Historia e sotme na ka cuar në fshatin Piskupat të Pogradecit. Nënë e dy fëmijëve Elona Likollari merr guximin të flasë për dështimet që i ndodhën në jete njëra pas tjetrës. Kur sot rrit e vetme djalin dhe vajzën 12 dhe 7 vjeç, pasi asnjëri nga baballarët nuk interesohet më për to. 38-vjeçarja pati martesën e parë me Nesti Velillarin 13 vite më parë. Dhuna nga bashkëshorti ishte e pranishme cdo moment. Ndaj një vit më pas Elona i jep fund martesës, kur në jetë kishte ardhur djali dhe kthehet tek shtepia e prindërve. Sot, Nesti jeton në Greqi dhe që prej 12 vitesh nuk është interesuar më kurrë për të birin, të cilin e la vetëm 6 javësh. Por fatkeqësitë do ta ndiqnin njëra-tjetrën 38-vjecaren. Duke u ndjerë si një barrë për familjen, Elona kërkonte të largohej nga shtëpia e prindërve të saj. Ishte viti 2014 kur u njoh rastësisht pas një ngatërrese numri në telefon me 40-vjeçarin Vasil Bega nga Saranda. Pasi folën disa herë ata vendosën që të takoheshin. Vasili vendos të duhëtojë drejt Pogradecit për ta marr Elonën dhe sëbashku të mund të jetonin në Sarandë. Pa i thënë asgjë familjes, lë djalin e mitur tek prindërit dhe Elona largohet me të dashurin e saj. Një javë me radhë ajo u shpall e humbur pas denoncomit që familja e saj bëri në polici, deri ditën kur telefonon familjarët, duke i pohuar se kishin vendosur të jetonin sëbashku. Një vit më pas në 2015 në jetë vjen vajza, ndërsa djali po rritej nga gjyshja e tij në Pogradec, pasi Vasili nuk ia pranoi kurrë. 6 vite jetuan bashkë, kur cdo gjithcka mori fund në vitin 2021 Vasili e kthen Elonën bashkë me vajzën tek familjarët e saj dhe largohet për të mos e kthyer më kokën pas, as për të bijën. E rikthyer dy herë në shtëpinë e prindërve. Me peshën e fajit mbi shpinë për fatin që nuk e pati në krahun e saj Elona rrit e vetme 2 fëmijët e saj në kushte tepër të vështira. E ndjen fort dhembjen që u ka shkatuar prindërve, porpos konflikteve që ka edhe me të vëllanë, pasi ky i fundit kërkon ta nxjerrë edhe nga banesa.