Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv Pak ditë pas arrestimit të Elona Kaleshit, më 22 dhjetor 2020, detaje të reja për jetën e ish-të dashurës së Taulant Pashos, djalit të çiftit Pasho zbulohen në emisionin ’Pa Gjurmë’. 36-vjecarja, është nënë e një vajze. Motra e Taulantin zbulon jetën tjetër të gruas, e cila ndodhet pas hekurave nën akuzën për vrasje, fshehje dhe masakrim të trupave të dy bashkëshortëve Pasho. Pas ndarjes me Taulantin Elona nisi një jetë të re me një shtetas italian me të cilin u martua. Sipas përllogaritjeve Elona ka lindur fëmijën përafërsisht 2 vite pasi kishte ndodhur krimi makabër. Kur fëmija ishte ende foshnje, 36-vjecarja ishte e izoluar, ndërsa kryente dënimin në një burg të Firences. Sipas Vitores, ish-e dashura e vëllait të saj ka refuzuar takimin me te bijën, ndërsa shërbimi social ia kaloi nën kujdestari babait. Sot, kur nëna ndodhet pas hekurave, vajza e cila është 4 vjece jeton me të atin italian. Emisioni ’Pa Gjurmë’ në Report TV, zbuloi për herë të parë identitetin e plotë të Elona Kaleshit vajzës, e cila u arrestua mëngjesin e sotëm. Në llogarinë e saj në facebook nga fotot duket se edhe ajo sikundër ish-i dashuri i saj Taulanti ka një preferencë të madhe për qentë, ku ka me dhjetëra imazhe të tyre në galerinë e fotove, ndërsa e mban të fshehur gjithë kohës imazhin e saj. Ka preferuar të fshehë fytyrën e saj, por jo tatuazhin në dorën e majtë, gërmën Q poshtë saj një zemër. Duke i hedhur një sy rrjetit të saj social rezulton të ketë qenë aktive në facebook, referuar postimeve të fundit që ka bërë, mbajnë mbajnë datën 12 dhjetor të këtij viti.Vajza me origjinë nga qyteti i Durrësi, emigroi shumë herët drejt Italisë, nga ku nisi dhe një histori dashurie me djalin e vetëm të ciftit Pasho. Të dy nisën bashkëjetesën ku në të njëjtën shtëpi të marrë me qera në Firence. Gjatë kohës që Taulanti kryente dënimin për trafik të lëndëve narkotike, Elona e ka vizituar vazhdimisht në burg, madje ajo e priti para dyerve të burgut edhe ditën kur ai do të lirohej më 2 nëntor të vitit 2015. Bashkëjetesa mes Elonës dhe Taulantit vazhdoi edhe përgjatë vitit 2016, vit në cilin Taulanti merr një tjetër dënim, me arrest shtëpie, ku e kryen në banesën e motrës së tij Vitoria.