Kronikë

Ministri në detyrë i Ekonomisë dhe Financave, Arben Ahmetaj, përmes një deklarate për media, i ka bërë këtë të hënë thirrje bordeve të administrimit të universiteteve që të përfundojnë sa më parë listat e studentëve përfitues nga përgjysmimi i tarifave vjetore, e të atyre që përfitojnë bursa.

Një grup banorësh të "Bregut të Lumit" po protestojnë këtë të hënë me djegie gomash ndaj projektit "Bulevardi i Ri", që prek shtëpitë e tyre. Ata  akuzojnë kryebashkiakun e Tiranës Erion Veliaj për mosmbajtje premtimesh, përsa i takon dhënies së dëmshpërblimeve.

Ngjarja ka ndodhur në mesnatë kur lokali nuk ka pasur njerëz dhe ka qenë i mbyllur. Sipas policisë, ka qenë pikërisht pronari që ka konstatuar mëngjesin e sotëm rreth orës 08:00 xhamin e lokalit dhe një televizor të thyer duke bërë më pas denoncimin në polici.

Roja e Zyrës së Punës në Shkodër u gjend këtë mëngjes i vdekur në vendin e tij të punës. 

Dy përgjegjësit dhe dy rojet që u arrestuan pas vjedhjes së bazës ushtarake në Pashaliman të Vlorës kanë dalë sot para gjykatës për masën e sigurisë. Të arrestuarit janë; Lesko Ramosaçaj 52 vjeç, Edlir Nelaj 42 vjeç, Ervis Memsulaj 23 vjeç dhe Ardit Ramaj 25 vjeç. Report Tv sjell pamjet nga seanca në Vlorë, ku ushtarakët dolën para gjykatës.

Një grup studentësh nga 6 fakultete të Tiranës, Shkodra e Elbasani vijojnë me bojkotimin e mësimit. Studentët e Universitetit "Luigj Gurakuqi" në Shkodër kanë dërguar këtë të hënë në Rektorat dy kërkesa të reja, që konsistojnë në zhvillimin e zgjedhjeve të reja në Këshillin Studentor dhe në kalimin e studentëve të vitit të dytë në atë të tretë me 25 kredite, jo 30. 

Prokurorja në Prokurorinë e Përgjithshme, Alma Muça është hetuar me rezultatet e verifikimit të tri shtyllave kryesore të KPK. Sipas hetimeve të ILDKP-së dhe DSIK, prokurorja rezulton se nuk ka probleme në deklarimin e pasurisë, nuk gjendet në situatë të konfliktit të interesit si dhe mbart aftësi profesionale.