• VIDEO

    Parlamenti rrëzon 12 dekretet e Metës dhe miraton aktet normative për vaksinat anti-COVID

    I hapet rruga për herë të dytë shkarkimit të Presidentit të Republikës Ilir Meta. Raporti i 'Ligjeve' për ngritjen e Komisionit Hetimor që do të shqyrtojë kërkesën e 49 deputetëve të mazhorancës është miratuar me votën pro të 98 deputetëve. Kuvendi miratoi me 97 vota pro gjithashtu edhe përbërjen e Komisionit Hetimor, me kryetar Alket Hysenin, nënkryetar Myslim Murrizin, sekretare Klotilda Bushka dhe 6 anëtarë të tjerë. Të gjitha të votuara me mbi 90 vota, Kuvendi i Shqipërisë ka rrëzuar në seancën e sotme 12 dekrete të Presidentit të Republikës. Dekretet kishin të bënin me me ligjet e kthyera nga kreu i Shtetit duke nisur nga ligji për punonjësit e policisë së shtetit, ligjin për sigurimin e detyrueshëm në sektorin e transportit, ai për organizimin e pushtetit gjyqësor, atë për kodin penal. Gjithashtu, Parlamenti ka rrëzuar dekretin për gjykatat administrative, për funksionimin e Prokurorisë, atë të Kodit të Procedurës Penale dhe ligjin për organizimin dhe funksionimin e Gjykatës Kushtetuese.

    Kuvendi miratoi ditën e sot edhe disa akte normative që lidhen me sigurimin e vaksinave anti-COVID. Aktet bnormative janë votuar me mbi 96 vota pro, ku Kuvendi i jep të drejtë ministrisë së Shëndetësisë të diskutojë dhe miratojë marrjen e vaksinave Pfizer, Sputnik V dhe apo Sinovac për të vaksinuar qytetarët shqiptarë. 

  • VIDEO

    98 deputetë i hapin rrugën shkarkimit të Metës, miratohet Komisioni Hetimor! Balla: Koha t'ia heqim këtë turp vendit!

    I hapet rruga për herë të dytë shkarkimit të Presidentit të Republikës Ilir Meta. Raporti i 'Ligjeve' për ngritjen e Komisionit Hetimor që do të shqyrtojë kërkesën e 49 deputetëve të mazhorancës është miratuar me votën pro të 98 deputetëve. Kuvendi miratoi me 97 vota pro gjithashtu edhe përbërjen e Komisionit Hetimor, me kryetar Alket Hysenin, nënkryetar Myslim Murrizin, sekretare Klotilda Bushka dhe 6 anëtarë të tjerë. 

    Seanca e sotme u shoqërua me fjalime shumë të forta për çështjen e shkarkimit të Presidentit Meta. Për kreun e Grupit Parlamentar të Partisë Socialiste, Taulant Balla, kjo nismë është një detyrim moral dhe kushtetues për mazhorancën. Balla tha se me këtë nismë synohet t'i hiqet turp i madh Shqipërisë me këtë President. Duke nënvizuar se kurrë institucioni i Presidentit nuk është përdhunuar në mënyrë kaq banale së Meta, Balla kishte edhe një thirrje që shkon edhe për Lulzim Bashën. "Tashmë PD ka në këtë sallë deputetët që garuan në listat e saj më 25 prill. Do ishte në nderin e tyre të na bashkoheshin në këtë nismë", tha Balla. 

    Ndërkohë që deputeti Myslim Murrizi sheh shumë arsye që Ilir Meta të hetohet realisht por jo këto që thotë mazhoranca. Sipas tij shtetësitë dhe dekoratat pa fund janë arsye serioze pasi i është dhënë shtetësi edhe kriminelëve por edhe janë dekoruar xhelatë të komunizmit. 'Një hajdut më pak, shpresoj ta keni seriozisht', tha Murrizi. 

