• VIDEO

    Samiti i BE/ Varhelyi në Tiranë: Partneritet, kjo është ajo ç’ ka ofrojmë për Ballkanin Perëndimor

    Komisioneri i për Fqinjësinë dhe Zgjerimin në BE, Oliver Varhelyi ka mbërritur tashmë në Tiranë. Ai u prit nga kryeministri Rama ndërsa pas pak pritet të nisë Samiti BE-Ballkani Perëndimor.

    “Partneritet, kjo është ajo çka ne ofrojmë dhe është arsyeja pse për herë të parë zhvillohet ky Samiti në Ballkanin Perëndimor”, tha Varhelyi shkurtimisht për mediat.

  • VIDEO

    ‘A kanë sy me shiku dhe veshë me dëgju?’, me veshje popullore dhe flamur kuqezi, protestuesi në bulevard thirrje për liderët e BE-së

    Një prej protestuesve i veshur me kostum popullor, tha se kishte dalë në bulevardin ‘Dëshmorët e Kombit’ për të protestuar kundër qeverisë. Mes të tjerash, ai u bëri thirrje edhe liderve të BE-së që ndodhen sot në Tiranë, për të parë gjendjen e popullit shqiptar.

    “Kam dalë të protestoj kundër kësaj qeverie dhe kësaj poshtërise. Edi Rama dhe vëllai i Edi Ramës janë duke e grabitur këtë popull. Unë u bëj thirrje të gjithë ndërkombëtarëve a ka sy me shiku, a kanë vesh me dëgju. Edi Rama ka thënë do largohem kur të them unë jo kur të thotë populli. Të gjithë qeverinë në rresht e ka vendosur, sot nuk ka ku të shkojë”- u shpreh protestuesi

  • VIDEO

    Protesta e Rithemelimit/ Do të mbahet në bulevard jashtë perimetrit të sigurisë! Pritet të ketë fjalime në gjuhë të huaj për liderët e BE

    Sipas skenarëve që ka Rithemelimi, Berisha do të niset nga selia blu sikurse ka bërë tradicionalisht në protestat e opozitës. Më pas do të drejtohet pjesës së bulevardit Dëshmorët e Kombit që nuk është brenda perimetrit të sigurisë. Nga ish hotel Dajti deri në ambientet pranë ministrisë së Brendshme. Pritet të jetë kjo zona ku do përqendrohen protestuesit.

    Protestuesit do kenë edhe dy rrugë të tjera për t’ju bashkuar protestës së sotme. Nga rruga Myslym Shyri dhe nga sheshi Skënderbej. Rithemelimi ka deklaruar se protesta do jetë paaqeësore dhe do ketë rreth 10 deri në 12 fjalime dhe mesazhe në gjuhë të huaj për të përcjellë pakënaqësitë ndaj qeverisë.

    Duke patur parasysh që organizimi në një ditë të sotme kur në Tiranë janë liderët europianë, kur siguria është në maksimum, duket se pjesëmarrja nuk do jetë elementi kryesor në protestën e sotme, nuk ka pritshmëri të lartë nga rrethet, por PD ka mobilizuar strukturat në Tiranë për të pasur pjesëmarrje sa më të lartë. Pritet që rëndësia të përqendrohet tek mesazhi më së shumti që kjo protestë synon të përcjellë.

  • VIDEO

    Kryeministri belg në Tiranë: Vendet e Ballkanit kanë bërë progres, por ka ende punë! Rusia po përpiqet të destabilizojë, por ne jemi bashkë

    Kryeministri belg Aleksandër De Croo ka mbërritur në Tiranë për samitin e BE. Në fjalën e tij para mediave De Croo tha se vendet e Ballkanit Perëndimor kanë përparuar shumë por kanë ende punë përpara për të bërë.

    Ai foli edhe për Rusinë, ku theksoi se po përpiqet të destabilizojë jo vetëm Ballkanin por edhe BE. De Croo tha se bashkimi i BE -së dhe Ballkanit është përgjigja më e mirë që mund ti jepet Rusisë.

  • VIDEO

    Kryeministri grek në Tiranë: Optimist se me qeverinë shqiptare do të gjejmë zgjidhjen për çështjen e detit

    Kryeministri grek, Kiriakos Mitsotaqis, tha se Shqipëria dhe Greqia do ta gjejnë një zgjidhje për çështjen e detit.

  • VIDEO

    Marrëveshja Roaming, Von der Leyen: Mënyrë e shkëlqyer për t'i afruar njerëzit

    Presidentja e Komisionit Evropian, Ursula von der Leyen, ka përshëndetur firmosjen e marrësejes së tarifave Roaming në Tiranë.

