Është ende e paqartë së çdo të ndodhë me të ardhmen e grupimit të Lulzim Bashës, pas vendimit të Gjykatës së Apelit për t’i dhënë vulën dhe logon e Partisë Demokratike, Sali Berishës.
Nga ana tjetër, në krye të Rithemelimit, tashmë me vulën e PD-së, ndodhet një ish kryeministër non grata nga SHBA dhe Britania e Madhe.
Për të folur në lidhje me këtë çështje në “Studio Live” me Arbër Hitajn, në Report Tv, ishin Azgan Haklaj, anëtar kryesie te grupimi Basha dhe Fatmir Merkoçi, avokat.
![](https://shqiptarja.com/template/img/NO_ALFA_Kuadrate shqiptarja.png)
Për Haklajn, vendimi i Apelit duhet dhe do të ankimohet, ndërsa theksoi se kjo e fundi sipas tij ka shkelur hierarkinë gjyqësore.
“Ka një vendim të Gjykatës së Apelitt që nuk ka respektuar vendimin e Gjykatës së Lartë. Ne nuk e pranojmë vendimin dhe do ta ankimojmë. Do të bëjmë rekurs se Gjykata e Apelit nuk ka respektuar hirearkinë gjyqësore. Nuk zbatoi vendimin e gjykatës së Lartë se kush ka të drejtë për vulën|- u shpreh ai.
“11 dhejtori mban brenda disa shkelje të rënda. Atë të falsifikimit të dokumentave, shpërdorim detyre dhe përvetësim të paligjshëm të titullit zyrtar”,-shtoi më tej.
Ndërsa avokati Merkoçi e quajti të pavlerë politikisht kohën kur Basha kishte vulën dhe logon e PD-së, pasi nuk arriti të prodhonte asnjë produkt politik.
“Nuk u paraqit fare dhe vjen pas zgjedhjeve lokale dhe merr drejtimin e partisë në mënyrë absatrakte. Gjatë kohës që Basha ishte me vulë nuk bëri asnjë lëvizje politike, nuk arrii të thithë demokratët, nuk kishte rritje apo stabilitet të anëtarësisë”,-tha ai.
“Thotë unë do të futem prap në zgjedhje. nëse futet me Lapajn kjo është e drejta e tij, por sot nuk futet më si institucion, është një individ. Ka disa njerëz me vete por nuk është institucion më, iku institucioni”,-deklaroi Koçi.
Haklaj e quan hipokrizi thirrjen e Rithemelimit për bashkim, duke sjellë në pah faktin që Gazment Bardhi i përjashtoi nga grupi parlamentar i PD-së, deputetët demokratë.
“Derën e keni hapur thonë, kjo është diversion për të marrë deputetët e PD-së për të shkuar te Berisha. Deputetët e PD-së janë përjashtuar nga grupi parlamentar nga Gazment Bardhi, tani thonë hajdeni.
Ujdia ka nisur pas disa kohësh nga përplasjet e mëdha në Kuvend, Rilindja e Rithemelimi e kishin bërë marrëveshjen”,- deklaroi Haklaj.
“Berishës i intereson partia, vula, që t’ia pasojë së bijës”,- nënvizoi Haklaj.
Anëtari i grupimit të Bashës, Azgan Haklaj dhe avokati, Fatmir Merkoçi patën një përplasje të ashpër verbale në “Studio Live”, gjatë diskutimit për situatën në të cilën ndodhet e djathta sot ne Shqipëri.
Pjesë nga debati:
Merkoçi: Berisha është kriminel e mora vesh.
Haklaj: Berisha, Meta, Rama.
Merkoçi: Kurse Luli rri në Hollandë, i del gjumi, vjen këtu, bëhet kryetar, ikën prap në Holandë. Vazhdo zotëri se nuk merr vesh nga politika, nuk i njeh lëvizjet politike.
Haklaj: Ke dalë me një votë, unë nga burgu kam fituar.
Merkoçi: T’i ka dhënë Sali Berisha.
Haklaj: M’i ka dhënë Malësia e Gjakovës. T’i s’ke platformë, platforma jote një votë.
Merkoçi: Të bëri Sali Berisha, nga burgu të bëri deputet, ekzemplar je.
Haklaj: Pse Berisha më goditi pra?
Merkoçi: Gjeje ti, atëherë ishte i mirë Berisha, sot jo. Nuk je politikan, nuk bëhesh kurrë.
Haklaj: Je dështak, unë u bëra një herë, ti asnjëherë.
Haklaj: Ku është kauza e Sali Berishës? Vendosi kandidat Fredi Belerin që dhunoi simbolet kombëtare.
Merkoçi: Ti nuk e ke kritikuar kurrë, sot po e kritikon se të ka ikur karrigia.
Haklaj: Ti je mercenar i rëndomtë, paguhesh me gullash (qebap).
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)