    Ditën e djeshme Komisioni i Ligjeve miratoi me 14 vota pro dhe 1 kundër, vetëm të deputetit Adriatik Alimadhit, raportin që u miratua sot në seancë plenare, ku argumentohet se kërkesa për shkarkimin e Metës është legjitime e bazuar në prova dhe i rekomandon seancës plenare ngritjen e Komisionit Hetimor. Komisioni i Ligjeve mbështeti dhe gjeti të bazuar kërkesën e 49 deputetëve, të cilët kërkojnë shkarkimin e Metës, pasi sipas tyre ka shkelur rëndë Kushtetutën me angazhimin e hapur në fushatë në krah të opozitës dhe kundër mazhorancës. Në raportin për ngritjen e komisionit hetimor, thuhet se Ilir Meta, me deklaratat dhe mesazhet e tij ka cenuar rëndë të drejtat kushtetuese të individëve, imazhin dhe reputacionin e vendit, si dhe marrëdhëniet me partnerët strategjikë të Shqipërisë, me Bashkimin Evropian dhe me Shtetet e Bashkuara të Amerikës. Gjithashtu në raportin për Parlamentin thuhet se Ilir Meta, para dhe gjatë zgjedhjeve, ka nxitur dhunë, urrejtje, ndasi si dhe vetëgjyqësi. Sipas raportit, Meta ka shkelur edhe formulën e betimi si President. Kur mori detyrën, Meta u betua me dorën mbi Kushtetutë se do t’u qëndrojë besnik parmeve kushtetuese, por sipas raportit, sjelljet dhe në mesazhet e tij publike janë në kundërshtim me parimin e unitetit të popullit dhe të papajtueshme me Kushtetutën

  • VIDEO

    'Padia' e parë në KQZ për 25 prillin, LSI kërkon shpalljen të pavlefshme të zgjedhjeve në Bashkinë Dropull, ankimon rezultatin në Qarkun e Gjirokastrës

    Vendimi i Komitetit Teknik të Ekspertëve për ta karantinuar për 14 ditë qytetarët që vijnë nga Greqia dhe Maqedonia e Veriut, ka synuar që të godasë politikisht LSI-në në zgjedhjet e 25 prillit. Kështu ka argumentuar në ankimimin e parë për rezultatin e zgjedhjeve në KAS, për Qarkun e Gjirokastrës, Lëvizja Socialiste për Integrim, e cila kërkon që të shpallen të pavlefshme zgjedhjet në Bashkinë Dropull, gjë që ndikon në rezultatin e shpërndarjes së mandateve për Qarkun e Gjirokastrës.

    Në ankimimin, LSI sqaron KAS se urdhëri për 'vetëkarantinimin e detyrueshëm', për një periudhë dy javore për të gjithë shtetasit që hyjnë në Shqipëri nga Maqedonia e Veriut dhe nga Greqia ka ndikuar drejtpërdrejt në pjesëmarrjen dhe rezultatin e votimit në zonën zgjedhje Qarku Gjirokastër. 

    Pikërisht kjo masë, arsyeton LSI, e propozuar dhe e marrë 4 ditë përpara datës së zgjedhjeve, ishin akte të formësuar nga vullnet jo objektiv, por i orientuar politikisht e që solli si pasojë direkte negative pengimin e këtyre qytetarëve për të ushtruar të drejtën e tyre. Ky orientim u pa qartë sipas LSI, me anulimin me datë 3 muaj 2021 të këtij urdhri, pak ditë pas mbarimit të zgjedhjeve.

    Sipas ankimimit të bërë nga ky subjekt zgjedhor, në baze të votave të dala në zgjedhjet e 25 prillit, shifrat tregojnë se Urdhëri i Ministrisë së Shëndetësisë dhe Mbrojtjes Sociale ka pasur si qëllim të godasë politiksht, drejtëpërdrejt Lëvizjen Socialiste për Integrim. Sipas LSI ky fakt reflektohet se dhe në rezultatin zgjedhor.

