Tonin Kola rëzulton i zhdukur për familjarët që prej datës 16 korrik të vitit 2006. 46-vjecari kishte 15 vite që ishte zhvendosur së bashku me familjen nga Mirdita në Lac.Ditën që u largua nga shtëpia i ka kërkuar mjetet e identifikimit bashkëshortes së tij, Drita Kolës e cila refuzoi t'ja jepte dhe disa para babait të tij. Ai del nga shtëpia sic dilte gjithmonë por këtë herë për të mos u kthyer më. Familjarët kërkuan kudo por nuk gjetën asnjë gjurmë të Toninit. 8 dit pas zhdukjes së tij, familjarët bëjnë edhe denoncimin në polici por pa asnjë rezultat. 2 ditë para se të largohej, Tonini kishte shprehur dëshirën në familje për tu larguar drejt Greqisë. Ai e njihte Greqinë si vënd pasi në moshën 18-vjecare ai ka pas punuar në Selanik të Greqisë për 2-3 vite. Gjithashtu në vitin 2005 ai ka pas punuar edhe në Maqedoni. 2 vitet e fundit pra nga viti 2004 ai mjekohej për shkak të problemeve të shëndetit mendor. 6 muaj para se Tonini të zhdukej, nëna e tij ndërron jetë, dhe amaneti i saj ishte që të kujdeseshin për Toninin. Tonin Kola la pas bashkëshorten e tij, Drita Stafën e cila jeton në Lac dhe ende është në pritje të tij. Djali i cili asokohe ishte 2 vjec, sot është rritur dhe jeton në Itali. Tonini e shprehte gjithmonë dëshirën për t'u mbyllur në një manastir dhe ndihej keq për gjëndjen në të cilën ndodhej pasi ndihej i padobishëm për shkak të problemeve me shëndetin mendor. Bashkëshortja, Drita Kola është dënuar pasi dërgoi djalin në Itali për azil dhe pasi u kthye në Shqipëri u dënua me detyrim paraqitje për 8 muaj.