• VIDEO

    Xhalal Mziu pranon publikisht mbështetjen për kreun aktual: Edhe dy nga ato tre kandidatë do votojnë Bashën

    Deputeti i zgjedhur nga zgjedhjet e 25 prillit për Qarkun e Dibrës, Xhelal Mziu, ka votuar për zgjedhjen e kryetarit të Partisë Demokratike. Në një prononcim live për Report Tv, Mziu ka konfirmuar publikisht mbështetjen për Lulzim Bashën dhe ka shtuar se edhe 2 nga tre kandidatët përballë tij do të votojnë kreun aktual.

    ‘Gjithë demokratët të vazhdojnë betejën për rrëzimin e kësaj të keqje. Në tre degë të qarkut të Dibrës ka një pjesëmarrje masive. Basha nuk ka nevojë të mbështetje nga unë, ka profilin e tij politik që më shumë se 30-40 % e socialistëve kërkojnë që Basha të ishte në krye të vendit. Dy nga tre këto kandidatë do të votojnë Bashën. Ka një angazhim maksimal për ta mbyllur këto procese shumë shpejt, dhe për të rrezuar këtë të keqe. Rezultati i zgjedhjeve të 25 prillit, tregoi rritje progresive të PD-së.’- tha Mziu.

  • VIDEO

    Pa 'iu dridhur fare qerpiku', Genc Pollo filmon votën për kreun e PD në mes të Tiranës! I kënaqur se mbylli 'misionin'

    Në këto pamje, të siguruara nga kamera e Report Tv shikoni se si një prej personaliteteve më të rëndësishme të Partisë Demokratike i konsideron 'një lojë' zgjedhjet për kreun e ri të forcës së tij politike.

    Genc Pollo pasi ka votuar në degën nr. 2 të Partisë Demokratike në Tiranë shihet qartë se filmon votën e tij duke u ndier i kënaqur me 'misionin' që sapo e përfundoi me sukses.

  • VIDEO

    Gjana: Deri në orën 16:00, kanë votuar 44% e demokratëve! Mungesa e emrit në listë, pengese e paqëllimshme! Fituesi shpallet nesër paradite

    Kryetari i Komisionit Zgjedhor në Partinë Demokratike, Jemin Gjana në një deklaratë për mediat, tha se deri në orën 16:00 kanë votuar 44% e anëtarëve.

    Gjata u shpreh se në përgjithësi anëtarët të cilët nuk kanë pasur emrin në lista, dhe kanë pasur kartën e anëtarësisë kanë pasur mundësi që të votojnë. Gjana shtoi se emri në lista është ndryshuar për shkak të përpunimit në sistemet e IT të emrave.

    ‘Pjesëmarrja e votuesve në të gjithë vendin është 44%. Në përgjithësi janë lejuar ato që kanë kartën e antarësisë, pa i penguar. Pash një Konjari se ishte e pezmatuar se nuk ka gjetur emrin në listë, është e vërtetë për efekt të përpunimit në sistemet e IT të emrave, nëse nuk rezulton në listë por disponon kartën e anëtarsie mund të votosh. Janë pengesa lëvizje të paqëllimshme, duke qenë të paqëllimshme kemi krijuar një hapësirë tjetër në lëvizje.’- tha Gjana.

    Sa i përket daljes së rezultatin, Gjana tha se rezultati zyrtar do të dalë nesër paradite.

  • VIDEO

    Zgjedhjet në PD, deri në 13:00 votojnë 31.3 % e anëtarëve! Nishani: Maskaradë elektorale! Berisha: I qëndroj deklaratës për t’u rikthyer në krye të partisë

    Prej orës 08:00 të mëngjesit të sotëm 75 mijë anëtarë të Partisë Demokratike kanë nisur t'i drejtohen kutive të votimit për të zgjedhur drejtuesin e tyre të ri ku në garë janë Lulzim Bashës, Agron Shehaj, Edit Harxhi dhe Fatbardh Kadilli.

