• VIDEO

    Zjarret në Vlorë, zv.ministrja e Mbrojtjes tha se s'ka nevojë për helikopterë, Prefekti flet nga terreni: E domosdoshme ndërhyrja nga ajri

    Ndryshe nga sa tha zv.ministrja e Mbrojtjes, Dallëndyshe Bici se situata me zjarret në Vlorë nuk është jashtë kontrollit, Prefekti i Vlorës, Flamur Mamaj, nga terreni u shpreh se është e domosdoshme ndërhyrja nga ajri për të shuar flakët. Në lidhje telefonike për 'Report Tv', Mamaj u shpreh se situata është vështirësuar edhe nga ndryshimi i krahut të erës, duke shtuar se do të ndërhyjnë në të gjitha vatrat gjatë natës, kur bie edhe intensiteti i flakëve. Ai tha se ditën e nesërme, në ndihmë të zjarrfikësve do të shkojë dhe ushtria, duke shpresuar edhe në riparimin e helikopterëve për të shuar flakët.

    "Situata është e vështirë për shkak të ndryshimit të drejtimit të erës. Jemi në terren dh epo përpiqemi të shmangim  përhapjen e flakëve. Nuk e di se çfarë ka thënë zv.ministrja, por besoj që ndrhyrja nga ajri është e domosdoshme. Helikopterët janë në remont pas katastrofën në Malin e Tomorit dhe remontet janë çështje teknike.  Zjarret janë të paparashikueshme dhe nuk e parashikojmë dot nëse e përballojmë me këto forca. Por gjatë natës bie intensiteti i zjarrit dhe do përpiqemi të ndërhymë në të gjitha vatrat që në mëngjes mos të kemi këtë situatë. Ne jemi në vazhdimësi në terren, nesër do të ketë ndërhyrje ushtarake, le të shpresojmë që me punën tonë, mbase riparohen në kohë helikopterët dhe të bëhet e mundur një ndërhyrje nga ajri dhe të normalizohet situata. Zjarri favorizohet edhe nga era. Nesër do ketë përsëri ndërhyrje të forcave ushtarake", tha ai.

    Pak më herët, Bici tha për 'Report Tv' se nuk ishte e nevojshme përdorimi i helikopterëve ndërkaq pranoi se ata janë në remont. 

  • VIDEO

    Zjarri përfshin kodrat e Përmetit, digjen 3 ha kullota dhe 2 ha pyje

    Pas situatës kritike me zjarret në Vlorë, një vatër është aktivizuar edhe në Përmet. Flakët kanë përfshirë një sipërfaqe të madhe në kullotave në fshatin Kutal në Përmet. Zjarri është aktivizuar pasditen e sotme, ndërsa terreni i thepisur dhe i vështirë e bën të pamundur ndërhyrjen e mjeteve zjarrfikëse.

    Aktualisht zjarrfikësit po punojnë me mjete rrethanore, por flakët e favorizuara edhe nga era po përhapen me shpejtësi, ku deri tani janë djegur 3 ha kullota dhe 2 ha pyje.

  • VIDEO

    Kokaina në kontejnerët e ‘Alba Exotic Fruit’, SPAK merr në dorëzim dosjen, debate në seancë! GJKKO lë në burg administratorin e kompanisë, në kërkim pronari

    Këtë të shtunë, në GJKKO është zhvilluar seanca për caktimin e masës së sigurisë ndaj pronarit të kompanisë Alba Exotic Fruit Eduart Dautin dhe administratorit Bajron Gumeni, ky i fundit i arrestuar për sasinë 11 kg e 675 gram të kapura në kontejnerët e kompanisë më 13 korrik. Gumeni u la në burg nga GJKKO ndërsa Dauti është ende në kërkim.

