• VIDEO

    Vendimi i Kushtetueses për Teatrin, aktori Liçaj: Aleanca ka fituar, është e qartë si drita e diellit! Veliaj dhe Rama kanë hapur aty varrin e tyre politik

    Aktori Neritan Liçaj dhe njëkohësisht aktivist në Aleancën për Mbrojtjen e Teatrit, tha se ky vendim i kushtetueses është i qartë si drita e diellit që ka fituar dhe se është i gjithi një vendim në favor të Aleancës. Liçaj tha se qeveria dhe bashkia kanë shkelur kushtetutën dhe se për këtë duhet të japin llogari. Më tej aktori shtoi se ai Teatër një kokë do ta hajë, ndërkohë që sipas tij aty Veliaj dhe Rama kanë hapur varrin e tyre politik

  • VIDEO

    Samiti i Berlinit/Merkel: Bashkëpunimi mes shteteve të Ballkanit, i nevojshëm për integrimin! Rama me kritika para liderëve të BE: Po shuani flakën e shpresës, po na ndërlikoni rrugëtimin tonë

    Presidentja e Komisionit Evropian, Ursula von der Leyen dhe Komisioneri për Fqinjësinë dhe Zgjerimin, Olivér Várhelyi, morën pjesë në Samitin e Ballkanit Perëndimor në kontekstin e të ashtuquajturit 'Procesi i Berlinit'

    Kryeministri Edi Rama u tregua i ashpër dhe me kritika të drejtpërdrejta në lidhje me liderët e e BE gjatë Samitit të Berlinit ku tha nacionalizmat e vendeve të tyre po vështirësojnë shumë rrugën e integrimit të vendeve të Ballkanit Perëndimor. Teksa theksoi se duhet ecur para me integrimin, Rama tha se nuk duhet rrezikuar që Ballkani Perëndimor të kthehet në karikaturë e BE apo në viktimë e vetos së një prej vendeve të tyre.

  • VIDEO

    Etjen Xhafaj në Report Tv: Politika duhet të ketë qëndrime të unifikuara për çështje kryesore, sharjet në sy të të huajve na dëmtojnë

    Deputeti i PS-së, Etjen Xhafaj tha se politika shqiptare duhet të jenë më e unifikuar në qëndrimet që kanë të bëjnë me çështjet kryesore të vendit dhe se duhen shmangur patjetër epitetet negative të politikaneve që përdorin në sy të huajve pasi kjo e dëmton shumë vendin.

  • VIDEO

    Humbja në zgjedhje/ Sot afati i fundit në PD për analizën e degëve, më 10 korrik kryesia shqyrton raportet për qarqe

    5 korriku shënon afatin e fundit që drejtuesit e degëve duhet ti paraqesin PD, analizën për performancën në zgjedhjet e 25 prillit. Kjo analizë do të mbërrijë në duart e kryesisë që do të miratojë të shtunën linjën politike që do ndjekë PD dhe propozimet për ndryshimet e statutit.

  • VIDEO

    Presidenti Meta vlerëson me Titullin 'Mjeshtër i Madh' 6 gazetarë sportiv: Pjesërisht e konsideroj veten pjesë të këtij komuniteti

    Në kuadër të Ditës Ndërkombëtare të Gazetarëve Sportivë, Presidenti Ilir Meta vlerësoi me anë të një ceremonie solemne disa gazetarë të spikatur sportivë për kontributet dhe meritat e tyre profesionale në pasqyrimin e garave dhe ndeshjeve sportive. Ky vlerësim vjen edhe në një muaj të rëndësishëm për sportin, siç është Kampionati Europian.

    Presidenti Meta dekoroi Bashkim Tufa “Në vlerësim të kontributeve dhe punës së palodhur prej gazetari profesionist dhe si kryeredaktor i gazetës ‘Sporti Shqiptar’, duke botuar denjësisht veprimtaritë sportive dhe duke promovuar sukseset e sportit shqiptar.”;

  • VIDEO

    Vokshi: SPAK të arrestoj menjëherë Erion Veliaj për shembjen e Teatrit, shkatërroi një pasuri kombëtare

