Kronikë

Një prej kritikuesve më të ashpër të Lulzim Bashës në PD, ish-sekretari i Përgjithshëm i kësaj force politike, Arben Ristani, e cilëson Kuvendin e djeshëm të PD-së si një fshehja nga e vërteta të lidershipit demokrat.  Ristani shkruan në Facebook se drejtuesit e PD-së analizuan vjedhjen e kundërshtarit dhe jo veten duke fshehur të vërtetën.

Një 17 vjeçar është arrestuar në Tiranë pasi publikonte në rrjetet sociale foto me armë zjarri. Policia e Tiranës njofton se 17-vjeçarit K. Selaj iu është sekuestruar kallashnikov si dhe një thikë.

Lumi Gjanica, i cili përshkon qytetin e Fierit  nga një investim i qeverise shqiptare ka ndryshuar rrënjësisht në një nga hapësirat rekreative me shëtitore, ambiente pushimi, parqe, sheshe dhe kënde argëtimi për te gjithë qytetarët.

Një mjet tip 'Golf' është përfshirë nga flaktët orët e para pas mesnatës. Ngjarja ka ndodhur rreth orës 01:20. Për shkak të flakëve të makinës, është përfshirë nga zjarri edhe një kioskë që ndodhej aty pranë.

E kthyer tashmë në një traditë, kryeministri Edi Rama ka zgjedhur të publikojë sot pamje nga punimet që po bëhen në akset rrugor Qaf Thorë - Theth. Përmes një postimi Rama shkruan se ky thekson se puna nuk do të ndalojë në asnjë çast për rehabilitimin e akseve që të çojnë në destinacionet turistike nga veri në jugun e Shqipërisë.

Një krim i rëndë ka tronditur qytetin e Lecces. Një ish-bankier 69-vjeçar është ekzekutuar pikërisht duke nxjerrë para në një bankomat.  Giovanni Caramuscio, u vra mbrëmë në sy të gruas së tij   Për vrasjen e tij akuzohen dy vëllezër shqiptarë, pasi kamerat e sigurisë kanë filmuar të gjithë ngjarjen. Vëllezërit kanë qenë të maskuar me maskë antiCovid.

Republika e Shqipërisë do të karakterizohet nga kthjellime dhe vranësira të herë pas herëshme gjatë paradites. Por mesdita dhe kryesisht pasditja sjellin shpeshtim të vranësirave, të cilat do të gjenerojnë rrebeshe shiu në pjesën më të madhe të vendit tonë.

Një ngjarje e rëndë është regjistruar mbrëmjen e kësaj të shtune, ku një 45-vjeçar është mbytur në liqenin e Farkës.

Një shqiptar ka rënë në prangat e policisë në Itali ditën e sotme, pasi akuzohet si autorë i vrasjes së ish-bankieri. Mediat italiane bëjnë me dije se në pranga ka rënë 31-vjeçari Paulin Meçaj, i cili, pasditen e djeshme, së bashku me një person tjetër, dyshohet se kanë qëlluar për vdekje një ish-bankier, Giovanni Caramuscio, 69 vjeç.

Një aksident është regjistruar në rrugën Transballkanike në Vlorë, por fatmirësisht nuk kanë mbetur persona të lënduar. Bëhet me dije se në aksident janë regjistruar 4 automjete, ndërsa ka vetëm dëme materiale.

Ka shpresë për rigjallërimin e turizmit, jo vetëm në bregdet por edhe në qytetet historike siç është Berati. Shifrat e muajve të fundit janë inkurajuese, ndërsa turistët e huaj i sheh gjithnjë e më shpesh teksa vizitojnë kalanë dhe lagjet karakteristike me kalldrëm.

Uji i Ftohtë në Tepelenë është një zonë atraktive, që tërheq vëmendjen e udhëtareve që frekuentojnë jugun e vendit. Problem aty vazhdon të mbetet parkimi i automjeteve. Përgjegjësi i turizmit tha se ka një projekt zhvillimi që do zbatohet së shpejti.

Nga

Adriatik Doci

Kolegji i Apelimit do vendosë në 29 korrik 2021 për shkarkimin ose konfirmimin në detyrë të prokurorit të dosjeve të ‘nxehta’ Besim Hajdarmataj. Komisioneri Publik dorëzoi dje dokumentin me konkluzionet përfundimtare duke kërkuar shkarkimin e prokurorit për mbylljen e 5 dosjeve të drogës dhe bixhozit, për miqësi dhe udhëtime në avion me një personazh të skeduar për aktivitete të paligjshme, për mosjustifikim të pasurisë dhe cenimin e publikut tek drejtësia. Hajdarmataj kaloi shkallën e parë të Vetingut, por ndërkombëtarët kërkuan shkarkimin e tij nga detyra

Një rritje të lehtë kanë pësuar rastet e reja me COVID-19 në 24 orët e fundit, në krahasim me disa ditë më parë. Ministria e Shëndetësisë bën me dije se nga 2431 testime të kryera, gjatë 24 orëve të fundit kanë rezultuar pozitiv 18 qytetarë, ku kryeson Tirana me 6 raste.

12 drejtues mjetesh janë arrestuar në 24 orët e fundit nga policia për drejtim mjeti në gjendje të dehur apo pa patentë, 43 leje drejtimi të pezulluara për shpejtësi tej normave të lejuara, për drejtim mjeti nën efektin e alkoolit apo gjendje të dehur dhe 2354 gjoba në total për shkelje të Kodit Rrugor, që janë rrezik potencial për përfshirje në ngjarje rrugore.

Një vatër zjarri ka përfshirë këtë pasdite pyllin me pisha në fshatin Gjorgoz, bashkia Patos. Zjarrfikësja e Fierit dhe Patosit ndodhen në vendngjarje, por për shkak të temperaturave të larta, erës së fortë dhe terrenit të vështirë, vështirësojnë punë e tyre.

Dy vite e gjysmë pasi pësoi plasaritje nga tërmeti, në mbikalimin e Shkozetit në Durrës nuk është kryer asnjë ndërhyrje! Edhe pse paraqet rrezikshmëri për shkak të fluksit të madh të qarkullimit, Autoriteti Rrugor nuk ka një datë se kur do të nisë punimet, ndërsa për Report Tv deklaron se "është ende në fazë studimi".

Një aksident rrugor është regjistruar pasditen e kësaj të shtunë në Vlorë, ku një person ka mbetur i plagosur.

Një makinë është shkrumbuar nga flakët mesditën e sotme, ku flakët kanë qenë të përmasave të mëdha.