    Më tej theksohet në ankimimin e LSI se ky fakt reflektohet se dhe në rezultatin zgjedhor. Sipas LSI nëse shtetasit shqiptar që jetojnë në Greqi nuk do të ishin penguar për të votuar shpërndarja e mandateve në Qarkun e Gjirokastrës do të ishte 2 PS, 1 LSI dhe 1 PD. Në ankimimin e LSI, theksohet se një anëtare e QV-je e PS-së dhe një numërues votash kanë ardhur nga Greqia në 19 prill .

    Ndërkohë që kryetarja e Lëvizjes Socialiste për Integrim, Monika Kryemadhi thotë se me vigjilencë dhe qetësi do t'i shkojnë deri në fund zbardhjes së të vërtetës.

  • VIDEO

    Juristët për rigjykimin e Mediut! Vishaj: Vendimi i SPAK s’është i ligjshëm, Hoxha: Kërkesa e drejtë

    Juristët duket se kanë arsyetime të ndryshme lidhur me kërkesën e SPAK, ndaj Gjykatës së Lartë për rihapjen e çështjes së Gërdecit kundër ish-ministrit të Mbrojtjes në atë periudhë Fatmir Mediut. Avokati Saimir Vishaj tha për gazetarin e Report Tv Arsen Rusta se sipas tij Kolegji Penal i Gjykatës së Lartë do ta rrëzojë këtë kërkesë duke thënë se s'ka kompetencë për këtë çështje. Sipas tij për ktë çështje kërkesa duhet ti dërgohet GJKKO.

    “Kemi nene të të drejtës proceduriale kanë ndryshuar por çdo subjekt ka të drejtë të bëjë kërkesa për rishikim dhe rigjykim. Në këtë rast jemi përpara një vendimi të gjykatës së lartë të cilët kanë vendosur pushimin e çështjes që kanë pasur nën kompetencë. Ligji procedurial ka një klauzolë ku organi i akuzës mund të kërkojë rishikim por kolegji penal nuk ka kompentencë lëndore ta zgjidhë, sepse kërkesa lëndore duhet të jetë vetëm GJKKO.

    Nuk ka më kompetencë kolegji i gjykatës së lartë për të rishikuar një vendim ndaj një ish të pandehuri sja njeh ligji. Jemi në një kolaps, unëmnedoj se nuk është një kërkesë e ligjshme kolegji do e rrëzojë.

    Mundet që vetëm kërkesa e spak ti drejtohet GJKKO si gjykatë kompentente sepse të drejtën për ta parë këtë vendim e ka vetëm gjyqtari i senacës paraprake dhe ai është gjyqtari i krimeve të rënda i SPAK. Kolegji penal smund të veprojë kurrë në juridiksionin e gjyqtarit të seancës paraprake. Smundet spak të veprojë drejtpërdrejt në kolegj penal për këtë çështje.

    Ngjarja eshte e rende kane humbur jeten femije. POor smund te paragjykoj si çeshtje. Ne fund fare kush ka dhene licence dhe kush ka gabuar te marri nje vendim. Ndoshta ata skethehen ne jete por nje demshperblim ato familje e duan. Kemi nje pasoje kriminale te madhe kemi shume viktima shume te plagosur duhet te pergjigjet dikush”, tha Vishaj.

    Një qasje ndryshe ka juristi Arbër Hoxha. Ai tha se kërkesa është e drejtë pasi tashmë shkaku pezullues ka rënë dhe se ndjekja penale ndaj tij mundet që të vazhdojë për shkak se nuk është më deputet.

     

  • VIDEO

    Parlamenti votoi ngritjen e Komisionit për shkarkimin e Metës, presidenca: S'e njohim vendimin, s'do tolerojmë asnjë intimidim nga mafia rajonale e ndërkombëtare

    Pasi Kuvendi i hapi rrugë ngritjes së Komisionit Hetimor për shkarkimin e presidentit Ilir Meta presidenca përmes një deklarate për shtyp bën se nuk do të njohë asnjë vendim.

