I shumëkërkuari nga drejtësia italiane mbërrin në ’Pa Gjurmë’/Nëna vlonjate tregon detajet e fundit

13 Qershor, 18:17

Dy shokë u nisën në të njëjtën ditë me gomne drejt shtetit fqinj, nga Vlora për në Brindisi. Bashkë me Edison Bahaj dhe Tofik Hoxha ishte dhe një tjetër person i cili njihej me nofkën Babo ata merreshin me kalimin e paligshëm të refugjatëve. Bashkë me refugjatë të tjerë në bord udhëtimi i të rinjve nuk shkoi sic duhej, pasi ata u pikasën nga Guardia di Finanza teksa kalonin ilegalisht drejt tokës italiane. Një ditë më pas në mediat italiane njoftohet se dy të rinjtë ishin kapur gjatë këtij operiacioni klandestinësh në det të hapur, ndërsa një javë më pas në brigjet e Sarandës u gjet i pajetë trupi i personin i njohur si Babo, i cili për t’i shpëtuar policisë italiane ishte hedhur nga gomonia dhe më pas ishte mbytur. Përvec publikimit të emrave në mediat italiane, se ishin ndaluar nga policia për trafik të paligjshëm emigrantësh, familjarët nuk kanë mundur të marrin më asnjë informacion që prej vitit 2001 kur ndodhi ngjarja, për fatin e dy të rinjve të tjerë vlonjat. Për Edisonin 22-vjeçarin në atë kohë, nuk ishte hera e pare që kalonte ilegalisht kufirin, pasi edhe më parë ishte kapur sërish nga Guardia di Finanzza me akuzën e kalimit të paligjshëm të emigrantëve. Ai ishte dënuar me burg në shtetin italian, ndërsa kishte mundur të arratisej muaj, ndërsa kishte mundur të arratisej nga burgu. Pas kësaj ngjarje ai u kishte pohur familjarëve se do ta provonte sërisht kalimin drejt shtetit fqinj. Madje pohimi i tij se vetëm i vdekur mund të dilte nga burgu, për familjarët ka ngritur pikëpyetje të mëdha. Për fat të keq Edisoni u kap sërish nga policia dhe familja ngre dyshimin se djali i tyre ndodhet pas hekurave në Itali. Ata kërkojnë të dinë të vërtetën, pasi që prej atij viti ato nuk kanë marrë asnjë telefonatë apo lajm për Edisonin, por as e për Tofik Hoxhën me të cilin udhëtuan bashkë ditën e 26 majit të vitit 2001. Jeta për Edison Bahaj nuk ka qenë e lehtë pasi në vitin 2000. Kur babai i tij ndërroi jetë për shkak të një sëmundje të rëndë barra e familjes ra mbi shpatullat e të riutt, ndërsa për shkak të vështirësive ekonomike ai u detyrua t'i futej një rruge pa kthim.

Programe të tjera

    Nuk u gjeten video për këtë program!

Shiko të gjitha