    Deputetja e PD-së Albana Vokshi, tha se pas vendimit të Kushtetuese duhet të veprojë SPAK duke i bërë thirrje që të arrestojë kreun e Bashkisë së Tiranës Erion Veliaj dhe kryeministri Edi Rama. Vokshi tha nga selia blu se në mungesë të Gjykatës Kushtetuese, qeveria nisi një revansh kundër shtet të së drejtës dhe shkatërruan një vlerë historike dhe shpirtërore për kombin tonë.Deklarata e plotë Partia Demokratike përshëndet vendimin e fundit të Gjykates Kushtetuese! Ky vendim dëshmon edhe një herë sa të drejta kanë qenë shqetesimet e vazhdueshme të PD për dhjetëra ligjet e vendimet antikushtetuese që ka miratuar e implementuar kjo qeveri në mugesë të Gjykatës Kushtetuese. Sa të drejta kushtetuese të shkelura, të mohuara, të nëpërkëmbura, nga një qeverisje që ka vepruar si bandë plaçkitëse për llogari të oligarkëve e bërë palë me krimin. Sot është më e qartë se kurrë, se pikërisht në mungesë të Kushtetueses, regjimi ndërmori një revansh të ashpër ndaj shtetit të së drejtës. Ky revansh është edhe një nga arsyet e krizës politike që prej vitesh regjim ka nxitur në jetën e vendit dhe që masakra zgjedhore e 25 prillit nuk zgjidhi dot. Shpallja ANTIKUSHTETESE e ligjit për ndërtimin e teatrit me PPP, që grabiste pronën publike, dhe vendimi për kalimin e Teatrit nga Ministria e Kukturës te Bashkia bën nul çdo vendimmarrje të Këshillit Bashkiak dhe Erion Veliajt mbi një pronë që nuk ju takon. Ky vendim është i paligjshëm. Sot të gjithë e dinë se cilët janë barbarët që shkatërruan një vlerë historike dhe shpirtërore të kombit. Sot të gjithë e dinë se beteja disa vjeçare të Aleancës për Mbrojtjen Teatrin, e Partisë Demokratike dhe qytetarëve që i dolën në mbrojtje godinës ishte e drejtë! Ajo betejë nuk ishte vetëm për Teatrin Kombëtar, si një vlerë e çmuar e trashëgimisë kulturore, për historinë e arkitekturës, për vlerat shumëplanëshe politike, historike, artistike, kulturore. Jo, kauza e teatrit ishte shumë më shumë se kaq! Ajo ishte dhe mbetet një kauzë në mbrojtje të ligjit themelor që na mban bashkë si shqiptarë, Kushtetutës, një kauzë në mbrojtje të demokracisë. Pas këtij vendimi të GJykatës Kushtetuese, Partia Demokratike i kërkon SPAK të ngrihet në lartësinë e pritshmërive të qytetatëve shqiptarë dhe të nxjerrë nga sirtarët kallzimin e PD për shembjen e TK. Gjykata Kushtetuese foli qartë dje se çdo vendimmarje për Teatrin Kombëtar ka qenë antikushtetuese ndaj kushdo që është kapur në flagrancë për korrupsion aktiv dhe për dëmin financiar miliona euro, të shkaktuar nga prishja e Teatrit Kombëtar, kushdo që ka abuzuar me pushtetin, duke filluar nga Edi Rama e Erjon Veliaj, çdo nënpunës në administratë që është bërë pjesë e vendimmarrjes antikushtetuese e antiligjore, çdo punonjës policie që u përfshi në aktin e dhunës së shembjes barbare, duhet të përgjigjet para drejtësisë. Të gjithë duhet të jenë të barabartë para ligjit dhe sot SPAK duhet ta tregojë këtë duke arrestuar menjëherë Erion Veliaj, autorin dhe përgjegjësin direkt të shembjes së Teatrit, i cili ka shpërdoruar detyrën dhe në shkelje flagrante të Kushtetutës dhe ligjeve të vendit ka shkatërruar një pasuri kombëtare. Qytetarët shqiptarë duan drejtësi, qytetarët shqiptarë meritojnë drejtësi, prandaj krimi shtetëror i kryer nga Edi Rama dhe Erjon Veliaj, i provuar nga trupa gjyqësore e Kushtetueses, duhet të ndëshkohet një orë e më parë. PD konfirmon sërish mbështetjen e pakushtëzuar ndaj kauzës për rikthimin e Teatrit në identitetin e tij origjinal. Kjo kauzë kombëtare, ka në themel mbrojtjen e vlerave të artit, kulturës, trashëgimisë, qytetarisë dhe demokracisë, të cilat janë dëmtuar rëndë nga regjimi i pakicës, që më 25 prill vodhi shpresën e shqiptarëve për ndryshim. Me shembullin e kësaj qëndrese, Partia Demokratike është e vendosur që bashkë me shumicën e shqiptarëve, t’i shkojë deri në fund betejës më të madhe, betejës patriotike për ti kthyer Shqipërisë dinjitetin e një vendi të lirë demokratik, për t’ë kthyer përsëri shpresën në zemrat e shqiptarëve.