    Në një deklaratë për mediat, zëdhënësi Metës, Tedi Blushi tha se Presidenti nuk do të njohë asnjë vendim apo veprimtari që sipas tij është antikushtetuese dhe antiligjore. 

  • VIDEO

    98 deputetë i hapin rrugën shkarkimit të Metës, miratohet Komisioni Hetimor!

    I hapet rruga për herë të dytë shkarkimit të Presidentit të Republikës Ilir Meta. Raporti i 'Ligjeve' për ngritjen e Komisionit Hetimor që do të shqyrtojë kërkesën e 49 deputetëve të mazhorancës është miratuar me votën pro të 98 deputetëve. Kuvendi miratoi gjithashtu edhe përbërjen e Komisionit Hetimor, me kryetar Alket Hysenin dhe nënkryetar Myslim Murrizin. 

  • VIDEO

    Myslim Murrizi: Ka arsye për tu hetuar realisht Ilir Metën, shtetësi kriminelëve dhe dekorata pa fund

    Deputeti Myslim Murrizi sheh shumë arsye që Ilir Meta të hetohet realisht por jo këto që thotë mazhoranca. Sipas tij shtetësitë dhe dekoratat pa fund janë arsye serioze pasi i është dhënë shtetësi edhe kriminelëve por edhe janë dekoruar xhelatë të komunizmit.

    "Kjo është lojë politiko mediatike për të hallakatur mendjet e shqiptarëve. Shumë vepra penale paska kryer Meta. Përveç Presidentit të Parë Sali Berisha gjithmonë ka pasur përplasja mazhorancë-President. Dashuria është e hershme. Kur kryetari juaj sot u bë ministër kulture, Meta ishte zv. kryeministër dhe më pas më një trekëmbësh Majkos e nxori këtë të ura dhe u bë Kryeministër.  

    A duhet hetuar realisht Ilir Meta? Cfarë kam vënë re që ju keni heshtur? 700 shtetësi dhe dekorata pa fund. Ka dekoruar xhelatë të ish-sigurimit të shtetit dhe asnjë fjalë s'keni thënë. Se për ccfarë duhej dhënë shtetësia për kriminelë vetëm ai mund ta dijë", tha ai.

  • VIDEO

    Halit Valteri për Metën: Të jetë urgjent subjekt i drejtësisë! Të ishte dënuar që kur lëpinte gishtat kur numëronte paratë në videon me Priftin

    Deputeti Halit Valteri ka qenë shumë i ashpër me Presidentin Meta në fjalën e mbajtur sot në Kuvend. Valteri është shprehur se Meta duhet të bëhet urgjent subjekt i drejtësisë.

    "Ai duhet menjëherë të jetë subjekt i drejtësisë shqiptare për krimet e shumta që ka kryer. E pakuptueshme se si karriera e këtij njeriu është ngritur deri te President i Republikës. Shkarkimi i tij është një akt i lartë por më i vogli që mund të bënim.  T'i japim vendit atë që i takon. Boll më me kalkulimi politike. Ai duhet të ishtë dënuar që kur lëpinte gishtat kur numëronte lekët në videon e Dritan Priftit. Ky është turp të thirret presidenti i Republikës, ku duhet të thirret Presidenti i rakisë ose Presidenti i qofteve", tha Valteri.

  • VIDEO

    Murrizi: Të falen gjobat gjatë kohës së pandemisë për drejtuesit e mjeteve

    Duke folur për ndryshimet në Kodin Rrugor, deputeti i opozitës në Kuvend, Myslim Murrizi, propozoi sot në Kuvend që të falën gjobat e marra gjatë pandemisë për drejtuesit e mjeteve që nuk respektuan dot orën policore se çuan njerëz në spitale.