    I pari nga kandidatët në garë që ka votuar ishte Lulzim Basha, i cili ishte i shoqëruar nga Dhurata Çupi dhe Jorida Tabaku. Më herët kanë votuar dhe sekretari i Përgjithshëm i PD, Gazmend Bardhi, Besnik Mustafaj dhe Sait Dollapi. Votën e kanë hedhur edhe kandidatët e tjerë Edith Harxhi, Agron Shehaj dhe Fatbardh Kadilli. Edhe lideri historik i Partisë Demokratike Sali Berisha ka votuar dhe ndërsa bëri thirrje për pjesëmarrje në proces i është pyetur nga gazetarët nëse i qëndron deklaratës për rikthimin në krye të PD, Berisha tha se “është konsistent në deklaratat e tij”. Një deklaratë të tillë e ka bërë edhe më parë.

  • VIDEO

    Harxhi denoncon: Zgjedhjet me probleme të mëdha! Me mijëra anëtarë s'kanë emrat në lista, ndërkohë që votojnë ata që nuk janë anëtarë dhe s'kanë kartë anëtarësie

    Edith Harxhi, kandidate në garën për kreun e PD, ka denoncuar disa problematika që po ndodhin në zgjedhjet e sotme. Ajo tha se në disa raste po votojnë persona që nuk janë as anëtar të PD dhe nuk kanë as kartë anëtarësie, ndërsa tha se në Kavajë edhe Mat po bëhet votim familjar.

  • VIDEO

    Zgjedhjet në PD, Shehaj: Po kompromentohen, vëzhguesit e mi janë përjashtuar, në Durrës listë e re votuesish! Gjana: Asnjë s'është përjashtuar, vëzhguesit s'përmbushën kriteret

    Kandidati për kreun e PD, Agron Shehaj akuzon partinë se po komprometon procesin zgjedhor duke mos lejuar praninë e vëzhguesve të tij. Madje Shehaj thotë se në disa degë shumë anëtarë të PD janë përjashtuar nga votimi ndërsa në degë të tjera ka votim masiv pa asnjë kontroll. Ndërsa kreu i Komisionit Zgjedhor, Jemin Gjana tha se vëzhguesit e Shehajt nuk përmbushin kriteret.

  • VIDEO

    43 vite karrierë politike/ Rrugëtimi i Gramoz Ruçit nga strukturat e PPSH, themelimi i PS-së deri tek tërheqja e sotme

    Ruçi vendosi një standard në politikën shqiptare duke u bërë politikani i parë që tërhiqet nga politika si fitues, pikërisht disa javë pasi Partia Socialiste fitoi mandatin zgjedhjet parlamentare, për të tretën herë radhazi.

  • VIDEO

    Fotografuan votën, Gjana: Nuk janë foto nga qendrat e votimit, por fletë votimi e publikuar jashtë procesit

    Kreu i Komisionit  Zgjedhor në PD, Jemin Gjana, ka sqaruar rastin ku u shfaqen fotografitë të votës për Lulzim Bashën në rrjetet sociale. Gjana tha se ka konstatuar dy raste të tilla dhe se ato nuk janë fotografuar brenda qendrës së votimit, por janë flet votimi që njerëz të ndryshëm i kanë plotësua dhe postuar me dëshirën e tyre.

    "E kam konstatuar këtë në dy raste nuk janë vota, por fletë votimi që është publikuar dhe njerëzit kanë bërë shënim dhe e fusin në rrjetet e tyre që nxisin individë  për të motivuar votimin e një kandidati apo tjetër, por foto të fotografuar brenda qendrës së votimit", tha Gjana.

  • VIDEO

    Deri në orën 13:00 votojnë 31.3 % anëtarë të PD! Gjana: Procesi i rregullt, përfaqësuesit janë zëvendësuar me kërkesë të kandidatëve

    Kreu i Komisionit  Zgjedhor në PD, Jemin Gjana ka përditësuar votimet brenda PD që po zhvillohen në të gjithë vendin duke thënë se deri në orën 13:00 kanë votuar23 536 anëtarë ose 31.3 %.