    Burime pë Report Tv bëjnë me dije së pala mbrojtëse nuk ka pranuar akuzat ndërsa gjatë seancës ka pasur edhe debate në lidhje me trensferimin e çëshjes nga Durrësi, e cila shpalli moskompetencë dhe e kaloi në SPAK. Trupa e GJKKO ka vendosur që hetimet të ndiqen nga SPAK për shkak se ka dyshime dhe prova të besueshme që kemi të bëjmë me grup të strukturuar kriminal.

  • VIDEO

    Tjetër zjarr në Vlorë, përfshihet nga flakët fshati Xhyherinë! Digjen pemë e ullinj, dyshohet zjarrvënie e qëllimshme

    Duket se nuk ka paqe për Vlorën. Teksa zjarrfikësit luftojnë prej ditësh me flakët në Karaburun dhe Tragjas, një tjetër zjarr ka rënë pasditen e sotme në fshatin Xhyherinë .

    Flakët kanë përfshirë një pjesë kodrinore, duke djegur pemë e ullinj. Në vendngjarje kanë mbërritur forcat zjarrfikëse dhe po punojnë për shuarjen e flakëve.

    Paraprakisht dyshohet se zjarrvënia ka qenë e qëllimshme, por megjithatë nuk bëhen me dije të tjera detaje nga rrethanat e ngjarjes.

    •  
  • VIDEO

    5 gra dhe 14 fëmijë nxirren nga kampet e Sirisë, kryeministri Edi Rama dhe Ministri Bledi Çuçi të pranishëm në operacionin e riatdhesimit

    Kryeministri Edi Rama dhe Ministri i Brendshëm, Bledi Çuçi, janë të pranishëm në Libi, në operacionin për riatdhesimin e grave dhe fëmijëve nga kampet Al Hol dhe Roj të Sirisë.

    Paraprakisht bëhet me dije se ditën e nesërme do të rikthehen në atdhe 5 gra dhe 14 fëmijë.

    "Beirut, Liban - Për operacionin e shpëtimit nga kampi i ferrit në Al Hol dhe kthimit të fëmijëve e grave të tjera në Atdhe. 5 gra dhe 14 fëmijë shqiptarë nga kampet e vdekjes në Siri, nesër në Shqipëri, falë një operacioni të gjatë e të ndërlikuar inteligjence në terren dhe ndihmës së paçmueshme të gjeneralit Abass Ibrahim", thotë Rama.

    •  
  • VIDEO

    Vlora në flakë prej 10 ditësh, zv.ministrja e Mbrojtjes Bici: S’kemi situatë jashtë kontrollit, helikopterët janë në remont! Zjarret të ishin parandaluar nga pushteti vendor

    Teksa Vlora është prej 10 ditësh mes flakësh, ku po digjen mijëra hektarë pyje, për zv.ministren e mbrojtjes Dallëndyshe Bici nuk kemi një situatë jashtë kontrollit. Në një intervistë për Report Tv Bici ka deklaruar se nuk ka qenë e nevojshme përdorimi i helikopterëve ndërkaq ka pranuar se ata janë në remont.

    “Unë e kam ndjekur nga afër operacionin kam qenë në Ksamil dhe tani jam në jug, në Ksamil ska qenë e nevojshme përdorimi i helikopterit ndërmjet forcave të armatosura. Ishin të mjaftueshme për të shuar flakët dhe parajamëruam një katastrofë që mund të ishte shumë e rrezikshme. Zgjidhja nuk janë helikopterët i kemi përdorur dhe në raste të tjera. Është në remont shumë shpejt do të jetë në gjendje pune, terreni është i vështire aty ku territory mund t ëmbuloht me mjete të tjera", tha zv.ministrja në Report Tv.

