'Burgun do ta bëj unë për ty, kthehu bir"/Iu arratis drejtësisë, babai rrëfen pengjet e të riut

24 Shkurt, 19:32

#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv Punonte si mekanik në Tiranë tek të afërmit, ditën që Bujar Sefa nga Kukësi humbi gjurmët më 21 prill të vitit 2007. Babai i tij Zaimi mori guximin të kërkojë pas 13 vitesh në një studio televizive djalin në arrati, duke iu drejtua me një letër emisionit ’Pa Gjurmë’ në Report TV. Bujar Sefa u arratis pak ditë përpara finalizimit nga policia të operacionit ’Rexhina’ në maj të vitit 2007. Me gjithë përpjekjet e panumërta, familja Sefa nuk ka mundur të zbulojnë gjurmët, por kanë mësuar atë që fshihej pas. 35-vjeçari u dënua në mungesë nga Gjykata e Shkallës së Parë për Krimet e Rënda, me 15 vite burg, si pjesë e një grupi të strukturuar kriminal, me akuzën e vjedhjes me armë, trafik i mjeteve motorike në formën e një grupi të struktuar kriminal. Gjashtë ishte numri i të pandehurve, nga Prokuroria që i dha fund hetimeve, në vitin 2007, mes tyre edhe Bujar Sefa, person ende në kërkim nga policia. Babai i 35-vjeçarit zbulon se një tjetër bashkëpunëtor i tij, Bledar Hasani, gjithashtu i dënuar në mungesë jeton në arrati dhe ka kontakte me familjen. Shpresat se i biri është gjallë, për Zaimin janë të pakta, ndaj ai bën thirrje të zbardhet e vërteta. Bujar Sefa jetonte me familjen në Xhavzotaj të Durrësit, ndërsa u tha prindërve se do të largohej tek të afërmit e tij në Tiranë, aty ku edhe u zhduk, në orët e vona të natës. Familjarët mësuan se i riu kishte mbërritur në kryeqytet, por ishte larguar, pasi marjes së një telefonate nga një person i panjohur. Pasi humbën nga kjo jetë vajzën 17-vjecare nga një sëmundje e rëndë, dy prindërit humbën edhe djalin, për të cilin kërkojnë ndihmë në emisionin ’Pa Gjurmë’.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha