• VIDEO

    Kritikat për lirinë e medias/ Rama: S'jam dakord, liria e shpifjes këtu është në nivelet më të larta! Por do përshtatem

    Për Kryeministrin Rama kritikat për lirinë e medias në progres raportin e Komisionit Europian nuk qëndron.

    "Lidhur me lirinë e medias është një mundësi shumë e mirë për t'ju thënë se si ne duhet të adoptohemi në përpjekjen për tu bërë pjesë e kësaj familjeje. Unë nuk jam dakord me atë që thotë raporti që liria e mediat është në pikëpyetje. Nëse ka një vend ku mund të thuash çfarë të duash dhe s'të hyn gjemb në këmbë është Shqipëria. Pavarësisht që unë s'jam dakord përgjegjësia ime është se në këtë familje ka disa koncepte dhe mënyra të të parit të gjërave që ne duhet t'i bëjmë tonat. Unë këtë e kam filluar nga vetja. Unë te ai raporti nuk kam asnjë gisht, bashkë ne me gazetarët s'kemi pasur asnjë problem. Këtë 'Antishpifjen' ne nuk e kemi çuar përpara, se kuptoj pse shfaqet si problem. Liria e shpifjes këtu është në nivelet më të larta të mundshme.  A është kjo liri e medias? Për mua jo por do të adaptohemi", tha Rama në konferencën për shtyp me ambasadorin Soreca.

  • VIDEO

    Propozimet e PD-së për ndryshimet kushtetuese, Rama: Jam i hapur për diskutime drejtpërdrejt, duam t'i japim një shans të plotë dialogut

    Kryeministri Edi Rama thotë se është i hapur për të diskutuar me opozitën për tre amendamentet që synojnë ndryshimet e kushtetuese. të cilat i ka propozuar një ditë më parë Partia Demokratike, ku është fokusuar për vettingun e politikanëve, reformën territoriale dhe reformën zgjedhore.

    ‘Nuk është etikë të komentoj këtu këto propozime, duke pasur parasysh se kemi dhënë disponim total për t’i diskutuar në mënyrë serioze në procesin e dialogu që duhet të ushqehet me vullnet të mirë mes palëve. Nuk dua të jap opinione para se ti jap këtij dialogu një shans real dhe të kemi fuqi që t’i ballafaqojmë . Cilësia e një bashkëjetese, në çdo instancë nuk përcaktohet nga sa shpesh biem dakord por nga mënyra se si nuk biem dakord. Tjetër është të mos biesh dakord duke u ushqyer me frymë konstruktive ndërveprimin dhe tjetër duke u kapur për flokësh. Dëshiroj që t’i japim një shans të plotë dialogut. Opozita ka bërë 3 propozime, ne kemi detyrën që t’u japim mundësinë këtyre diskutimeve pa dëmtuar këtë proces diskutimi duke dhënë paraprakisht opinione përfundimtare. Jemi gati, por t’i diskutojmë drejtpërdrejt, jo me pasqyra.’- tha Rama.

    Partia Demokratike do të depozitojë sot në Kuvend, tre amendamentet që synojnë ndryshimet në kushtetutë që përfshijnë një reformë të re zgjedhore dhe territoriale, si edhe vettingun e politikanëve. PD e nis fillimisht me propozimin për ndryshim të pikës 3 të nenit 45 që në thelb e vë theksin te vettingu i politikanëve. PD propozon që të përjashtohen nga e drejta e për t’u zgjedhur shtetasit që janë dënuar me burgim, me vendim përfundimtar të formës së prerë, për kryerjen e një krimi, ose shtetasit që kanë kontakte të papërshtatshme me persona të përfshirë në krimin e organizuar, ose pasuri të pajustifikuar ligjërisht, sipas rregullave të përcaktuara me ligj të miratuar me tri të pestat e të gjithë anëtarëve të Kuvendit.

