• VIDEO

    Zgjedhjet për kreun e PD, analisti Ilir Yzeiri: Basha i paaftë e dembel, ka marrë 'peng' partinë

  • VIDEO

    Ankimet e 25 prillit/ Pas Gjirokastrës dhe Vlorës, Kolegji Zgjedhor 'vulos' rezultatin për Beratin, s'do ketë përsëritje zgjedhjesh

    TIRANË- Pas Gjirokastrës dhe Vlorës, Kolegji Zgjedhor vulosi sot rezultatin e Qarkut të Beratit për zgjedhjet e 25 prillit, ku mandatet u ndanë 5 PS, 2 PD, dhe LSI nuk arriti të merrte as pas rinumërimit të votave asnjë mandat. Sipas Kolegjit ankimi i PD dhe LSI për këtë qark, është i pabazuar në prova konkrete.

    Edhe pas 3 qarqeve të rrëzuara nga Kolegji Zgjedhor, opozitarët thonë se do të vijojnë ankimimin e 6 qarqeve të tjera, për të ti kërkuar gjykatës rrëzimin e vendimeve të orientuara politikisht.  Më datë  9 qershor në Kolegj do të shqyrtohet qarku i Durrësit në orën 14:00 dhe më datë 10 qershor do të shqyrtohet qarku i Shkodrës në orën 11:00.

    Vendimin për rrëzimin e padive të bëra nga PD dhe LSI për Vlorën dhe Gjirokastrën, Kolegji e mori duke i konsideruar si të pabazuar në prova dhe në ligj kërkesat ankimore të partive politike. Berati është qarku i 3 pas Gjirokastrës dhe Vlorës, mes 9 të kontestuarve ku vulosen zgjedhjet e 25 prillit. Thuajse të gjitha vendimmarrjet e Komisionit të Ankesave dhe Sanksioneve në KQZ janë dërguar nga PD, LSI dhe Vetëvendosje në Kolegjin Zgjedhor. Bashkë me Beratin që shqyrtohet sot, në Kolegj janë për tu gjykuar edhe 6 qarqe të tjera.

    KAS ka përfunduar të gjitha ankimet për 25 prillin dhe  pak ditë më parë rrëzoi kërkesat ankimore të PD dhe LSI për Korçën, Elbasanin dhe Fierin, të cilat ishin qarqet e fundit. 

  • VIDEO

    Meta në pelegrinazh: S'u luta që të mos më shkarkojnë! Balla: Zoti nuk fal mëkate penale

    Teksa na ndajnë dhe 5 ditë kur Kuvendi do të votojë për shkakrimin e presidentit Ilir Meta, ky i fundit nga Elbasani ku mori pjesë në një pelegrinazh te Manastiri i “Shën Joan Vladimirit”, pyetjes së gazetarëve se nëse u lut që të mos e shkarkojnë iu përgjigj duke thënë se lutja e tij ishte që Zoti "ti falë ata që sipas tij s'dinë çfarë bëjnë". Presidenti ka deklaruar se Kuvendi sot është më antikushtetues se para 3 vitesh.

    "Nuk ekziston asnjë lutje e tillë, lutja është zotit ti falë të gjithë ata që nuk dinë se çfarë bëjnë dhe ti udhëheqë të gjithë në rrugën e të mirës së përbashkët. Kjo ishte një përgjigje shumë e qartë. Kam ardhur për tiu bashkuar këtij mesazhi bashkëjetese të të gjithë besimeve të ndryshme dhe besos se është e qartë", tha Meta.

    Kreu i shtetit, teksa u pyet në lidhje me faktin nëse do të jetë president deri në 2022-shin, deklaroi se tema e shkarkimit është vënë në dukje pas zgjedhjeve të 25 prillit. Ai i sugjeroi që të merren me një çështje me rëndësi siç është sipas tij vjedhja e zgjedhjeve të 25 prillit.

    "Nuk dëshiroj që të flas në një vend të shenjtë për çështje që nuk ekzistojnë. Që do të thotë që kjo tema e shkarkimit është bërë më tepër pas 25 prillit dhe kur është konfirmuar edhe gjithçka që presidenti ka thënë para 25 prillit. Kuvend i i dy viteve të fundit ishte një Kuvend pa opozitë, Ai është 3 herë më antikushtetues. Nëse doni të merreni me gjë serioze, merruni me hetimet për krimet zgjedhore para dhe pas 25 prillit dhe pas kësaj date. Në një vend demokratik qytetarët duhet të jenë të sigurt që vota tyre është e sigurt. Barazia para ligjit garantohet kur vota është e lirë. Kur disa votojnë disa herë dhe disave iu mohohet e drejta e votës, ku vota nuk mund të dalë qëllimisht e pavlefshme, dhe ku vota është gjëja më e rëndësishme që kanë qytetarët në demokraci. Kjo është çështje e rëndësishme, çështjet e tjera s’kanë asnjë rëndësi të përmenden”, tha ai.

