-
VIDEO
Helmimi i krutanëve/ Bakiu: Artur Bushi të japë dorëheqjen, Alibeaj: Mbi 1200 të helmuar
Deputetja Bakiu tha se kryebashkiaku i Krujës, Artur Bushi, duhet të japë dorëheqjen sa më parë. Më tej, ajo theksoi se shumë qytetarë po trajtohen në shtëpi pasi në spital mungon insfrastruktura. Ndërsa nënkryetari i PD Alibeaj tha se janë mbi 1200 të helmuar. Ai deklaroi se Rama duhet të reagojë pasi është përgjegjësi ligjore, njerëzore dhe politike.
-
VIDEO
Helmimi masiv i qytetarëve në Krujë, PD kërkon të ndryshohet rendi i ditës në Kuvend, PS: Çështjet që diskutohen këtu nuk janë debate kafenesh! Mos e politizoni
Kryetari i grupit parlamentar në Partinë Demokratike Alfred Rushaj gjatë fjalës së tij në Kuvend ka kërkuar që të ndryshohet rendi i ditës dhe si pikë e parë e diskutimit të flitet për helmimin e qytetarëve nga uji në Krujës. Mirëpo, kryetari i grupit parlamentar të PS-së, Taulant Balla tha se nuk mund të ndryshohet rendi i ditës.
Rushaj: Kemi të bëjmë me një papërgjegjshmëri për helimimin e qytetarëve. Kërkojmë që të ndryshohet rendi i ditës dhe të vendoset si pikë e parë diskutimi për situatën emergjentë të krijuar nga ndotja e ujit të pijshëm në bashkinë e Krujës. Kuvendi e ka detyrim që të diskutojë për këtë ngjarje të rëndë që ka çuar në dëmtimet masive të shëndetit të qytetarëve në këtë bashki
Balla:Dua t’u uroj shërim të shpejtë. Rezulton të jenë të kontaminuar nga uji i pijshëm prokuroria po bën hetimet. Nuk e di që kuvendi ka atribute të bëjë qoftë e hetime penale qoftë të karakterit mjekësor. Këto duhet ti bëjnë autoritet shëndetësore. Javën e ardhshme Ministrja e Shëndetësisë dhe Ministra i Brendshëm të diskutohet. Hyn si pikë e parë e rendit të ditës në seancën e ardhshme. Është një çështje që nuk mund të hyjë në rend të dite pasi nuk ka një kërkesë për interpelancë për këtë çështje. Çështjet që diskuton Kuvendi nuk janë debate kafenesh. Nuk duhet politizuar ajo çështje.
Ndërkohë që kryetarja e Kuvendit, Lindita Nikolla tha se duhet të pritet përgjigja zyrtare dhe rendi i ditës u votua që të vijojë ai që ishte parashikuar.
Nikolla: Mirë është që të presim përgjigjen e organeve kompetente. Bashkohemi me shqetësimin e njerëzve që kanë probleme shëndetësore në Krujë. Është dhe në ndertin tuaj që mos të bëjmë politikë me këto situata. Të presim kohën e duhur. Nuk është koha që të vijojmë me ndryshim të rendit të ditës. Të vijojmë me rendin e ditës.
-
VIDEO
Kush i helmoi qytetarët e Krujës dhe si reaguan institucionet?
Emisioni Repolitix trajtoi ngjarjen e rëndë në Krujë me helmimin e mbi 600 qytetarëve nga ndotja e ujit të pijshëm. Kush i helmoi qytetarët e Krujës dhe si kanë reaguar institucionet përgjegjëse ndaj këtij skandali? Të ftuar në studio Arben Meçaj, Lavdosh Feruni, Arsen Rusta dhe Aulon Kalaja.
-
VIDEO
Helmimi masiv i qytetarëve nga uji në Krujë, Rama: Qeveria bëri investimin, ujësjellësi ka përgjegjësinë të sigurojë cilësinë! Çështja nën hetim administrativ
Kryeministri Edi Rama ka reaguar për herë të parë pas situatës së krijuar në Krujë, ku qindra qytetarë u helmuan nga uji i pijshëm. Në një prononcim për mediet, teksa u pyet nëse inagurimi i Ujësjellësit të ri në Krujë ishte vetëm për fushatë elektorale, kreu i qeverisë tha se tjetër gjë janë ndërtimet e ujësjellësve dhe tjetër gjë sigurimi që uji është në parametrat e duhura. Për këtë shtoi kreu i qeverisë ka përgjegjësinë Ujësjellësi dhe se në dijeninë e tij ka nisur një hetim administrativ për çështjen.