    Një tjetër ndryshim i rëndësishëm i propozuar nga PD është ai që zhbën ndryshimet kushtetuese të 30 korrikut 2020. Lulzim Basha me propozimet për ndryshime në pikën 1 të nenit 68 ka vendosur koalicionet në Kushtetutë duke 'marrë mësim' nga ajo që i ndodhi në zgjedhjet e kaluara; "Kandidatët për deputetë mund të paraqiten vetëm nga partitë politike, nga koalicionet e partive, si dhe nga zgjedhësit”, thuhet në propozim.

    Partia Demokratike gjithashtu rikthen hartën e vjetër territoriale pasi në ndryshimet në nenin 108 të Kushtetutës thotë se "Komuna dhe bashkia janë njësi bazë të qeverisjes vendore. Komunat përfshijnë vetëm territore rurale, ndërsa bashkitë përfshijnë kryesisht territore urbane dhe vetëm pjesërisht territore rurale. Ato kryejnë të gjitha detyrat vetëqeverisëse, me përjashtim të atyre që me ligj u jepen njësive të tjera të qeverisjes vendore”.

    •  
  • VIDEO

    Soreca: Shqipëria ka përmbushur kushtet, konferenca ndërqeveritare të mbahet brenda 2021! Duhet të përparoni me vettingun dhe zgjatjen e afatit të tij

    Ambasadori i BE, Luigi Soreca  tha se raporti konfirmoi edhe një herë se Shqipëri ai ka plotësuar të gjitha kushtet dhe se konferenca e parë ndërqeveritare duhet të mbahet brenda vitit 2021. Ai tha se vendi ka bërë përparim me luftën ndaj korrupsionit dhe reformën në drejtësi, por ka ende punë për të bërë me procesin e vettingut dhe shtyrjen e aftit të tij si dhe me lirinë e shprehjes së lirë.

    "Vlerësimi është i drejtë i situatës në Shqipëri në lidhje me rrugëtimin e saj drejt BE, ia dhanë meritat aty ku i takojnë dhe i janë bërë kritika aty ku kërkohet më shumë vëmendje. Në raport thuhet se pavarësisht sfidave, Shqipëria ka vijuar me përparimet për reformat e prekshme. Shqipëria i ka përmbushur kushtet dhe Konferenca e parë ndërqeveritare duhet të mblidhet para fundit të vitit, po bëhet punë intensive me drejtuesit e BE.

    Në fushën e studimit të ligjit ka pasur rezultate konkrete me reformën në drejtësi dhe Shqipëria ka bërë përparim në luftën kundër korrupsionit. Liria e fjalës, sulmet verbale dhe fushata baltosje kundër gazetarëve nuk duhet të vijojnë dhe duhet bërë më shumë për pavarësinë e rregullatorit të medias. Vetë-rregullimi i mediave online duhet të sigurohet dhe qeveria duhet të angazhohet për të siguruara ndryshimet të mundshme për rregullimin e mediat në përputhje me Komisionin e Venecias. Fusha kyçe ku priten përparime janë procesi i vettingut dhe zgjatja e tij dhe lufta kundër krimin e korrupsionit pasi së pari janë në interesin strategjik të qytetarëve", tha Soreca.

  • VIDEO

    Rama: Na i hapin apo negociatat ata që s'duan ne nuk ndalemi, Europën e ndërtojmë në vendin këtu

    Duke nënvizuar për të disatën herë se raporti i progresit është dokument udhërrëfyes, ndërsa të gjitha të tjerat janë pa asnjë lloj vlerë, pasi grupe të ndryshme bëjnë deklarata që janë të lidhura me çfarë hallesh kanë ata në vendin e tyre dhe nuk krahasohen me objektivitetin e Komisionit Europian, Kryeministri Rama nënvizioi se Shquipëria do të ecë përpara pavarësisht hapet apo jo negociatat.

