a duam për popullsi 5 10 apo 15. Nga pikëpamja gjeopolitike, biznesit sa më shumë aq më mirë. Ka të drejtë Kreshniku.

Për të ardhur te Censi, është më e rëndësishëm arsyeja pse bëhet. Nuk është arsye për të sulmuar. Ka dhe nga ata që mendojnë se numri i popullsisë është 1.5. E rëndësishme qëllimi.

Bëhet që shtetit në të gjitha rafshet të adresojë ato problematika që nxjerr Censi në pah. Sa qytetarë janë me aftësi të kufizuara? Sa janë të rinj në nevojë për shkollim? Sa janë të moshuar? Të gjithë ta lexojnë. Është fotografim i tërë vendit. Të gjitha bashkitë, institucionet të krijojnë politika për këtë realitet, për të parë çfarë duam të bëjmë. Ka ligje dhe nevojë për ndryshim' tha Krashi.

Skerdjan Dhuli nuk i beson shumë shifrave të INSTAT që e kanë nxjerrë vendin tonë me 2.4 milion banorë. Ai shprehet se sheh rënie të popullësisë në qytete dhe fshatra sidomos në qarkun e Vlorës.

'Ajo që shoh në terren, përtej shifrave. Shoh vazhdimisht një rënie të popullësisë. Fshatrat janë çdo vit 10% më pak. Supozojmë se shifra është e pakundërshtueshme. Shoqëria po shkon drejt plakjes. Bie numri i lindjeve. Fakti që kemi në statistika kemi më pak lindje se viti paraardhës, tregon se popullësia ishte në rënie. Kam firmosur peticionin e Kreshnikut në vitin 2011, për deklarimin etnik. Është e vërtetë ajo që bie nga popullsia bie në sytë e investitorëve. Oligarkët kërkojnë të importohet krah pune. Tregon se largimi i rinisë është i pashmangshëm për tu mohuar. Në 2017 në qarkun e Vlorës kishte 105 mijë vota, në 2021 100 mijë. Kemi rënie. Nuk mund ta marr a priori numrin 2.4. në momentin që mbyllej matja, Kosova e publikoi në kohë rekord.  Pse u zgjat publikimi?', thotë Dhuli.