Kronikë

Ngjarja u regjistrua mbrëmjen e sotme në fshatin Tragan, ndërsa mësohet se gruaja, identiteti i të cilës nuk dihet, ka hapur aksidentalisht derën e autobusit dhe për pasojë ka rënë, duke marrë lëndime në trup.

Në Sarandë dhe Shkodër, ndërtimet pa laje nuk përbëjnë problem madhor dhe se nuk do të ndikojnë në sezoni turistik, pasi duket se ’ligjshmëria mbizotëron mbi paligjshmërinë’.

Në media janë publikuar pjesë të raportit të Holandës për vendin tonë, ku vlerësohet përparimi me reformat në temat prioritare dhe në luftën kundër krimit të organizuar e korrupsionit, ndërsa theksohet mes të tjerash se konferenca e parë ndërqeveritare me Shqipërinë duhet të ndodhë sa më shpejt.

Sipas medias serbe “Dnevni novini”, Elezovic besohet të jetë larguar me dokumente të rreme drejt SHBA, pasi kuptoi se u zbulua për lidhjen e tij me trafikantët e drogës. Në median serbe shkruhet se ai kërkoi ndihmë nga anëtarët e organizatës kriminale që janë në Shqipëri dhe që i siguruan atij dokumente të rreme me të cilat ai mund të vazhdonte arratisjen.

Gjatë ditës së sotme në vendin tonë janë kryer 4591 vaksinime, ndërsa në total numri i vaksinimeve ka vajtur në 791.912.

Një 40-vjeçare është përplasur nga një makine teksa po kalonte te vijat e bardha.Pas përplasjes shoferi është larguar menjëherë nga vendi i ngjarjes.

Ministri i Turizmit Blendi Klosi ka kërkuar nga Greqia që të hapen kufijtë për turizmin, pasi kjo do i shërben të dyja vendeve. Homologu grek Harry Theoharis shprehu vullnetin për të bërë më të mirën në këtë drejtim.

Sipas ekspertit të sigurisë,Fatjon Softa,  ka ardhur koha që në Shqipëri të ketë Xhandarmëri, një forcë që do të vepronte paralelisht me Policinë që, sipas tij, është një praktikë që ndiqet nga shumë shtetet të tjera.

Gjykata e Apelit në Gjirokastër ka liruar nga burgu Et'hem dhe Dino Muhaj nga fshati Rabije të akuzuar për vrasjen e Alekt Muhaj po nga fshati Rabije më 6 shtator të vitit 2018. Ishte masa e arrestit që është dhënë nga Apeli i Gjirokastrës pas 2. 5 vitesh qysh nga ngjarja e bujshme.

Ditën e sotme një vatër zjarri ka rënë në pyllin e Drenies në Patos, ku flakët kanë përpirë me pemë e shkurre. Nuk dihen shkaqet e rënies së zjarrit, ndërsa forcat zjarrfikëse vijojnë përpjekjet për shuarjen e tyre.

Presidenti Ilir Meta ka reaguar në lidhje me ngjarjet vrasjet që kanë tronditur vendin ditët e fundit. Me një postim në Facebook, Meta i konsideron tronditëse ngjarjet e fundit që, sipas tij, tregojnë revanshin e krimit dhe paaftësinë e  Policisë së Shtetit dhe të strukturave të tjera të sigurisë dhe të zbatimit të ligjit, për parandalimin e tyre.

Ushtria ka nisur punë për ndërtimin e një ure provizore në Darëzezë pas shembjes nga një kamion që kishte peshë më të madhe seç mund të mbante ura. Drejtori i emergjencave Civile të Fierit  Maks Zarka tha se bashkia do të ndërtojë një urë të re. Ndërsa banorët e zonës kërkojnë që kjo situatë të zgjidhet sa më shpejt

Në  24 orët e fundit në vendin tonë  nuk kemi asnjë humbje jete nga COVID, ndërsa janë shënuar vetëm 12 raste të reja. Gjithashtu janë shëruar 32 qytetarë, duke e çuar numrin e të shëruarve në 129,598 që nga fillimi i epidemisë. 

GJKKO ka dënuar sot me 8 vite burg Reshat Radhimën, anëtar i grupit të Habilajve, i cili u shpall fajtor për trafik droge dhe grup të strukturuar kriminal.

Brataj thotë se ekziston mundësia që simptomat afatgjatat të përshkruara nga pacientët, mund të jenë për shkak të sindromave të ndryshme të shkaktuara nga Covid-19, duke përmendur sindromën pas terapisë intensive dhe sindromën nga lodhja post-virale.