• VIDEO

    Kuvendi i ndërpreu sinjalin, PD transmeton në Facebook mbledhjen e Komisionit Hetimor për 25 prillin

    Ndërprerja e sinjalit nga Kuvendi nuk ka penguar PD të vijoj me mbledhjen e Komisionit Hetimor për zgjedhjet e 25 prillit. Mbledhja po transmetohet live në faqen zyrtare të PD në facebook, ku deputetët e PD po bëjnë raportim mbi provat e mbledhura për shkeljet e pretenduara gjatë zgjedhjeve parlamentare.

    •  
  • VIDEO

    PS u largua, Kuvendi i ndërpret sinjalin Komisionit Hetimor për 25 prillin, Alibeaj i paralajmëroi: Do ju kallëzoj penalisht

    Kuvendi i ka ndërprerë sinjalin e transmetimit Komisionit Hetimor për 25 prillin, pas largimit të PS nga mbledhja. Drejtoresha e shërbimeve të Komisioneve Parlamentare, Lefterie Luzi u fut në mbledhje duke i kërkuar Alibeaj ta ndërpriste pasi nuk plotësonte kuorumin pas largimit të PS. Nga ana tjetër, Alibeaj tha se çdo ndërprerje e sinjalit është e paligjshme duke kërcënuar se do të kallëzojë penalisht Luzin dhe ata që 'kanë dhënë urdhrin e paligjshëm'.

    "Mbledhja ka filluar, e deklaron kryetari, keni detyrë ta transmetoni deri në fund kur ta deklarojë kryetari. Nëse merrni urdhra të paligjshëm për të ndërprerë sinjalin televiziv, do bëj deri kallëzim penal. Mos u bëni pengesë as ju administrata për pengimin e mbledhjes. Kush je ti që vjen këtu? Do të ketë kallëzim për të gjithë, nga i pari deri në fund. Zonjë po shkel ligjin, do të të çoj në kallëzim penal. Garda, zonja nuk është deputet , nxireni nga salla", tha Alibeaj.

    Megjithatë kjo nuk u morë për bazë nga Kuvendi, duke ndërprerë sinjalin.

    •  
  • VIDEO

    Komisioni për 25 prillin, Bardhi bie dakord me propozimin e maxhorancës: Të votojmë për Klevis Xhoxhin si sekretar

    Gazment Bardhi ka rënë dakord me kërkesën e maxhorancës në Komisionin Hetimor për 25 prillin, duke kërkuar që të zgjidhet Sekretari edhe pse nuk është miratuar ende rregullorja e brendshme. Ai ka kërkuar që të nisë votimi për emrin e Klevis Xhoxhit të propozuar nga PS dhe miratimi për rregulloren e Komisionit të lihet pikë e fundit, duke qenë që ka debat.

    "Jemi marrë peng dhe nuk po vazhdojmë dot përpara. Të hedhim në votim sekretarin dhe më pas rezervoj të drejtën për të marrë fjalën. Ju kërkuat në zgjedhjen e kaluar, zonja Bushka që zoti Klevis Xhoxhi të jetë sekretari i komisionit, unë propozoj ta hedhim në votim dhe ta votojmë. Më pas rregulloren ta lemë si pikë të fundit duke qenë që ka debat. Të vendosim normat dhe rregullat. Qytetarët nuk janë të interesuar fare për shkeljet e nenit. Hajde të miratojmë planin e hetimit", tha Bardhi.

  • VIDEO

    Komisioni për 25 prillin, Gogu-Alibeajt: Mblidhni veten dhe filloni drejtoni! Sot të zgjidhet Sekretari dhe të miratojmë rregulloren e brendshme

    Me akuza, por të artikuluara me tone të qeta, ka nisur Komisioni Hetimor për zgjedhjet e25 prillit ditën e sotme, ku nënkryetari Toni Gogu iu drejtua kryetarit Enkelejd Alibeaj duke i kërkuar të 'mbledhë veten' dhe të drejtojë Komisionin. Ai ka kërkuar që rendi i ditës të hidhet në votim dhe pjesë e të jenë edhe zgjedhja e Sekretarit të Komisionit dhe miratimi i rregullores së brendshme.

