Receta e ditës - Byrek me 12 barishte dhe sultjash / Pjesa e dytë

Receta e dytë: Sultjash

Përbërësit:

1 filxhan çaji oriz

1 filxhan çaji ujë

1,4 l qumësht

Pak kripë

1 shkop kanellë

Sheqer vanilje

6-7 lgj sheqer

1 lk gjalp

Përgatitja:

Shpëlajmë orizin dhe vendosim tenxheren me 1 filxhan çaji ujë. Sapo uji të ziejë vendosim në të orizin dhe e lëmë deri sa të përthithë ujin. Fillojmë të shtojmë qumështin pak nga pak. Shtojmë pak kripë, 1 shkop kanëllë dhe e lëmë të ziejë afërsisht për 40-45 minuta duke shtuar qumështin gjithmonë nga pak. Kur qumështi të jetë hedhur komplet në tenxhere dhe të ketë filluar të trashet, pra orizi të jetë zier, shtojmë sheqerin e vaniljen. E lëmë të ziejë deri sa kajmaku të fillojë të rrudhet. Kur shohim që qumështi është bërë si salcë shtojmë 1 lugë gjelle gjalp dhe e trazojmë. Largojmë shkopin e kanellës , e heqim tenxheren nga zjarri dhe e shërbejmë .

Programe të tjera

Shiko të gjitha