114 kg kanabis janë sekuestruar gjatë një aksioni të zhvilluar mbrëmjen e djeshme në qytetin e Korçës si dhe u vunë në pranga 4 persona, mes të cilëve dhe avokatin Joni Mosku, i dënuar më parë për trafik droge. Droga fshihej në sediljet e pasme të makinës, ndërsa grupi i trafikantëve kishin detyra të ndara në trafikun e kanabisit në Greqi.

Sekuestrohet një sasi e konsiderueshme sasie kanabisi gjatë një operacioni të sektorit të antitrafiqeve, arrestohen disa persona.

Një 41-vjeçar është proceduar penalisht pasi ka tentuar që t’i vërë zjarrin shtëpisë së një 51-vjeçareje në Pogradec. Siç njofton policia po procedohet penalisht shtetasi J. P., 41 vjeç, banues në fshatin Dardhas, Pogradec, pasi në këtë fshat, ky shtetas dyshohet se ka tentuar të djegë me zjarr banesën e shtetases V. M., 50 vjeçe

Fundjava ka mirëpritur në Kolonjë 40 artistë të pikturës, të cilët kanë gjetur burim frymëzimi, për të krijuar artin e tyre me ngjyrat e vjeshtës në fshatrat e Rehovës.

Çmimi i gështenjave ka pësuar rritje edhe pse është një dru frutor që gjendet në pyll dhe fermerët e Pogradecit nuk investojnë për kultivimin e saj. Këtë vit për shkak të thatësirës prodhimi ka qenë i pakët, e për pasojë gështenja është shitur më shtrenjtë. Përpos tregut vendas gështenjat e Pogradecit, shkojnë dhe për eksport kryesisht në Itali.

Ndodh edhe kështu, ’Pa Gjurmë’ i gjen nënën pas 38-vitesh, por ajo ia ’shpërblen’ për herë të dytë me refuzimin e saj. Daniel Mino u përlot në studio, ndërsa pa për herë të parë imazhin e të ëmës, të cilën nuk reshti së kërkuari. ’Pa Gjurmë’ udhëtoi në një fshat të largët të Beratit, ku mundi të gjente 60-vjeçaren, pas një telefonate që mbërriti në emision. E moshuara mbeti e habitur kur pa prezencën e kameras, por kur mësoi arsyen mohoi kategorikisht të takohet me të birin, duke e konsideruar një kapitull të mbyllur për të. Ashtu siç edhe ka ndodhur 38 vite më parë, kur ajo e braktisi në maternitetin e Bilishtit, që ditën kur e solli në jetë, më 27 shkurt 1983. 

3 persona janë plagosur nga shpërthimi i një bombole gazi në Voskopojë, Korçë. Siç bëjnë me dije burime, e zonja e shtëpisë shtetasja A.N, ka dashur që të provojë kaldajën me gaz dhe kur e ka hapur ka shpërthyer

Report Tv mëson se 54-vjeçari është dërguar menjëherë në spital pas aksidentit, ndërsa aktualisht ndodhet në reanimacion.

Një aksident është regjistruar pak minuta më parë në aksin rrugor Korçë - Kapshticë. Dy mjete janë përplasur në afërsi të fshatit Plasë

Një i moshuar ka humbur jetën pasi ka rënë nga kali në fshatin Hoçman në Pogradec

Nën zhurmën e borijeve dhe radhëve kilometrikë është “zgjuar” mëngjesin e sotëm pika kufitare e Kapshticës, megjithatë situata është drejt normalizimit.

Festa tradicionale e verës dhe gështenjave është kremtuar mbrëmjen e së premtes në Pogradec, ku me qindra qytetarë kanë shijuar muzikën dhe verën, por pa respektuar masat mbrojtëse për COVID-19.         

Me pasionin e tij për artin dhe të bukurën, piktori nga Shkodra prej vitesh derdh në telajo emocionet që i fal natyra shqiptare. Pjesë e edicionit të 11-të,  këtë vjeshtë piktori Agim Kadillari i është bashkuar kolonisë ekspozitës ndërkombëtare të pikturës, “Ditët e Mios” në fshatin Dardhë të Korçës.

COVID-19 përhapet në burgun e Drenovës. Burime bëjnë me dije se 11 të burgosur kanë rezultuar të infektuar, njëri prej të cilëve është transportuar drejt Tiranës në gjendje të rëndë shëndetësore.

Një aksident i rëndë është shënuar në Korçë, pasi në automjet ka përplasur një studente në afërsi të Universitetit Fan Noli.

Ndërhyrjet që duhet të bëhen në Reformën Zgjedhore për të adresuar rekomandimet e OSBE/ODIHR-it, për kreun e KQZ, Ilirjan Celibashi duhen bërë sa më shpejtë dhe të mos lihen si gjithmonë në prag zgjedhjesh. Në lidhje me komisionerët që kanë tjetërsuar votën ku nga rinumërimi i disa kutive u zbuluan se votat i janë hequr disa kandidatëve dhe i janë shtuar të tjerëve, Celibashi tha se do të këtë kallëzim penale për ta nëse do të rezultojë se ka pasur deformim të rezultatit.

Më shumë se 13 mijë euro janë sekuestruar nga policia kufitare në Qafë-Thanë. Policia ka ndaluar shtetasin rumun I.C, të cilit pas kontrollit të detajuar fizik dhe me skaner, iu konstatua në çantën e dorës, vlera në valutë e padeklaruar prej 13.350 euro

Është çelur për të 11-in vit radhazi Edicioni i Festivalit të Pikturave “Ditës e Mios” në teatrin “Andon Zako Çajupi” ku 23 artistë pjesëmarrës nga vende të ndryshme të botës për 4 ditë radhazi do të ekspozojnë punimet e tyre ndër vite dhe do të hedhin në telajo pamjet piktoreske të peizazhit të Korçës.

Ndryshime në nivel vendor të policive të qarqeve, ku lëvizjet janë bërë në drejtuesit e sektorëve të këtyre drejtorive. Aktualisht në Policinë e Korçës ka disa lëvizje, dhe pritet që të bëhen edhe në drejtoritë e qarqeve të tjera.

Në Dvoran të Korçës prodhohen mollë me cilësi të lartë, por fermerët thonë se kanë vështirësi për të siguruar tregtimin e tyre. Pikërisht për të promovuar mollët e kësaj treve u zhvillua dhe një panair.

Ambasadori i Bashkimit Europian Luigi Soreca nga Korça, teksa u pyet për 3 amandamentet e propozuara nga PD për ndryshimet kushtetuese tha se kjo është demokracia

Në operacionet e zhvilluara ditën e djeshme në Tiranë dhe Korçë janë arrestuar 4 efektivë policisë dhe 6 janë pezulluar. Gjithçka lindi nga hetimet  dhe përgjimet që po u bëheshin policëve të Korçës, në lidhje me kalimin e paligjshëm të emigrantëve. Nga përgjimet dolën edhe efektivët e Tiranës të Komisaritati nr. 1 që akuzohen për lejim të kalimit të personave jashtë orarit policor të vendosur për shkak të COVID-19. Efektivët akuzohen veprat penale "Shpërdorim detyre" dhe "Falsifikim i dokumenteve"