Speca të mbushur me mish të grirë dhe oriz

Përbërësit:

• 1 kg speca
• 500 gr mish të grirë
• 2 qepë mesatare
• 2-3 domate
• 2 karrota
• 2 speca të kuq
• 2 thelpinj hudhër
• 1 ls oriz për çdo spec
• 1 lç nenexhik
• 4 lgj vaj ulliri
• Kripë, piper

Përgatitja:

Fillimisht pastrojmë specat duke larguar farat e tyre. Në një tigan me 2-3 lugë gjelle vaj ulliri kaurdisim vetëm pak qepën, sa të ulë volumin pa i dhënë ngjyrë. Në tas pëgatisim mbushjen duke vendosur mishin e grirë të pa gatuar, qepën, karrotën të grirë në rende, specat e kuq të prerë në kubikë, domaten të qëruar dhe të prerë në kubikë të vegjël, orizin e shpëlarë, kripën, piperin e zi dhe nenexhikun e thatë. Lyejmë tepsinë me pak vaj dhe vendosim specat duke i mbushur. I spërkasim sipër me pak vaj dhe pak fare kripë dhe i vendosim në furrë në temperaturën 180 gradë Celsius për 35-40 minuta.