ARMËMBAJTJA PA LEJE Grupi Shigjeta ka dalë për kontroll nëpër kryeqytet. Në një prej zonave të Tiranës një person po kryente lëvizje të dyshimta. Shigjetat e ndalojnë dhe pas ushtrimit të kontrollit konstatojnë se ai mbante një armë pa leje. Poseduesi i armës dhe dy personat që e shoqëronin u dërguan në komisariat për procedurat e mëtejshme. KUR NUK JUSTIFIKOHET MBAJTJA E NJË SHKOPI BEJSBOLLI Një shkop bejsbolli që mbahet në automjet pa ndonjë shkak të arsyeshëm, shndërrohet në mjet të rrezikshëm për shoqërinë. Drejtuesi i mjetit që e posedon duhet të japë sqarimet e tij në komisariat pasi nuk bindi skuadrën Shqiponja në terren. FNSH “PËRPLASET” ME TIFOZERINË POLAKE Reparti i ndërhyrjes së shpejtë Shkodër niset drejt Tiranës në mbështetje të masave të kërkuara nga UEFA për ndeshjen e futbollit Shqipëri-Poloni. Nuk munguan tensionet në stadiumin AIR ALBANIA. Tifozeria polake është përfshirë në një konflikt me kuqezinjtë. Është dashur ndërhyrja e policisë për të qetësuar situatën. Policia ka vendosur kordon të dyfishtë mes dy tifozerive.