    "Dua të them se së pari raporti e vulos objektivisht se Shqipëria vjen nga një proces zgjedhor i padiskutueshëm në pikëpamje të integritetit dhe të përputhjes me standardet dhe rekomandimet e OSBE-ODIHR. Ka ecur me reformat e shtetrrethimit dhe të konsolidimit të proceseve demokratike. Reforma në administratën publike përsëri referohet si një proces që përparon, ashtu edhe për luftën kundër krimit të organizuar. Të drejtat e njeriut rikonfirmohen si vlera më e madhe. Barazia gjinore vlerësohet. Përpjekjet tona për ta përafruar kuadrin legjislativ me BE-në vihen re dhe vlerësohen. Progresi për një ekonomi funksionale tregu është evident. Këto janë disa nga pikat kyçe. Raporti i Progresit nuk është thjesht një dokument që bën vlerësime pozitive por edhe që nxjerr në pah sfidat dhe problemet që duhen adresuar. Shqipëria nuk është sot një vend që mund të bëhet sot anëtare me të drejta të plota të Bashkimit Europian edhe sikur të donin ata që nuk duan. Në mbyllje dua të them që ne nuk do të ndalojmë me përpjekjet tona në bazë nëse hapen po jo negociatat. Ne e bëjmë për fëmijët tanë që të jetojnë në një vend me të njëjtën cilësi si në Bashkimin Europian.

  • VIDEO

    Rama: Raporti i progresi udhërrëfyes për ne! KE është gjykuesi më i drejtë dhe i paanshëm, bllokimet nga vendet e BE, për politikë

    Kryeministri Edi Rama tha se Ke rikonfirmoi edhe një herë se Shqipëria i ka plotësuar të gjitha kushtet për nisjen e negociatave dhe se ky raport është një udhërrëfyes për Shqipërinë. Rama tha e KE është partneri më i drejtë dhe më i paanshëm në gjykimin dhe vlerësimin e progresit të vendeve dhe çdo bllokim që vjen nga vendet e BE është vetëm për polikë.

     "Raporti i KE është një tjetër në një vrazhdë të disa të tjerëve tani më, ku KE rikonfirmon edhe njëherë që Shqipëria i ka përmbushur të gjitha kushtet për të nisur formalisht negociatat dhe për të ndërmarrë diskutimin e anëtarësimit. Dua të theksoj se ne gjejmë te KE një partner të drejtë dhe të paanshëm, një partner rigoroz që e vlerëson progresin duke u bazuar në hulumtimin e fakteve në terren dhe për këtë arsye do e përsëris edhe sot nuk ka në asnjë kryeqytet të vendeve anëtarë një strukturë e ngjashme apo që të mund të konkurrojë për nga cilësua e hulumtimi dhe për nga drejtësia e gjykimin delegacionin e KE dhe të BE këtu në vendin tonë. Kur dëgjojmë pranë ditëve të vendimmarrjes të një vendit të BE se prit kështu e ashtu kjo është polikë. Raporti i Progresit është për ne udhërrëfyes", tha Rama.

  • VIDEO

    Aksion antidrogë me urdhër të SPAK në Lezhë, 12 të ndaluar, mes tyre edhe 5 efektivë policie të përfshirë në kultivimin e kanabisit

    Policia e Shtetit me urdhër të SPAK po zhvillon në Lezhë një operacion antidrogë. Report Tv mëson se deri tani janë ndaluar 12 persona të akuzuar për vepra të ndryshme penale. Ndër të arrestuarit në Lezhë janë edhe efektivë policie të përfshirë në kultivimin e trafikun e kanabisit. Kjo është edhe arsyeja se pse hetimi po ndiqet nga SPAK dhe SHÇBA.

  • VIDEO

    Progres-raporti i KE-së për Shqipërinë, Rama konferencë me ambasadorin e BE-së Luigi Soreca! Mblidhet edhe Këshilli Kombëtar për Integrimin Europian

    Një ditë pas zbardhjes së progres-raportit të Këshillit Europian për Shqipërinë, kryeministri Edi Rama dhe ambasadori i Bashkimit Europian në Shqipëri, Luigi Soreca do të zhvillojnë një konferencë për median. Konferenca pritet të zhvillohet në kryeministri

  • VIDEO

    Rindërtimi i rrugës panoramike të Kurveleshit, Rama: Zgjeron ofertën turistike, lidh historinë e Tepelenës me bregdetin e Jonit

    Rruga e Kurveleshit i është nënshtruar rikonstruksionit të plotë në gjithë gjatësinë e saj nga Bënçë deri në hyrje të fshatit Lekdush.  Ndërtimi i këtij aksi sjell një perspektivë të madhe zhvillmi për të gjithë zonë që nga  nxitja ekonomike deri te turizmit. Ky aks afron Tepelenën me bregdetin e Jonit  duke krijuar një lidhje mes turizmit bregdetar me turizmin natyror, kulturor dhe historik.