     

  • VIDEO

    Ftesa e Ramës për bashkëpunim, Basha: Hileja e radhës, do të na asgjësojë! Ai nuk na sheh si kundërshtarë politikë, por si armiq

    TIRANË- Ftesën për bashkëpunim të kryeministrit Edi Rama, kryedemkrati Lulzim Basha e sheh si një hile dhe mashtrim me qëllim asgjësimin e PD-së. Nga takimi me demokratët e Tiranës, Basha tha se nuk do njohë rezultatin e 25 prillit, edhe pse kjo deklaratë e tij rezulton kontradiktore, pasi ai ka pranuar që të hyjë në parlamentin e ardhshëm.

    Nga ana tjetër, Basha tha se nga 25 prill, PD-ja ka dalë më e fortë.

    Mashtrim, hile që tashme ky kundërshtar djallëzo i ka kthyer në përditshmëri, ftesë me qëllim që të asgjësohemi si e vetmja forcë që luftojmë krimin, nëse shkojmë në atë drejtim nuk ka më asnjë shpresë për shqiptarët. 25 prilli është masakër zgjedhore dhe unë kam deklaruar se nuk e njoh dhe nuk e pranoj maskarën zgjedhore të 25 prillit. Nuk e njoh rezultatet e tjetërsuara të 25 prillit dhe se dyti që përgjigja e prerë për ftesën e bashkëpunimit është një "jo". Rama nuk ka pritur gjë prej meje. Këtu vjen instrumenti i dytë që Rama po zhvillon. E di fare mirë që nga kjo betejë PD nuk ka dalë më e vogël, por më e madhe", tha Basha.

    Ai ka këmbëngulur që 25 prilli është masakër zgjedhore dhe se do të vijojë betejën e tij për t'i dhënë fund "këtij regjimi".

    " Me 25 prill në Shqipëri nuk është kryer thjesht një masakër zgjedhore por ka rënë demokracia.  Ne do vazhdojmë të luftojmë më gjithë forcën tonë, deri në rrëzimin e regjimit Rama-Doshi", tha Basha.

    Në takim, Basha ka këmbëngulur që Rama kërkon që të përçajë demokratët, duke thënë se "nuk i sheh si kundërshtarë politik, por si armiq".

  • VIDEO

    Balla në manastirin e “Shën Joan Vladimirit”, i përgjigjet Metës: Zoti fal vetëm mëkate shpirtërore dhe jo penale

    Nga manastiri i  “Shën Joan Vladimirit” në Shijon, Elbasan, kreu i Grupit Parlamentar të Partisë Socialiste, Taulant Balla iu përgjigj edhe deklaratës së sotme të Presidentit Meta.  Balla tha se Zoti fal vetëm mëkate shpirtërore dhe jo penale.

    “Në hyrje të kësaj kishe që për mua është një objekt shumë i dashur, mund të them se kisha dhe zoti fal vetëm mëkat shpirtërore dhe jo ato penale. Kaq mund të them. Apeli im është se do të doja që këtu me mua të ishin edhe kolegët e PD-së, ftesa ime të vijnë ta vizitojnë Manastirin e Shën Joan Vladimirit. Këtu sot bashkë me ne janë besimtarë nga Mali i Zi dhe Serbia. Siç na bashkon ky shenjt, duhet të bashkohemi brenda politikës shqiptare dhe mbi të gjitha brenda këtij rajoni”, tha ai.

    Gjithashtu Balla tha se Manastiri i “Shën Joan Vladimirit” është mikpritës i pelegrinazhit të besimtarëve ortodoksë nga gjithë Ballkani, ndërkohë që tani ndodhen edhe lipsanet e shenjtorit.

    “Me vendosjen e lipsaneve ftoj të gjithë besimtarët ta vizitojnë këtë vend të shenjtë, vend i krenarisë sonë në aspektin e traditës qindravjeçare të besimit të krishterë në Shqipëri. Gjej rastin të falënderoj autoritetet më të larta dhe ato vendore të komunitetit ortodoks për ruajtjen dhe vijimësinë e kësaj tradite”, deklaroi  Balla.

