Një ditë pas denoncimit të banorëve të Shënkollit në Report Tv se flinin me armë tek koka pasi hajdutët po bënin kërdinë me vjedhjet, forcat Shqiponja kanë arrestuar dy të rinj dhe kanë vënë nën hetim një tjetër. Tre të rinjtë shkonin nga Tirana në Lezhë për të vjedhur dhe rezultojnë autorë të disa ngjarjeve të tjera.

Siç shihet në pamjet që sjell Report Tv ujërat e shiut kanë përmbytur pjesën e nënkalimit duke vështirësuar qarkullimin e automjeteve. Kjo situatë përsëritet sa herë ka reshje të dendura shiu dhe shkak mbetet bllokimi i zgarave të kullimit të ujërave dhe asnjë masë nuk është marrë për t’i dhënë zgjidhje problematikës.

Rrjeti elektrik në zonën e Myltes në Shënkollë të Lezhës është larg çdo imagjinate, ku shtyllat janë thuajse të rrëzuara dhe telat e korrentit varen mbi kokat e fëmijëve dhe të qytetarëve. Gjithashtu  për shkak të erës telat e korrentit këputen dhe bien në rrugë duke vënë në rrezik jetën e tyre. Gjendja e rrjetit elektrik në zonën e Myltes është tërësisht e amortizuar, duke sjellë ndërprerje të vazhdueshme të energjisë elektrike.

Një 43-vjeçar është arrestuar nga policia e Lezhës, pasi ka kërcënuar dhe shantazhuar gruan e tij. Policia ka marrë njoftim se në lagjen nr.6 Laç, Kurbin shtetasi A.O., ka kërcënuar se do të vriste bashkëshorten e tij shtetasen D.O., dhe që dyshohej se mbante armë në banesë, menjëherë kanë organizuar punën dhe kanë shkuar në adresën e dhënë

Reshjet e shumta të shiut ditën e sotme kanë sjellë problematika në të gjithë vendin. Disa zona në Tiranë kanë mbetur pa energji elektrike, problematikë e shfaqur edhe në Daullas të Fierit. 15 fshatra në Lezhë mbetën pa drita për disa orë, teksa lundrimi në Vlorë është pezulluar për dy ditë. Si pasojë e reshjeve aksi Gjirokastër-Kakavijë dhe rrugët në Tregun Industrial janë përmbytur.

Qarkullimi në rrugën nacionale Burrel - Skuraj është bërë me vështirësi që prej orës 5 të mëngjesit të sotëm.

Rrëshqitjet e gurëve po vënë në rrezik jetën e banorëve në Torovicë të Lezhës. Dy masiv të mëdhenj përfunduan në oborrin e një familjeje duke rrezikuar jetën e tyre, por jo vetëm. Edhe udhëtarët ndihen të kërcënuar nga situatë pasi rruga lidh Lezhën me Velipojën dhe një pjesë të Shkodrës.

24-vjeçari nga Kosova i cili u përfshi mbrëmjen e djeshme në një aksident me makinën e eskortës së Sali Berishës është vënë nën hetim. Bie Pretendimi i truprojës së Berishës, Ervis Tusha, i cili tha se shkak është bërë makina me targa të Kosovës që po ecte në kundravajtje Burime për ‘Report Tv’ bëjnë me dije se janë kontrolluar kamerat e zonës, por ka rezultuar se asnjë makinë nuk lëvizte kundravajtje.

Sot shteti shqiptar i heq një njollë të madhe të zezë vetes. Më në fund burgu 'ferr' i Zaharisë do të mbyllet. Sot ka nisur transferimi i personave me masë shëndetësore nga Zaharia në drejtim të burgut të Shën Kollit, ku dy blloqe janë rikonstruktuar dhe përshtatur për 319 pacientët.

Përfshihet në aksident disa automjete në aksin e autostradës Milot- Mamurras, tre persona te plagosur. Ngjarja ka ndodhur pak minuta më parë teksa në aksidentin rrugor janë përfshirë tre autovetura. Report Tv mëson se dy nga makinat e përfshira në aksident janë makinat e shoqëruesve të ish-kryeministrit Sali Berisha. 

