Sapo kishte mbushur 19 vjeç asokohe, kur Petrit Çulaj doli nga banesa e tij më 20 korrik 1995, në fshatin Zagorë të Malësisë së Madhe. I riu iu tha familjarëve se pasi të takonte një shok në Bratosh do të niseshin bashkë drejt Greqisë por Petriti nuk u bë më i gjallë. Kjo zhdukje e të riut nga veriu u vendit la pas shumë pikëpyetje. Ai e kishte paralamëruar nga largimin e tij 6 muj para se të humbiste gjurmët, pasi në pikën e karburantit ku Petriti ishte i punësuar Petriti kishte rënë në kontakt një shofer grek që transportonte naftë. Madje ky i fundit i katër foto me qëllimin për t’i nxjerrë një pasaportë me emrin e djalit të tij grek për të emigruar drejt Greqisë. Në fillim të zhdukjes së tij familjarët hasën vështirësi me autoritetet vendase lidhur me shpalljen e tij si të zhdukur dhe nisjen e kërkimeve. Kjo sepse asokohe policia pretendonte se nuk kishte të dhëna të mjaftueshme për ta deklaruar të humbur. Rasti i Petritit shkoi deri në Gjykatën e rrethit Shkodër, nga ku familja bëri kërkesë për ta shpallur të humbur, mirëpo as atje nuk iu dhanë një zgjidhje. Gjykata e hodhi poshtë kërkesën me pretendimin se nuk disponoheshin të dhëna të mjaftueshme që ky person të rezultonte i humbur për autoritetet. Kalvari i gjatë i kërkesës së familjarëve vazhdoi deri në vitin 2015. Petriti ishte një djalë shtatlartë, me flokë kacurrela, një i ri jo problematic, i qetë, ndërsa për të ishte hera e dytë që tentonte Greqinë. Ai e kishte shkelur edhe më parë tokën greke, por u kthye me kërkesën e të atit. Familjarët ngrenë dyshime me fatin që mund të ketë patur i biri pasi kanë mundur të zbulojnë se në Komisariatin e Policisë së Malësisë së Madhe denoncimi që ata kanë bërë për humbjen e djalit të tyre nuk ekziston më.