-
VIDEO
Rikthimi i Berishës në krye të PD, Rama: PD është katandisur në një objekt keqardhjeje!
Kryeministri Edi Rama ka folur pas mbledhjes me drejtuesit e qarqeve.
Vettingu në Politikë?Mendjen nuk ma keni lexuar, se nuk kam shprehur opinion të drejtpërdrejtë për të respektuar një parim që kemi vendosur vetë, që jemi të hapur të diskutojmë çdo gjë, do ulemi me vullnet të mirë, do dëgjojmë argumentet, 2018 ka pasur një propozim, ai është konsideruar jo bindës, nuk dimë gjë për propozimin e ri, janë 3 vjet, gjërat evoluojnë, nëse ka argumente bindës do bëjmë më të mirën. SPAK të bëjë hetimin? Serioziteti që do të jemi të gatshëm të diskutojmë cdo gjë, fillon këtu, do ulemi në tryze, e kam me të dëgjuar, do ulemi në tryezë, do dëgjojmë, do themi natyrisht atë që mendojmë, do marrim mendimet e ekspertëve dhe do rrimë në konkluzione sa më civile, cilësua e demokracisë. Mund të mos biem dakord duke gjuajtur me gurë dhe duke mos rënë dakord, ne këtë duam.
-
VIDEO
Analiza e zgjedhjeve të 25 prillit, PS mbledh në selinë rozë drejtuesit politik të qarqeve
Kryeministri Edi Rama do të mbledhë sot drejtuesit politik të PS-së të 12 qarqeve të vendit në selinë rozë. Burime për Report Tv bëjnë me dije se në mbledhje pritet që të diskutohet ecuria e analizës post zgjedhore si dhe procesi i anëtarësimit të të rinjve në PS.
Po ashtu një tjetër çështje për t'u diskutuar është edhe faza e ristrukturimit të PS-së për t'u përgatitur për sfidat e ardhshme zgjedhore.
-
VIDEO
Intervista/ Ish-ministri i Drejtësisë: Jam pro zgjatjes së vettingut! KLGJ e KLP përgjegjësi për vakancat! Harta e re gjyqësore? Duhet konsultim
Për ish-ministrin e drejtësisë Eduart Halimi sot avokat, i gjithë faji për mungesat e gjyqtarëve e prokurorëve në vend, është i institucioneve të drejtësisë së re, Këshillit të Lartë të Prokurorisë dhe atij Gjyqësor. Sipas tij, këto institucione s’kanë vizion dhe nuk janë transparente me publikun. Në një intervistë për ReportTv, Halimi thotë se vettingu duhet të kishte nisur nga politika, pasi pastrimi i drejtësisë nuk e dha efekte për klasën e korruptuar politike.
-
VIDEO
Debate në Komisionin e Sigurisë/ Opozita: Vrasja në Fier dhe grabitja në Nikël, tregon që qytetarët s'kanë besim te Policia! Ministri hesht: S'kam koment
TIRANË- Ndryshe nga sa dukej në ditët e kaluara për një interes për Agjencinë për Mbikëqyrjen Policore nga ana e opozitës, kjo u la në plan të dytë në Komisionin e Sigurisë Kombëtare.
Deputetët e opozitës i kërkuan ministrit të Brendshëm, Bledi Çuçi, informacione mbi vrasjet e regjistruara në vend dhe rastet në rritje të grabitjeve.
-
VIDEO
Borxhi deri në 700 mln €, Meta jep pëlqimin për marrjen e eurobondit, por me disa rezerva
Presidenti Meta i jep Kuvendit pëlqimin e tij për marrjen e Eurobondit deri në 700 mln euro në nëntor që do të përdoret në disa sektorë dhe për të larë borxhin publik, por ka dhe disa rezerva lidhur me të ku u bën thirrje deputetëve që të shqyrtojnë me shumë vëmendje këtë nismë para miratimit të saj.