    "Mblidhni veten, vini rregull në këtë komision pasi nuk na ndaloni të përcaktojmë rregulloren e brendshme të këtij komisioni, Ky komision ka nevojë të miratojë rregullat e nevojshme për funksionimin e tij. E keni futur në udhëkryq veprimtarinë e këtij komisioni. Mblidhni veten dhe filloni të drejtoni. Nëse duam që hetimi për 25 prillin të bëhet realitet dhe jo show politik, nevojitet drejtim. Synimi juaj i vetëm duhet të jetë shterimi i rendit të ditësh dhe mbarëvajtja e mbledhjes, vetëm kështu do të largoni çdo njëanshmëri. Objektivi i këtij komisioni është hetimi dhe jo debati me ne. Hetimi që kërkohet nga ne është tërësi veprimesh pa marër të pandehur dh epa marrë të pandehur, vetëm duke hetuar mbështetur mbi prova do mund të verifikojmë veprimet tuaja. Nuk duhet të hyjmë në kompetencat e organeve të tjera. Duhet  t'i japim drejtim situatës ku ndodhemi duke respektuar njëri-tjetrin, por mbi të gjitha ligjin. Hidhni në votim rendin e ditës, aty të jetë zgjedhja e sekretarit dhe të hartojmë e miratojmë rregulloren e brendshme të komisionit", tha ai.

  • VIDEO

    Basha nxjerr në terren Bardhin për Reformën Territoriale, kryetarët e degëve me tone të ashpra: Dil vetë në bazë të kuptosh krizën e demokratëve

    TIRANË- ‘Dil në bazë e shih krizën e demokratëve’. Kjo është kërkesa me tone të ashpra e kryetarëve të degëve të PD që për 3 orë rresht kanë diskutuar mes debatesh lidhur me situatën në parti, ku 'Foltorja' e Berishës ka shkaktuar përçarje më shumë se kurrë.

    Gazetarja e Report Tv, Danjela Maloku ka mësuar ky irritim i krerëve të degëve erdhi pasi Lulzim Basha në mbledhjen e sotme tha se do të nxirrte në terren Sekretarin e Përgjithshëm, Gazment Bardhi për të marrë propozime për Reformën Territoriale, një nga betejat më të forta të opozitës në Kuvend. Fakti që kryedemokrati nuk zbret në terren personalisht, nuk është pranuar nga krerët e degëve, të cilët njëzëri kanë thënë se "nuk mund të vazhdohet më kështu", dhe se duhet gjetur një zgjidhje emergjente në një kohë kur demokratët janë të ndarë në "të Berishës" dhe të Bashës". 

  • VIDEO

    Rindërtimi te ‘5 maji’, Rushaj: Qeveria po prish shtëpitë për hakmarrje politike, nesër i bëj kërkesë KLSH! Banori: Mos u gënjeni, reagoni po ju ardhur litari në fyt

    Nënkryetari i PD Alfred Rushaj u takua me banorë tek “5 Maji”, shtëpitë e të cilëve kanë nisur të shemben për t’u rindërtuar pas tërmetit të 26 nëntorit 2019.  Por për PD këto shembje janë pa asnjë garanci dhe në shkelje të ligjit. Rushaj tha se do i drejtohet KLSH që të gjejë shkelje në procesin e rindërtimit në këtë zonë dhe t’i denoncojë ato në organet e drejtësisë.

    “Shumë gjëra falen, por prishja e shtëpisë, nxjerrja në rrugë të madhe me fëmijët, është shumë e rëndë. Pas familjes, shtëpia është gjëja më e shtrenjtë për njeriun. Do t’i bëj kërkesë menjëherë kryetarit të KLSH që shkeljet e gjetura t’ia verë sa më shpejt në dispozicion organeve të drejtësisë”, tha Rushaj. 

  • VIDEO

    Berisha sfidon SHBA-në, po tani çdo të ndodhë me PD-në?

    Emisioni Repolitix trajtoi situatën në PD pas foltores së Sali Berishës nga Kavaja ku ish-lideri demokrat sfidoi SHBA. Berisha deklaroi se padia e tij ndaj Blinken është pranuar nga gjykata e Parisit ndërsa sfidoi sekretarin e Shtetit të sillte prova në gjykatë. Çdo të ndodhë me PD ndërsa Berisha paralajmëroi rikthimin në krye të partisë? Të ftuar në studio Arben Meçaj, Keltis Kruja, Arben Skënderi dhe Plator Nesturi.

  • VIDEO

    Berisha sfidoi Blinken, ish-deputeti i PD-së në Repolitix: Pranimi në gjykatë i padisë fitore e ish-kryeministrit! Analisti Meçe: Në çdo vend pranohen çështjet, e ka shkelur demokracinë me '15 këmbë'

    Sali Berisha tha sot nga Kavaja se gjykata e Parisit ka pranuar padinë e tij kundër sekretarit amerikan Antony Blinken për shpifje. I ftuar në emisionin ‘Repolitix’ në Report Tv, ish-deputeti demokrat Keltis Kruja tha se kjo është një lloj fitoreje nga ana e Berishës. Kruja tha se Berisha ka zgjedhur rrugën e drejtë ligjore për të faktuar të vërtetën e tij.