    “Me marrëveshjen e sotme, operatorët e telekomit do të nisin uljen e tarifave të roamingut të të dhënave ndërmjet BE-së dhe Ballkanit Perëndimor, duke filluar nga viti i ardhshëm. Kjo është e mirë për biznesin dhe turizmin. Është gjithashtu një mënyrë e shkëlqyer për t'i afruar njerëzit”, ka thënë Presidentja e Komisionit Evropian.

  • VIDEO

    Masat e sigurisë për samitin/ Siç nuk është parë kurrë, asnjë makinë në Rrugën e Elbasanit

    Rruga e Elbasanit shfaqet sot si rrallë herë e kemi parë, si pasojë e masave të ndërmarra nga policia për kufizimin e lëvizjeve në rrugët e kryeqytetit në kuadër të mbarëvajtjes së samitit të BE-së dhe Ballkanit Perëndimor në Tiranë.

    Siç shihet edhe nga pamjet e siguruara, nuk ka qarkullim të asnjë makine në këtë rrugë, përveç lëvizjes së disa qytetarëve.

    •  
  • VIDEO

    Me këmbë nga shtëpia drejt selisë blu! Berisha shoqërohet nga protestuesit: Tirana po zien! Rroftë Shqipëria

    Sali Berisha ka shkuar me këmbë nga shtëpia drejt selisë blu duke qenë se rrugët janë të bllokuara në kuadër të samitit të BE. Para se të hynte brenda selisë së PD, teksa shoqërohej nga mbështetësit u shpreh: “Tirana po zien! Rroftë Tirana! Rroftë Shqipëria!”

    •  
  • VIDEO

    Vuçiç mbërrin në samitin e BE në Tiranë: Do t’ua them në sy liderëve europianë, integriteti territorial i Serbisë është cenuar nga Kosova

    Ndonëse pati paralajmëruar se nuk do të vinte në samit për shkak të tensioneve me Kosovës, presidenti serb Aleksandër Vuçiç ka mbërritur në Tiranë. Në fjalën e tij për gazetarët, Vuçiç tha se vendosi që të vijë në samit dhe t’ia paraqesë të gjithë lidërve europainë qëndrimin e Serbisë në raport me dialogun e Kosovës.

     
  • VIDEO

    Presidenti i Këshillit Evropian, Charles Michel: Sot ditë historike, mbështetja jonë për Ballkanin e pakursyer

    Presidenti i Këshillit Evropian, Charles Michel, tha se e sotmja është një ditë historike jo vetëm për Tiranën për marrëdhënien e BE me Ballkanin Perëndimor.

    “Mirëmëngjesi të gjithë. Do të jetë një takim i rëndësishëm. Është hera e paorë e që mbajmë një samit në Ballkan. E ardhmja e fëmijëve tanë do të jetë më e sigurt dhe më e begatë bashkë me Ballkanin perëndimor. Sot për shembull do të firmosim një marrëveshje për tarifat Roaming. Një tjetër jelekët është mbështetja që duam t’i japim vendeve të  Ballkanit për krizën energjetike. Pra, është një moment i rëndësishme dhe është e emocionuese që këtu në rajon kemi këtë takim mes vendeve të Unionit dhe ato të Ballkanit Perëndimor. Kjo është etapë e rëndësishme për afrimin e rajonit në BE”, tha ajo.

    •  
  • VIDEO

    Rrumbullaku në terren, inspekton masat e sigurisë për samitin e liderëve të BE-së dhe Ballkanit Perëndimor

    Drejtori i Policisë së Shtetit, Muhamet Rrumbullaku ka inspektuar në terren masat e ndërmarra në kuadër të mbarëvajtjes së samtitit të përbashkët mes liderëve të BE-së dhe atyre të Ballkanit Perëndimor.

    Siç është bërë e ditur ditë më parë, rreth 1500 forca policie do të jenë në terren për të garantuar sigurinë, duke nisur nga bllokimi i akseve kryesore të kryeqytetit.

  • VIDEO

    Samiti i BE në Tiranë, nënshkruhet marrëveshja 'roaming', tarifa më të ulëta për qytetarët e Ballkanit në BE

    Është nënshkruar marrëveshja e tarifave roamning mes vendeve të Ballkanit Perëndimor dhe Bashkimit Europian. Kjo marrëveshje parashikon tarifa më të ulëta për qytetarët e Ballkanit në vendet e unionit. Marrëveshja do të nisë zbatimin nga 1 tetori 2023. 

    •  

Për lajme të tjera kërkoni në arkiv