Reshjet e ditëve të fundit kanë sjellë probleme në qarkun e Shkodrës, ku më problematike situata vijon të jetë në Obot dhe Dajç, ku ka shumë sipërfaqe toke bujqësore të përmbytur. Në Lezhë reshjet kanë sjellë fryrjen e lumenjve Drin, Gjadër, Mat e Drojë me 30-50 cm, por pa probleme.

Reshjet e shiut në Lezhë kanë sjellë në fryrjen e lumenjve Drin, Gjadër, Mat e Drojë me 30-50 cm, por pa probleme. Rrugët nacionale, rurale e bashkiake janë të kalueshme.

Për shkak të reshjeve të shiut situata në Shkodër është rënduar ku niveli i ujit është shtuar në tokat bujqësore, ndërsa është bllokuar rruga e Muriqan-Goricë dhe aksi Dorragjat-Shirq në vendi e quajtur Urrelat e Shirqit ku niveli i ujit arrin në 130-150 cm.

Urat  mbi lumin Mat, midis tyre edhe Ura e Zogut një monument kulture, janë në rrezik shembje, për shkak të masakrës që bëhet në lumin Mat. Prefekti i qarkut Lezhë, Gjon Jaku ka denoncuar se janë 40 firma që gërryejnë shtratin e lumit ilegalisht dhe për këtë nuk po ndërhyn askush.

Pastrimi dhe hapjen e kanaleve pasi uji është tërhequr në Katund të Ri të Durrësit ka shkaktuar debat mes banorëve dhe inspektorëve të Mbrojtjes së Territorit. Qytetarët nuk duan tu shemben ndërtimet pa leje të cilat kanë  bllokuar kanalet.

Në fushën e Torovicës në Lezhë vijon që të ketë sërish prezencë uji në tokat bujqësore, që prej reshjeve të dendura të shiut të fillim janarit. Gëzim Dushku është njëri nga fermerët e kësaj zonë që ka pësuar dëme të shumta në sektorin e bujqësië. Gruri dhe jonxha janë kalbur, pasi niveli i ujit në token e tij arriti deri në 50 cm dhe qëndroj për një kohë të gjatë

Një banor i Katundit të ri tha se ky fenomen është i përsëritur dhe se deri tani asnjë ndihmë nuk i kanë ardhur nga autoritete. Banori shprehet se rreth 400 banesa janë në ujë, dhe sipas tij kjo vjen nga shkarkimet pa kritere të liqeneve dhe rezervateve në lumin Erzen.

Kjo është mënyra se si këta fëmijë e përshkojnë çdo ditë rrugën për në shkollë. Mungesa e infrastrukturës në njësinë administrative Shalë detyron këtë prind që të mbajë në shpinë fëmijët e tij për të kaluar urën e amortizuar, duke rrezikuar kështu edhe të bie në lumë.

Reshjet e shiut kanë përfshirë vendin tonë gjatë gjithë mbrëmjes së djeshme. Fryhet përroi i Zaranikës dhe rrezikon të dalë nga shtrati për shkak të reshjeve. Ndërkohë edhe lumi Shkumbin ka pësuar rritje të nivelit të ujit ku ka dhe shumë prurje.

Në Qarkun e Lezhës Partia Socialiste synon që të mbajë rezultatin e zgjedhjeve të vitit 2017, madje edhe thellimin e rezultatit. Ky është objektivi i shpalosur nga drejtuesja për PS-në në qark, Lindita Nikolla, në një intervistë për Report Tv. 

Nisja e reshjeve të shiut ka shtuar friken për rrëshqitje dherash në lagjen "Varosh"të Lezhës,  ku erozioni është shfaqur frikshëm. Prefekti shprehet se nuk duhet të ishte lejuar ndërtimi dhe as legalizimi në këtë kodër, ndërsa banorët apelojnë për ndihmë.

4 ditë pas zyrtarizimit si drejtues politik i Partisë Demokratike në Qarkun e Lezhës, Mark Marku është prezantuar përpara strukturave të kësaj force politike në këtë qark.

Një ditë pasi njoftoi kandidimin për zgjedhjet parlamentare në Shqipëri, Lëvizja Vetëvendosje në Tiranë ka prezantuar këtë të enjte dy kandidatët e saj. Vetëvendosja ka zgjedhur dy zona se ku do të garojë, në Tiranë me drejtuesin e saj Bojken Abazin si dhe në qarkun e Lezhës me anë të Iliaz Shehut, aktivist i Vetëvendosjes në Shqipëri dhe pedagog.

Dy shpërthime të fuqishme janë dëgjuar në zonën e Shëngjinit me një diferencë kohore prej 1 minute nga njëra tjetre. Shpërthimet e fuqishme janë ndjerë në Shëngjin, Ishull Shëngjin dhe Ishull Lezhë.

Përcaktimi i ish deputetit Mark Marku si drejtues politik i Partisë Demokratike në Qarkun e Lezhës nga Basha ka sjellë reagime edhe brenda PD-së.

Një punonjës i rrugës së këtij qyteti ka dhunuar një person tjetër i cili punon si kujdestar i kishës ortodokse. Në videon e siguruar nga Report Tv, shihet momenti kur punonjësi e ka goditur kujdestarin e kishës me një send të fortë në kokë.

Lulzim Basha ka vendosur Mark Markun si drejtues politik të Partisë Demokratike në Qarkun e Lezhës. Pesë muaj më parë, në studion e Report Tv, Marku deklaroi se përcaktimi në këtë komision nuk nënkuptonte një rikthim në parti.