  • VIDEO

    Vlora 10 ditë e 'mbërthyer' nga flakët, zjarret përpijnë mijëra hektarë pyje në Tragjas e Karaburun! Peleshi e Çako 'fikin' telefonin! Asnjë ndërhyrje nga ajri, prefekti: Helikopterët në remont

    Pamjet apokaliptike të zjarreve që përpijnë malet prej 10 ditësh kanë krijuar një situatë katastrofike në qarkun e Vlorës si gjatë natës edhe gjatë ditës. Flakët e zjarrit shfaqen kokëforta teksa nuk 'dorëzojnë' pyjet dhe kullotat, ndërsa vatra të reja shfaqen herë pas herë duke e rënduar situatën. Të vetmit përballë kësaj situate në të gjithë qarkun, janë vetëm 30 zjarrëfikës të Vlorës, 8 të zonave të mbrojtura dhe ushtarë e Poshnjës. Për shkak të terrenit të thyer dhe malor marrja nën kontroll e zjarrit bëhet mision i pamundur përkundrejt edhe mjeteve që disponojë zjarrfikësit teksa shfaqen në këto pamje vetëm me lopata dhe shkurre për të shuar flakët gjigante.

  • VIDEO

    Vlora 10 ditë e 'mbërthyer' nga flakët, zjarret përpijnë mijëra hektarë pyje në Tragjas e Karaburun! Peleshi e Çako 'fikin' telefonin! Asnjë ndërhyrje nga ajri, prefekti: Helikopterët në remont

    Pamjet apokaliptike të zjarreve që përpijnë malet prej 10 ditësh kanë krijuar një situatë katastrofike në qarkun e Vlorës si gjatë natës edhe gjatë ditës. Flakët e zjarrit shfaqen kokëforta teksa nuk 'dorëzojnë' pyjet dhe kullotat, ndërsa vatra të reja shfaqen herë pas herë duke e rënduar situatën.

    Të vetmit përballë kësaj situate në të gjithë qarkun, janë vetëm 30 zjarrëfikës të Vlorës, 8 të zonave të mbrojtura dhe ushtarë e Poshnjës. Për shkak të terrenit të thyer dhe malor marrja nën kontroll e zjarrit bëhet mision i pamundur përkundrejt edhe mjeteve që disponojë zjarrfikësit  teksa shfaqen në këto pamje vetëm me lopata dhe shkurre për të shuar flakët gjigante.

  • VIDEO

    2 vatra zjarri në Durrës, po punohet për t'i shuar, nuk ka banesa të rrezikuara

    Sot ka pasur 2 vatra zjarri në Durrës, një në Shetaj në njësinë administrative Ishëm dhe një në Rrushkull njësia administrative Sukth. Është përfshirë nga flakët bimësia në të dy rastet. Nuk bëhet fjalë për dëme njerzore apo në banesa. Janë angazhuar 10 forca zjarrfikëse në Shetaj dhe 4 në Rrushkull për të vënë flakët në kontroll. Zjarri në Rrushkull është shuar kurse ai në Shetaj drejt shuarjes.

    •  
  • VIDEO

    Qeveria merr vendimin, trualli i Teatrit Kombëtar i kalon bashkisë së Tiranës: I ndalohet të ndryshojë destinacionin e pasurisë

    Qeveria ka vendosur që sipërfaqja e truallit ku ishte ndërtuar Teatri Kombëtar, të kalojë në pronësi të Bashkisë së Tiranës.

    Vendimi është marrë një ditë më parë në Mbledhjen e Këshillit të Ministrave. Në VKM thuhet se kalon në pronësi të bashkisë së Tiranës, lloji “truall”, në zonën kadastrale 8150, Tiranë, me sipërfaqe totale 5 522.7 (pesë mijë e pesëqind e njëzet e dy pikë shtatë) m2, ku ka qenë godina e Teatrit Kombëtar, e cila tashmë nuk ekziston më si godinë.

    Qeveria ka shfuqizuar vendimin e vitit 2020, që rrëzoi Gjykata Kushtetuese, me emërtimin “Teatri Kombëtar”, në zonën kadastrale 8150, Tiranë”, si i papajtueshëm me Kushtetutën. Në VKM përcaktohet qartë se Bashkisë së Tiranës i ndalohet që të ndryshojë destinacionin e pasurisë, ta tjetërsojë atë apo t’ua japë të tretëve në përdorim.