    Me tej gjatë fjalës së tij Balla theksoi se “Elbasani është kryeqyteti i bashkëjetesës ndërfetare dhe ne kemi detyrimin që në frymën e kësaj bashkëjetese fetare të punojmë të gjithë së bashku pa asnjë dallim në të mirë të zhvillimit të kësaj zone”

  • VIDEO

    Ftesa e Ramës për bashkëpunim, Basha: Hileja e radhës, do të na asgjësojë! Ai nuk na sheh si kundërshtar politik, por si armiq

    Ftesën për bashkëpunim të kryeministrit Edi Rama, kryedemkrati Lulzim Basha e sheh si një hile dhe mashtrim me qëllim asgjësimin e PD-së. Nga takimi me demokratët e Tiranës, Basha tha se nuk do njohë rezultatin e 25 prillit, edhe pse kjo deklaratë e tij rezulton kontradiktore, pasi ai ka pranuar që të hyjë në parlamentin e ardhshëm.

  • VIDEO

    ‘Lufta’ brenda PD, Shehaj takim me demokratët e zhgënjyer në Kavajë: Nëse do të bëhem kryetar, partia jonë do të ketë demokraci dhe meritokraci

    Kandidati për kreun e Partisë Demokratike, Agron Shehaj shprehet se nëse ai do të jetë kryetar i PD-së, partia do të ketë demokraci, meritokraci dhe çdo vendim do të merret me votën e anëtarësisë.

  • VIDEO

    Anëtarësimi i Shqipërisë në BE, ambasadorja holandeze nga Shkodra: Po studiojmë raport-progresin e KE

    Ambasadorja e Holandës në Tiranë, Guusje Korthals Altes, e pyetur nëse Shqipëria, për Holandën i ka plotësuar kriteret për t'u integruar në BE, tha se po studiohet raporti i komisionit europian dhe më pas mund të japë një përgjigje. Holanda është një vend që i ka thënë disa herë “Jo” Shqipërisë për nisjen e procesit për anëtarësimin në Bashkimin Europian të Shqipërisë dhe nuk dihet se cila do të jetë përgjigjia e rradhës.

     
  • VIDEO

    Repolitix/ Gara në PD kush do e fitojë? Ish-eksponenti i PD-së, Valteri: Gara është farsë

    Gara në Partinë Demokratike është farsë dhe kutitë do të mbushen në favor të kreut aktual Lulzim Bashës. Kështu ka deklaruar në emisionin ‘Repolitix’ në Report Tv, Halit Valteri ish-eksponent i rëndësishëm në Partinë Demokratike, dhe njohës shumë i mirë i procesit të zgjedhjeve brenda kësaj partia.

  • VIDEO

    Nga Ankaraja, Rama zbulon projektet madhore shqiptaro-turke: Fabrikë prodhimi vaksinash, qendër kombëtare e teknologjisë së lartë!

    Nga Turqia, ku po zhvillon një vizitë dyditore, kryeministri Edi Rama ka zbardhur edhe bisedat që ka zhvilluar në lidhje me projektet e bashkëpunimit me palën turke, me investitorë në fushat të ndryshme të rëndësishme si teknologjia digjitale, turizëm, farmaceutikë, energji e transport.

    Rama thekson se është zhvilluar një diskutim i detajuar me sipërmarrje të ekselencës turke për ndërtimin e fabrikës së 7 llojeve të vaksinave, si zemra e një qendre të klasit të parë të prodhimit farmaceutik. Së dyti kreu i qeverisë shkruan se është diskutuar për Teknopark Albania, një qendër e teknologjisë së lartë në periferi të kryeqytetit, për kompanitë HighTech, Start Up-et e kërkimin shkencor.

    Një pikë tjetër diskutimi është zhvilluar mbi sistemin e kontrollit të territorit të vendit tonë me dronë superinteligjentë, për rendin publik. Rama e përbyll postimin duke shkruar se është diskutuar edhe për programin e mandatit të tretë për infrastruktrën kombetare.