    Gjana tha se deri tani procesi ka qenë i rregullt, ndërsa tha se përfaqësuesit në qendrat e votimit janë zëvendësuar me kërkesë të kandidatëve

  • VIDEO

    Bujar Nishani: 50% e anëtarësisë është zhdukur brenda 3 muajsh! Atë që Rama bëri më 25 prill me qytetarët, Basha e bëri brenda PD! S'ka pasur garë të barabartë

    Pasi ka votuar, kryetari i Këshillit Kombëtar të PD-së Bujar Nishani ka hedhur akuza të forta duke thënë se 50% e anëtarësisë së PD është zhdukur brenda 3 muajsh. “Atë që Rama bëri më 25 prill me qytetarët, Basha e bëri brenda PD”, kjo fjali e Nishanit është përdorur për të treguar se Basha ka manipuluar zgjedhjet.

    “Sot është një ditë e rëndësishme së pari për Partinë Demokratike, por edhe për të gjithë shqiptarët. PD është e vetmja shpresë për të bërë të mundur daljen e shqiptarëve nga kjo errësirë, që me gjasa do të vi të thellohet dhe në katër vitet e ardhshme, nga një regjim që ka prishur çdo standard.

    Në këtë kontekst PD duhet të shihet si shpresa e shqiptarëve, por edhe për vetë demokratët, për të demonstruar që është mekanizmi i vetëm politik, që të përballojë regjimin e bandave, regjimin e masakrës elektorale, por të sjellë dhe një model krejt ndryshe me marrjen e pushtetit nga ana e saj. Për fat të keq kjo nuk u dëshmua sot, kemi një maskaradë elektorale, më vjen keq ta them këtë, por edhe unë jam përgjegjës si shumë demokratë të tjerë, kemi lejuar që të vazhdojë projekti për të rrënuar PD-në. Unë sot kam një apel për themeluesit e PD-së, për rininë, do tiu them atë që të gjithë ata që kanë marrë përsipër që ta kthejnë PD në fasadë, kanë marrë përsipër një mision të pamundur.

    Gabojnë rëndë ata që mendojnë se mund ta marrin peng PD-në, mund ta bëjnë një forcë pa energji.  Nuk ka pasur një garë të barabartë dhe të ndershme, kandidatët e tjerë veç Bashës nuk kanë pasur mundësi infrastrukturore, drejtuesit e degëve lokale kanë refuzuar që të organizojnë takimet për kandidatët e tjerë. 50% e anëtarësisë është zhdukur brenda 3 muajsh. Përfaqësuesi i kandidates Edit Harxhi është kërcënuar. Pd sot është në një rreizk të madh. Kjo është një betejë për demokracinë, shumica e demokratëve janë zemërthyer për këtë debat që kemi sot. Atë që Rama bëri më 25 prill me qytetarët Basha e  ka bërë brenda PD me anëtarët.

    PD ka një sfidë më të madhe sfidën për rezistencë, nëse nuk kthehet në partinë që ishte... Situata në Pd është shumë e rëndë dhe duhet ndryshuar, është mesazh që ka thirrje të madhe për situatën që është PD. Unë jam njeri që vlerësoj institucionet, kjo mundësi është e oamundur sot, partia ska institucionet e ankimit.  Unë jam kam qenë dhe do mbetem në borxh politik me PD gjithë jetën”, tha Nishani.

  • VIDEO

    Zgjedhjet për kryetarin e ri të PD, voton Bujar Nishani

    Kryetari i Këshillit Kombëtar të PD-së Bujar Nishani ka votuar për zgjedhjen e kryetarit të ri të PD që do të drejtojë partinë për 4 vitet e ardhshme. Kujtojmë se Nishani ka qenë një prej kritikëve të Bashës, ndërsa ka mbështetur në këtë garë kandidatën Edit Harxhi.

    •  
  • VIDEO

    Shehaj: Procesi është vlerë, por nëse ka standard të ulët mund të kthehet në boomerang për PD

    Kandidati për kreun e PD, Agron Shehaj pasi ka hedhur votën e tij në kutitë e votimit i ka bërë thirrje demokratëve të dalin të votojnë, Ai tha se procesi i votimit të PD është vlerë për partine, por nëse cenohen standardet e saj mund të kthehet në një boomerang për PD.

     

Për lajme të tjera kërkoni në arkiv