Greqi, arrestohen 2 shqiptarët që grabitën zyrën postare! Momenti kur njëri prej tyre hyn brenda me pistoletë dhe kërcënon punonjësit

GREQI- Dy shtetas shqiptarë 37 dhe 41 vjeç, janë vënë në pranga nga policia greke, nën akuzën e grabitjes me dhunë.

Sipas Departamentit të Krimeve kundër personit të drejtorisë së policisë së Atikës, dy shqiptarët e arrestuar një ditë më parë (11 janar), rezulton se në datën 20 dhjetor 2023 grabitën me dhunë një zyrë postare në vendin e quajtur Markopulo në afërsi të Athinës.

Nën kërcënimin e një arme, ata grabitën një sasi parash dhe u larguan me një motorçikletë.

Policia mundi të bjerë në gjurmët e  dy grabitësve mbas marrjes së informacionit në rrugë operative.  Prej verifikimeve rezultoi se ata kanë kryer grabitjen, ndërsa pas kontrollit në banesë u gjetën edhe veshjet dhe mjetet e përdorura për të kryer grabitjen si dhe një sasi prej 20 gramë metadon.

Dy të ndaluarit do të dërgohen në gjykatë për masë sigurie.

B.V/r.k./Shqiptarja.com

TAG:
• greqi
• grabitje
• shqiptaret ne greqi