    ‘ Ditë bashkëbisedimesh të detajuara me sipërmarrje të ekselencës turke për:

    Ndërtimin e fabrikës së 7 llojeve të vaksinave, si zemra e një qendre të klasit të parë të prodhimit farmaceutik

    Teknopark Albania, një qendër e teknologjisë së lartë në periferi të kryeqytetit, për kompanitë HighTech, Start Up-et e kërkimin shkencor, sipas modelit të suksesshëm të jetësuar në Turqi, si katalizator i transformimit ekonomik e social dhe krijimit të vendeve cilësore të punës për të rinjtë

    Sistemin e kontrollit të territorit të vendit me dronë superinteligjentë, për prodhimin e të dhënave në kohë reale mbi rrugët, bregdetin, tokën bujqësore, pyjet, rendin publik natyrisht e të tjera akoma

    Programin e Mandatit të Tretë për infrastruktren kombetare’- shkruan Rama.

  • VIDEO

    Anëtari i Këshillit Kombëtar të PD: Treçereku i Kryesisë nuk besojnë që Basha fiton përballë Ramës

    Anëtari i Këshillit Kombëtar të Partisë Demokratike, Indrit Hoxha tha sot në emisionin "Repolitix" se treçereku i Kryesisë së kësaj partie, jashtë kamerave, nuk besojnë se kryetari në detyrë, Lulzim Basha do të mund të fitonte zgjedhjet përballë Edi Ramës. Megjithatë, ai shtoi se kur vjen puna për të ndërmarrë vendime politike, ata rreshtohen krah Bashës. Sipas tij, Basha i ka zhveshur dinjitetin Kryesisë së PD.

    "Kur ulesh jashtë kamerave me anëtarët e Kryesisë, treçereku i tyre nuk besojnë që Basha fiton zgjedhjet përballë Ramës, jo më përballë partisë dhe kur vjen puna për të ndërmarrë vendime politike rreshtohen krah Bashës. Kjo tregon se kësaj kryesie i ka humbur dinjiteti, Basha ja ka zhveshur dinjitetin Kryesisë së Partisë", tha ai.

    Ndërsa u ndal te përjashtimi i Ibsen Elezit nga gara për kryetar të PD, Hoxha u shpreh se vendimi për përjashtimin e tij nga Kryesia me pretendimin se ka bërë fushatë të pahijshme ndaj Bashës.

    "U përjashtua me pretendimin për  fushatë të pahijshme ndaj kryetarit Basha, agjitacion e propagandë, u votua 23 me zero. Kjo më çuditi", u shpreh ai.

  • VIDEO

    Zgjedhjet për kryetarin e ri të PD, Halit Valteri: S'ka garë, kutitë do të mbushen si në 2017

    Gara në Partinë Demokratike është farsë dhe kutitë do të mbushen në favor të kreut aktual Lulzim Bashës. Kështu ka deklaruar në emisionin ‘Repolitix’ në Report Tv, Halit Valteri ish-eksponent i rëndësishëm në Partinë Demokratike, dhe njohës shumë i mirë i procesit të zgjedhjeve brenda kësaj partia. Kjo pasi në vitin 2017, Valteri thotë se ka punuar gjatë procesit zgjedhor për zgjedhjen e kryetarit të PD-së, Lulzim Bashës, kundër Eduard Selamit, ku tha se Basha ka të gjithë numëruesit, vëzhguesit dhe të vetmen garë që mund të fitojë është kjo brenda PD.

    ‘Njoh shumë mirë procesin në PD. Të vetmen gjë që Lulzim Basha mund të fitojë është të mund rivalët brenda PD-së se i ka vetë numëruesit, vet vëzhguesit. Nuk kanë numërues. Tre herë Rama kryeministër tre herë Basha kryetar PD-je. Këtu ka kandidatë fallso. Njëri nga këta do të jetë nënkryetar i PD-së, ai që do të marrë më shumë vota, Agron Shehaj.

    Është futur për të legjitimuar garën. I vetmi që nuk do ta lejë garën është Agron Shehaj. Ta zëmë se do të votojnë 300 veta. 100 vota Agron Shehaj, 50 Bardh Kadilli, 100 vota Edith Harxhi, 150 do t’i marrë, Basha, dhe nëse nuk i gjen, do të mbushen kutitë. Agron Shehaj do të marrë ato vota që janë njerëzit që nuk e duan Bashën në krye të PD-së.

    Do të mbushen kutitë. Eduard Selami nuk futej dot në derë të PD. Nuk ndryshon asgjë fizionomia e PD nga PPSH. Ose je me ne, ose je armik. Nëse nuk mendon si oborrtarët, si ato që ka bërë kuanti në kat të dytë nuk ka demokraci. Ai do ta çoj PD në 20 mandate. Nuk ka garë, nuk ka proces, është farsë, kutitë do të mbushen.’- tha Valteri.

     

Për lajme të tjera kërkoni në arkiv