  • VIDEO

    Korça zgjohet 'nën pushtetin' e mjegullës

    Qyteti i Korçës është zgjuar ditën e sotme e mbuluar nga mjegulla e dendur, e cila ka krijuar mjaft vështirësi për qarkullimi  e mjeteve.

    Problematikat më të mëdha janë në aksin Korçë-Pogradec, ku mjegulla e dendur është  e pranishme thuajse gjatë gjithë rrugës.

  • VIDEO

    Vetingu i politikanëve, a mund të bëhet siç propozon PD?

    Emisioni Repolitix trajtoi propozimin e PD-së për Vetingun e politikanëve. Cilat janë propozimet e PD-së dhe a janë të realizueshme ato? Kush do ta bëjë vetingun e politikanëve dhe deri ku shtrihet rrethi familjar dhe miqësor i politikanëve që do kontrollohen sipas propozimit të PD? Të ftuar ne studio Arben Meçaj, Ledio Braho, Lisander Hoxha dhe Andi Përmeti.

  • VIDEO

    Aksident i rëndë në Sarandë, ‘Benzi’ plagos rëndë 29-vjeçarin që kishte ndaluar në rrugë

    SARANDË- Një aksident i rëndë është regjistruar mbrëmjen e kësaj të marte në në Qafë Gjashtë, ku i plagosur ka mbetur një person. Report Tv mëson se i 29-vjeçari Albion Kreci kishe parkuar makinën dhe po ngarkonte disa kova me bojë.

    Në atë moment një makinë me targa AB067PJ e ka goditur duke lënë të plagosur rëndë 29-vjeçarin.

  • VIDEO

    Gledis Nano paralajmëron drejtuesit e rinj të policisë: Jeni në provë, do vlerësoheni në bazë të meritokracisë

    Drejtuesit e rinj të emëruar në detyra të posaçme në Policinë e Shtetit, janë në provë. Paralajmërimi për ta ka ardhur nga vetë Drejtori i Policisë së Shtetit, Gledis Nano, sipas të cilit, të gjithë do të vlerësohen bazuar në meritokraci dhe integritet. Një ditë pas ndryshimeve në 11 drejtori qarqesh dhe në 7 poste të tjera të rëndësishme brenda kupolës së policisë, Nano ka bërë publike edhe gjashtë emërime të reja, në nivele të dyta drejtuese.

    Krenar Muço është drejtori i ri i Migracionit, në Departamentin për Kufirin dhe Migracionin në Policinë e Shtetit. Por kjo nuk është lëvizja e vetme që Nano ka bërë këtë të martë në kuadër të ristrukturimit të Policisë së Shtetit. Ish-drejtori i Policisë së Fierit, Ferdinand Mara, i liruar nga detyra një ditë më parë, emërohet drejtues i Drejtorisë së Analizës dhe Informacionit Kriminal, në Departamentin e Policisë Kriminale. Pjesë e emërimeve të reja janë edhe Artur Selimaj në detyrën zëvendësdrejtor për Sigurinë dhe Policimin në Komunitet, në Policinë e Elbasanit. Në të njëjtën detyrë, por kësaj radhe në Berat transferohet nga Elbasani, Albert Nushi. Zëvendësdrejtorët e Hetimit të Krimeve ndryshojnë në Vlorë dhë në Durrës, ndërsa Gledis Nano ka emëruar përkatësisht në të dy drejtoritë në fjalë, Ilir Dedjan dhe Lorenc Metën. 

Për lajme të tjera kërkoni në arkiv