    ‘Është një luftë politike mes Bashës dhe Berishës dhe kjo duket qartë. Për mendimin tim Berisha ka zgjedhur një rrugë që është rruga më normale që mund të zgjedhje një njeri. Nuk ka zgjedhur që të përgjigje as më lëvizje e me ngritje turmash, por me rrugë ligjore. Zgjedhja e Sali Berishës, që gjyqtari ka pranuar kërkesën është një lloj fitoreje e Berishës sa i përket çështjes së tij personale. Kushdo që të ishte do t’i ftonte ato që të paraqiste faktet. Franca ka një traditë për të tilla procese. Berisha po merr ato që i takojnë në PD, po i kthen dinjitetin e PD-së. Ai po artikulon disa gjëra që gjithë anëtarësia e PD-së do t’i dëgjojë.’- u shpreh Kruja.

  • VIDEO

    ‘Foltorja’ e Berishës përfshihet nga kaosi, demokratët i marrin mikrofonin të liruarit nga burgu në Itali, qytetari: Ju ka çuar Rama

    ‘Foltorja’ e Berishës në Kavajë u përfshi nga kaosi në një moment, teksa një qytetar mori fjalën dhe po i kërkonte llogari kryeministrit Edi Rama, pasi nuk kishte parë të bijën.

    Qytetari tha se për shkak të Edi Ramës, kishte 7 vite që nuk kishte parë vajzën me sy dhe duke tentuar të tregojë se si blihet vota, zbuloi se ka qenë në një burg të sigurisë së lartë në Itali, me persona të rrezikshëm.

  • VIDEO

    3 propozimet e PD-së për ndryshimet kushtetuese, Berisha thirrje deputetëve: Mos e votoni, përfiton Edi Rama

    Sali Berisha beson se propozimet e Partisë Demokratike për 3 amendamentet për të ndryshuar kushtetutën, janë një marrëveshje e fshehtë mes Ramës dhe Bashës, të cilën po e konkretizon ky i fundit. Nga Kavaja, ku edhe po mban ‘Foltoren’ e radhës, Berisha tha se ndryshimet kushtetuese nuk duhet bërë, pasi nga çdo marrëveshje mes PD dhe PS, fituese ka dalë gjithmonë kjo e fundit.

     
  • VIDEO

    Zv.ministri i Energjitikës për Report Tv: I siguroj qytetarët që për të paktën 3-4 vite nuk do të ketë rritje të çmimit të energjisë

    TIRANË- Për të paktën 3-4 vite, shqiptarët nuk do të njohin një rritje të çmimit të energjisë elektrike, përtej krizës globale. Ka qenë vetë zv.ministri i Energjitikës, Ilir Bejtja në studion e Report Tv që u ka dhënë siguri qytetarëve, duke thënë se nuk do të preken nga kjo krizë as familjet dhe as biznesi i vogël. 

    "Të jenë të sigurt të gjithë ata që janë biznes i vogël të lidhura me tension të ulët dhe qytetarët,  që në një të afërme të afërt, nuk do jenë subjekt i ndryshimit të tarifave, e kam fjalën për 3-4 vjet, nuk kemi ndryshime të tilla, Shqipëria do të përdorë të gjitha potencialet energjetike, që të marrin energjinë me çmimin që kanë pasur", tha ai.  

  • VIDEO

    U shpall ‘non grata’, Berisha: Gjykatësi i Parisit ka pranuar padinë time, ftoj sekretarin amerikan Antony Blinken të çojë provat

    KAVAJË- Ish-kryeministri Sali Berisha, i shpallur ‘non grata’ tashmë nga SHBA, si i përfshirë në veprime korruptive në shpërdorimin e fondeve publike, tha nga Kavaja që gjykatësi i Parisit ka pranuar padinë e tij nga sekretarit amerikan të shtetit Antony Blinken. Madje Berisha e ka ftuar këtë të fundit që të çojë provat, por sipas tij është i sigurt që prova nuk ka.

    ‘Gjykatësi i Parisit ka pranuar padinë e Sali Berishës. E ftoj sekretarin e shtetit Antony Blinken të dërgoje në gjykatën e Parisit, çdo provë, fakt, dokument që ka për Sali Berishën. Ju garantoj se ka zero, zero, zero. Problemin tim unë e kisha zgjidhur, dhe këtu do të them rroftë Drejtësia.’- tha Berisha.

Për lajme të tjera kërkoni në arkiv