Meta thekson se kjo dhënie pëlqimi bëhet e vlefshme vetëm pas miratimit të projektligjit nga Kuvendi.
-
VIDEO
Kuvendi i ndërpreu sinjalin, PD transmeton në Facebook mbledhjen e Komisionit Hetimor për 25 prillin
Ndërprerja e sinjalit nga Kuvendi nuk ka penguar PD të vijoj me mbledhjen e Komisionit Hetimor për zgjedhjet e 25 prillit. Mbledhja po transmetohet live në faqen zyrtare të PD në facebook, ku deputetët e PD po bëjnë raportim mbi provat e mbledhura për shkeljet e pretenduara gjatë zgjedhjeve parlamentare.
-
VIDEO
Braçe kritikon qeverinë: Ministrat nuk i kemi gjetur në punë, të hapin krahun
Deputeti socialist Erion Braçe ka kritikuar qeverinë në Komisionin e Ekonomisë ku tha se i ka rastisur disa herë që të shkojë në ministri dhe nuk i ka gjetur ministrat në punës. Ai tha se kush nuk do të punojë le të hap krahun, ndërsa tha se gjysma e administratës publike në zgjedhjet e 25 prillit nuk ka votuar fare Partinë Socialiste.
“Do ta them troç: Nga analiza që unë bëj po ju them unë që më shumë se gjysma e administratës publike nuk ka votuar fare për Partinë Socialiste. Fare, zero. Në nivel qendror dhe vendor po të doni. Aty është zonja (i drejtohet Spiropalit), sa herë kemi vajtur ne nëpër Ministri, tani se nuk nxjerr ndonjë sekret të madh, dhe nuk kemi gjet ministrat në punë. Është kështu? Ore kemi vajtur për të kontrolluar marrjen e përgjigjes. Institucion me institucion. U detyruan të vendosin tabela për të kontrolluar fluksin e ankesave dhe përgjigjet që jepeshin. Tabela, ku gjithsecili vihej para tabelës dhe i thuhej pse s’ka marrë përgjigje”, tha Braçe.
Në lidhje me krijimin e agjencisë për Bashkëqeverisje, Braçe tha se nuk kanë pse krijohen agjenci kot dhe të shpenzohen para kot sepse nuk funksionojnë institucionet. Kush nuk bën punë le të hap krahur, por mungon vullneti për të larguara ata që nuk i shërbejnë qytetarëve.
“Që ne të kemi vështirësi në funksionimin e institucioneve dhe për këtë të ndërtojmë instrumente të vënë në lëvizje institucionet, kjo më duket para e shpenzuar kot. Të jemi të qartë. Nëse nuk bëjmë dot institucionet të funksionojnë, të hapin krahun të gjithë, nga i pari te i fundit.Nëse ka agjenci që nuk i përgjigjen qytetarit për 1001 arsye dhe një nga këto është korrupsioni, në hipoteka, në tatime, në inspektime, të hapin krahun të largohen. Ligji i përcakton rastet, por mungon vullneti për të larguar nga detyra atë që nuk shërben”, tha Braçe.
-
VIDEO
Agjencia për ‘Bashkëqeverisjen’ Shalsi: Ka zgjuar interes tek vendet e tjera! Dashamir Shehi: Qenkemi model për Europën
Diskutimi i projektligjit për ngritjen e agjencisë për “Bashkëqeverisje’ ka sjellë një debat me kryetarit të komisionit të Ekonomisë, Eduart Shalsi dhe Dashamir Shehit.
Shalsi tha se disa shtete perëndimore kanë shfaqur interes për agjencinë që do të monitorojë administratën duke theksuar se njëri prej tyre ka sjellë edhe një ekip për ta shqyrtuar.
“Janë disa shtete perëndimore, njëri ka sjellë një ekip për ta shqyrtuar. Ka zgjuar interes ky sistem. Mund të vijnë dhe mund të përmirësohen”, tha Shalsi.
Por Dashamir Shehi ka reaguar me ironi tha se tashmë po kthehemi në model edhe për Europën Perëndimore.
“ E shikon ne jemi model për Europën Perëndimore”, tha ai.