    Pasi Gjykata Kushtetuese, rrëzoi vendimin e qeverisë në vitin 2020, që e kalonte pronësinë e truallit të ish-godinës sëTeatrit nga Ministria e Kulturës te Bashkia e Tiranës, qeveria hartoi një projektvendim që i kalon bashkisë tokën ku ishte teatri.

    Në projektvendim thuhet se prona i kalon bashkisë, pasi Ministria e Kulturës nuk ka parashikuar fonde për ndërtimin e një teatri të ri, ndërsa nga Bashkia e Tiranës janë bërë tashmë disa veprime paraprake. Po ashtu një tjetër arsye është edhe fakti se sipërfaqja tjetër përreth teatrit, është gjithashtu në pronësi të bashkisë.

    Kujtojmë se Gjykata Kushtetuese vendosi të rrëzojë të gjithë bazën ligjore për ndërtimin e Teatrit të ri kombëtar, ndërsa nuk pranoi kërkesën e Presidentit Ilir Meta për shpalljen antikushtetuese të shembjes së Teatrit. 

  • VIDEO

    Prej 1 jave Vlora në zjarr, flakët përpijnë qindra hektarë!Ministri Peleshi e Çako 'fikin' telefonin

    Prej një jave Vlora e rrethuar nga zjarri! Në të gjithë qarkun vijojnë që të digjen mijëra hektarë pyje dhe në Tragjas dhe Karaburun. Situata vijon të jetë shqetësuese pasi është e vështirë të ndërhyhet në rrugë tokësore, ndërsa asnjë helikopter që duhet të shërbejë në raste emergjencash nuk është vënë në dispozicion. Ministri i Mbrojtjes Niko Peleshi dhe kreu i Emergjencave Civile Haki Çako nuk u janë përgjigjur interesit të Report TV ndërsa situata është në mëshirë të fatit.

  • VIDEO

    Drejtoresha e Zonave të Mbrojtura në Vlorë, Lazaj: Janë djegur rreth 500 ha sipërfaqe! Kërkohet ndërhyrje urgjente nga ajri

    Lorela Lazaj drejtoreshë  e Zonave të Mbrojtura ka folur në lidhje me situatën dhe vështirësitë që paraqiten në këtë mal dhe që kërkohet ndërhyrje urgjente nga ajri. Lazaj tha se përafërsisht llogaritet për një sipërfaqe deri në 500 ha që është dëmtuar nga zjarret kryesisht kullotë.

    'Situata është shumë kritike, në krahasim me ditën e djeshme ka një trend përmirësimi, jemi në ditën e 5 të zjarrit dhe e vetmja ndërhyrje është bërë nëpërmjet tokës. Sot janë gati 80 persona që janë shpërndarë në perimetrin e zjarrit dhe po mundohen që ta neutralizojnë ato. Po punojnë në kushte atmosferikë shumë të vështira si dhe në mungesë të pajisjeve teknike të specializuar për ndërhyrje të kësaj shkalle, por edhe të kushteve atmosferike pasi fryn erë dhe favorizon flakët. Dyshojmë se ka një sipërfaqe prej 500 ha. ende nuk kemi një raport përfundimtar. pjesa më e madhe janë fond kullosor dhe shpresojmë që vlera dëmit të këtij zjarri të jetë sa më e ulët. U kemi kërkuar emergjencave Civile ndërhyrjen ajrore por nuk kemi pasur deri tani të mundur për shkak të arsyeve teknike dhe të gjitha përpjekjet tona janë fokusuar në pjesën tokësore. Është e pamundur nëse mbështetemi vetëm në rrugë tokësore.'- tha Lazaj.

Për lajme të tjera kërkoni në arkiv