  • VIDEO

    Vendimi i Kushtetueses për teatrin, juristja e Aleancës për Teatrin: Kjo të shërbej si precedent

    Juristja e Aleancës për Teatrin, Adriana Kalaja tha në emisionin ‘Pa protokoll’ se vendimi gjykatës Kushtetuese sot është në fakt një vendim i drejtë, i mirë dhe që do shërbejë si precedent që shembuj të tillë të mos përsëriten më në të ardhmen. Ajo tha se pas gjykatës tashmë duhet të veprojë SPAK tek e cila kanë besim se do të hetojë të gjitha paligjshmëritë që janë bërë me teatrin kombëtar.

    Kalaja madje shtoi se Aleanca për Teatrin është e gatshme të bashkëpunojë me Ramën nëse e ndërtojnë teatrin aty ku ka qenë dhe siç ka qenë.

  • VIDEO

    Vendimi i Kushtetueses për teatrin, PD: SPAK s’mund të fshihet më, të ndjekë penalisht çdo zyrtar publik të përfshirë në këtë paligjshmëri, duke filluar nga Rama

    PD ka përshëndetur vendimin e Gjykatës Kushtetuese në lidhje me teatrin Kombëtar, ku shprehet se tani duket të flasë SPAK dhe të mos hesht më duke hetuar penalisht çdo zyrtar publik të përfshirë në këtë shembjen e teatrit, duke filluar nga Edi Rama. Përmes sekretarit të përgjithshëm të PD, Gazment Bardhi tha se vendimmarrja e sotme e Gjykatës Kushtetuese është vetëm hapi i parë, prova e pakundërshtueshme për abuzimin me pushtetin nga Edi Rama dhe Erjon Veliaj.

  • VIDEO

    PD: Rama-Veliaj shpërblejnë hajdutin e votave më 25 prill! Pëllumb Gjoka fiton tender e leje për resort turistik

    TIRANE-Partia Demokratike, përmes deputetit të zgjedhur Enkelejd Alibeaj denoncoi se si sipas tyre një personazh i kallëzuar prej tyre në SPAK për vjedhje votash më 25 prill ka fituar tender nga bashkia e Tiranës dhe ka marrë një leje për ndërtim resorti në Velipojë nga Këshilli Kombëtar I Territorit me firmë të Edi Ramës.

    Sipas Alibeaj fill pas asaj që ai e quan masakër zgjedhore,  'si shpërblim për shërbimet e tij ndaj Ramës, trafikanti Pëllumb Gjoka, përfiton pa garë nga Bashkia Tiranë  tenderin me objekt “Shërbim mirëmbajtje dhe furnizim me solucion për tunelet e dezinfektimit”, me vlerë kontrate 204 mijë euro (95% e fondit limit).

  • VIDEO

    Rama në Forumin e Prespës: Ne nuk po i lutemi BE-së, po rritemi dhe zhvillohemi! Nuk jemi të depresionuar, ata po

    Integrimi rajonal dhe realizimi i reformave për integrimin evropian janë prioritet i vendeve të Ballkanit Perëndimor, ka deklaruar kështu kreministri Edi Rama nga Samiti i Prespës, i cili prej dy ditësh po mbahet në Ohër. 

  • VIDEO

    Integrimi në BE, ambasadori italian flet nga Shkodra: Zhgënjim që nuk mori dritën jeshile! Nuk është vetëm çështje e Shqipërisë, por çështje evropiane

    Diplomati italian nënvizoi se ato kanë mbështetur që në fillim integrimin dhe çeljen e negociatave dhe do të vazhdojnë duke mbështetur integrimin e Shqipërisë drejt BE-së

  • VIDEO

    I dënuar me 3 vite burg në Greqi, KQZ lë në detyrë kreun e Bashkisë së Mallakastrës, Celibashi: S'është në kushtet e ndalimit, në Shqipëri do ishte dënuar me gjobë

    KQZ ka lënë në detyrë kreun e Bashkisë së Mallkastrës, Qerim Ismailajn, duke rrëzuar kërkesën e PD-së për shkarkimin e tij për shkak të dënimit në mungesë me 3 vite burg në Greqi. Përfaqësuesi i PD, Ivi Kaso kërkoi shkarkimin e tij nga detyra e kreut të Bashkisë së Mallkastrës, ndërsa tha se në momentin që ai ka kandiduar për këtë post në kushtet e ndalimit, për shkak të dënimit në Greqi.

Për lajme të tjera kërkoni në arkiv