Taulandi dhe Leonardi kishin njohje te vjetër familjare. Të dy takoheshin pothuajse cdo ditë. Zhdukja e tyre është një mister për dy familjet nënën e Taulandit, Tatjana Cerenishtin dhe nënën e Leonardit Ferzilete Senkaj. 24-vjeçari Taulandi punonte si kamarier në një lloto afër Kalit të Trojës, në pronësi të Aleksander LLanaj, në Vlorë. Ditën e zhdukjes kishte dalë nga banesa. Mbrëmjen e 27 dhjetorit të vitit 2015 ishte nisur për në punë, kur në orën 23:00 merr në telefon nënën duke i thënë se do të qënseonte për darkë tek një miku i tij me emrin Jetmir Alia. Më vonë nëna e rimerr në telefon, por celulari i del i fikur. Pas kësaj dite familjarët bëjnë denoncimin në polici. Ata pohojnë se i vetmi person që mund të dijë rreth fatit të Taulandit është pronari i llotos Aleksandri. Familjarët shkuan në vendin ku punonte djali i tyre, ndërsa nga aty mësuan se të dy djemtë ishin larguar me skaf. Ferzilete Senkaj është një tjetër nënë zemra e së cilës rreh fort për fatin e djalit të saj Leonardin. 38-vjeçari merrej me peshkim në qytetin e Vlorës, ndërsa ishte i martuar me Irmën me të cilën kishin një vajzë dhe një djalë, Iliridën dhe Luisin. Ata jetonin sëbashku në një banesë private. Ditën e zhdukjes Leonardi doli nga shtëpia duke i thënë bashkëshortes se do të ikte për peshkim. Kaluan tri ditë ankthi për familjarët dhe babai i dy fëmijëve nuk u kthye më. Por edhe pas denoncimit në policinë e Vlorës asnjë informacion për 38-vjeçarin. Zhdukja pa lënë gjurmë e dy të rinjve nga Vlora i mban ende pezull zemrat e familjarëve. Njohja e vjetër që kishin bashkë 24 dhe 38-vjeçari, si edhe zhdukja në të njëjtën kohë e tyre lë vend për dyshime duke ngritur shumë pikëpyetje të mëdha. A ishin bashkë djemtë atë ditë ? Apo ishte krejt rastësi zhdukja e tyre në mënyrë te mistershme në të njëjtën kohë ? A kishte fati i tyre të njëjtin destinacion ? Nga ana tjetër nëna e 38-vjeçarit Leonardit, Ferzilete Senkaj mohon qw djali i saj të ketë pasur miqësi me 24-vjeçarin Tauland Cerenishtin. Gjithsesi dy zemra nëne janë në studion e ’’Pa gjurmë’’ në kërkim të gjurmëve dhe fatit të dy shokëve. Taulandi ka lënë në pritje nënë a babë, ndërsa Leonardi edhe bashkëshorten me dy fëmijë. Irma tashmë është larguar drejt Greqisë tek i vëllai, bashkë me dy fëmijët.