Ish-kryeministri Sali Berisha me tonte të ashpra ka akuzuar kryedemokratin Lulzim Basha dhe i kërkoi atij të japë llogari për dosjet 'Muzin' dhe 'Toyota Yaris'. Berisha iu drejtua Ramës duke i thënë se po e paralajmëron si Fatos Nanon, duke shtuar se mjerë ai çfarë do të heqë. Sakaq, ai i tha Ramës se fundin e tij e ka shumë afër dhe të bëjë gati valixhet e të shkojë në Beograd së bashku me 'Lul pengun' duke iu referuar kryedemokratit Lulzim Basha. Ai ka deklaruar se do jetë në politikë deri në moshën 95-vjeç. 

Agron Manuka dhe Imer Losha kanë mohuar që minat të cilëve iu gjetën në makinë 2 ditë më parë, janë për t'ua dhënë grupeve kriminale. Sot ato kanë dalë para Gjykatës së Lezhës, e ku Manuka ka argumentuar se ato mina i duhen për shpërthimet në minierë ku dhe ai punon në Martanesh, e ndërsa Losha është shprehur se ai është thjesht taksist dhe se nuk kishte dijeni.

Majlinda Cara, kryetarja e bashkisë së Laçit, e cila tha se procesi i rindërtimit po ecën me ritme të shpejta. Sa i përket ndërtimit të spitalit të Laçit, Cara tha se po vazhdojnë punimet, por për shkak të disa procedurave administrative nga Ministria e Shëndetësisë, u vonua nisja e ndërtimit. Për inxhinierin e ndërtimit, Gezim Beqaj, procesi i rindërtimit nuk ka të bëjë me shpejtësinë e mbarimit të ndërtesave, por më cilësinë e ndërtimit të tyre

Një automjet tip ‘Benz’ është gjetur i aksidentuar në rrugën e Shëngjinit, pranë Knallës. Mjeti është gjetur në ferrë në atë rrugës, ndërsa personat që kanë qenë brenda e kanë braktisur dhe nuk janë gjetur aty dhe as nuk kanë shkuar në spital

Dy vite pas tërmetit, Kurbini vijon të jetë pa spital. Godina u shkatërrua nga lëkundjet sizmike të 26-nëntorit të vitit 2019-të dhe u shemb për t'i hapur rrugë rindërtimit të spitalit të ri. Por pavarësisht premtimeve se spitali do të ishte gati brenda një kohë të shpejtë, puna ende nuk ka përfunduar.

Deputeti demokrat Agron Gjekmarkaj i ka dërguar një letër ministrit të Brendshëm, Bledi Çuçit dhe Gledis Nanos. Me nota ironie, përmes kësaj letre Gjekmarkaj i kërkon Nanos që të merren masat pasi vjedhjet kanë arritur përmasa alarmante në të gjithë Lezhën, pasi tashmë hajdutët kanë filluar të vjedhin bagëtitë e fshatarëve, pulat, lopët, delet e dhitë.

Dy persona janë arrestuar për trafikim dhe prodhim të minave me telekomandë që më pas do të përdoreshin nga bandat e krimit për sulmet e tyre. Në pranga ranë Agron Manuka, 42 vjeç, banues në Durrës dhe Imer Losha, 46 vjeç, banues në Dibër.

“Kojliku qeros” një shpend i përfshirë në listën e specieve të rrezikuara në nivel botëror, u gjurmua në rezervatin natyror Kune-Vain të Lezhës.  Një individ mashkull, i quajtur NOVA prej tre ditësh po qëndron aty. 

Një aksident është regjistruar paraditen e sotëm në aksin rrugor Burrel-Milot. Policia njofton se drejtuesi i mjetit ka dalë nga rruga dhe ka mbetur i lënduar bashkë me një grua që ishte pasagjere.

Një sasi rëre është hedhur në rrugë duke u kthyer në rrezik për drejtuesit e mjeteve. Situata problematike është krijuar në aksin Lezhë-Milot pranë kryqëzimit të Ishull Shëngjinit në një gjatësi prej 50 metrash. Dyshohet se rëra të ketë rënë aksidentalisht nga ndonjë kamion i ngarkuar që ka kaluar në këtë aks.