    "Aksioni i madh në ccdo aks rrugor, policë që fshihen pas ferrave, kthesa etj. Unë do të propozoja që të ndërmerrej një nismë për të falur të gjitha gjobat gjatë pandemisë dhe rikthimin e patentave të atyre që kanë dërguar edhe njerëz në spitale dhe nuk kanë respektuar orën policore. Të falen të gjitha masat administrative që janë marrë gjatë kohës së pandemisë", tha Murrizi.

  • VIDEO

    Rritja e krimeve para zgjedhjeve, specialisti i policisë: Luftohet me strategji pozitë-opozitë

    Para zgjedhjeve, gjithnjë ka rritje të dhunës dhe të krimit. Këtë mendon specialisti i policisë, Fatjon Softa. Eksponentët kriminal përfitojnë nga zhvendosja e vëmendjes së policisë tek zgjedhjet.

    'Vetë policia në ruajtjen e mitingjeve, përqendrimi tek kutitë e votimit, mbrojtja e qendrave të votimit, vendosja e ushtrisë në institucionet e rëndësisë së veçantë dhe përqendrimi i policisë në procesin zgjedhor, janë elementë që krimi gjithmonë i përdorë.'- thotë Softa.

    Ka kohë që flitet për krim të sofistikuar në Shqipëri dhe me shtrirje ndërkombëtare. Softa e shikon të vështirë përballjen e policisë me të. 

    'Pa një mbështetje politike, pa mbështetje të ndryshme është shumë e vështirë që të operosh, sepse ato kanë një bazë ekonomike, kanë llogaritë e tyre, kanë një bazë ku bëjnë pastrimin e parasë dhe lidhjet e tyre. Pra, ato organizohen në sytë tanë, në mesin e jetës së përditshme.'- thotë më tej ai.

    Pak javë më parë policia goditi disa grupe kriminale dhe sekuestroi arsenal të madh armatimesh. Operacioni ishte sukses, por a ka akoma baza armësh?

    'Ky është një problem për t’u marrë seriozisht. Unë mendoj se nuk është baza e vetme. Shqipëria është pjesë dhe duhet të ushtrohet një kontroll i fortë në territori.'- tha Softa.

    Si mund të luftohet krimi i organizuar?

    'Bashkëpunim midis opozitës dhe pozitës mbi bazën e një strategjie se si mund të luftohet ajo që ne na shqetëson në mënyrë të përbashkët.' - u shpreh eksperti i policisë.

    Policia dhe komuniteti, hallkë kyçe për sukses kundër krimit.

    'Nuk është në nivelin e duhur, sepse bashkëpunimi në komunitet do të thotë të punosh me komunitetin.'- tha Softa.

    Në vetëm katër muajt e parë të 2021 në të gjithë vendin janë vrarë 20 persona, një pjesë e të cilëve në atentate të mirëfillta mafioze.

     

  • VIDEO

    ‘Rilindja e Krujës’, Rama poston videon nga qyteti historik tashmë i transformuar

    Në datën e lindjes së Heroit tonë Kombëtar, Gjergj Kastriot Skënderbeut, kryeministri Edi Rama ka postuar një video nga qyteti historik i Krujës, tashmë i transformuar.

    Në video duket qartë ndryshimi që ka pësuar qyteti, si pasojë e investimeve të kryera nga qeveria gjatë dy mandateve, duke u kthyer në një atraksion turistik që bëhet gati të mirëpresë vizitorë të shumtë këtë sezon.Sikurse mund të shihet nga video e publikuar nga kryeministri, një pamje krejt tjetër ka edhe Kalaja e Krujës, pas restaurimeve dhe ndriçimit artistik, duke e bërë atë duket edhe më madhështore.

  • VIDEO

    'Gërdeci', kërkesa e SPAK për gjykimin e Mediut, Arben Meçaj tregon se çfarë do ndodhë me procesin

Për lajme të tjera kërkoni në arkiv