Pak muaj pasi u divorcua zhduket pa lënë asnjë gjurmë 48-vjecarja nga Korca. Nëna e tre fëmijëve. Luljeta Balla nga Elbasani rezulton e humbur që prej 28 qershorit të vitit 2000, ditën kur u takua për herë të fundit me fëmijët. Pasi martesa e saj kishte marrë fund, gjykata vendosi ia dha kujdestarinë babait, ky i fundit kërkoi divorcin pasi zbuloi tradhëtinë bashkëshortore. Luljeta jetonte tek e motra në Roskovec dhe personi me të cilin ajo kishte ndërtuar një lidhje jashtmartesore ra në burg dhe pas kësaj lidhjet u shkëputën. Por pas kësaj historie u zhduk papritur edhe Luljeta.Ndërkohë që motra e priste të kthehej në banesë, Luljeta nuk u kthye kurrë më kurrë. Familjarët bënë denoncimin menjëherë në polici, por pa asnjë rezultat. Kur Leonora, vajza e madhe e Luljetës ishte në klasë të katërt, dy persona një grua dhe një burrë i kanë shkuar në shkollë dhe i kanë thënë se do ta dërgonin tek nëna. Në vitin 2010 një tjetër person nga Elbasani u ka komunikuar familjarëve se Luljeta ndodhej në Livorno të Italisë. Familjarët dyshojnë se ky person, i cili u dha këtë informacion është vetë ai që ka trafikuar Luljetën për qëllime prostitucioni drejt Italisë. Dyshimet shkojnë edhe tek të afërm të saj, pasi një prej tyre I ka kërkuar të bijës së Luljetës gjatë viteve 2011-2012 t’i ndërpriste kërkimet për nënën e saj, madje duke e kërcënuar se në të kundërt do të përfundonte njësoj si e ëma. Port ë gjitha këto nuk e kanë stepur Leonorën të jetë në kërkim të nënës, pa u ndalur, një e drejtë njerëzore që s’mund ta ndalin as kërcënimet me jetë.