• VIDEO

    Berisha 'zbret' në terren të takojë demokratët, Kulluri: Është i mirëpritur nga ne për aksionin politik, të bëhemi bashkë që të arrijmë fitoren

    Sali Berisha kërkon referendum në PD për të rrëzuar vendimin e përjashtimit të tij nga Lulzim Basha. E duket se pas mbështetjes që ka gjetur nga FRPD, edhe grupimi 'Për PD' mbështet aksionin e tij politik. Edvin Kulluri, pjesë e grupimit 'Për PD-në', tha në një intervistë për 'Report Tv', se Sali Berisha është i mirëpritur në aksionin e tij politik, por duhet të jetë i qartë në idetë që ai ka, që ta fusë partinë në një cikël demokratik. Kulluri tha se Berisha gëzon mbështetje në bazë, por synimi kryesor është që të demokratët të bëhen bashkë në mënyrë që të rikthejnë PD-në tek fitorja.

     
  • VIDEO

    Përmbysja e makinave në tunelet te ish-dogana, inxhinieri i sigurisë rrugore në Report Tv: Duhet përmirësuar sinjalistika!

    Kthesa e fortë e tuneleve nëntokësore të krijuara në sheshin ish-Shqiponja janë kthyer në problematike të madhe ku mjetet dhe pse me 30 km në orë, shumë prej tyre janë përmbysur në rrugë. Inxhinieri i sigurisë rrugore, Spartak Tarka tha në Report Tv se qëllimi i këtij tuneli është projektuar pikërisht për të mos u ulur shpejtësia kur vjen nga Durrësi apo kur del nga Tiranë që mjetet të vijojnë të ecin me 70-90 km në orë. Por që nga hapja e tuneleve, edhe pse mjetet hyjnë me 30 km në orë ata batohen në rrugë, dhe për ekspertin kjo ndodh për faktin se aty është ende kantierë ndërtimi dhe duhet të punohet me sinjalistikën.

     
  • VIDEO

    Pas përjashtimit, Berisha nis aksionin kundër Bashës, mbledh nesër demokratët e Tiranës! FRPD kërkon referendum: Kryetari shkeli statutin

    TIRANË- Ashtu siç kishte paralajmëruar ish-lideri historik i Partisë Demokratike Sali Berisha ka nisur të gjitha lëvizjet e tij për të bërë referendum në PD për të rrëzuar vendimin e përjashtimit të tij nga Lulzim Basha. Berisha ka nisur aksionin kundër 'birit të tij politik' Bashës, për t'i rikthyer sipas tij sovranitetin partisë.

    Berisha nuk ka humbur kohë dhe që nga nesër do të zbresë në terren dhe do të nisë takimet me anëtarët e PD-së në Tiranë, ku do të mbledhë firmat për të kërkuar referendum në lidhje me vendimin individual të Lulzim Bashës dhe më pas do të shkojë në Shkodër.

    Gjithashtu 'sulmi' ndaj Bashës ka nisur sot edhe nga 30 anëtarët e Kryesisë së Forumit Rinor të Partisë Demokratike, të cilët i kanë depozituar një kërkesë Sekretarit të Përgjithshëm, Gazment Bardhi dhe kreut të Këshillit Kombëtar për thirrjen e një referendumi pas përjashtimit të Sali Berishes nga grupi parlamentar. Me anë të një peticioni, ato e konsiderojnë si të paprecedentë situatën e krijuar nga vendimi personal i kryetarit të PD-së për përjashtimin e Berishës. Sipas tyre anëtarsia duhet të vendosë pasi është shkelur statuti dhe vlerat e PD-së.

    'Duke e konsideruar këtë veprim në shkelje të plotë të statutit, parimeve, vlerave të Partisë Demokratike si dhe rrezikun që mbart për përçarjen e thellë të parikuperueshme të saj kërkojmë që ky veprim t'i nënshtrohet me domosdoshmëri një referendumi në anëtarësinë e partisë si të vetmen rrugë për të ruajtur unitetin e PD' - thuhet në peticion.

    Përjashtim i Berishës nga grupi parlamentar i PD-së, pasi u shpall 'non grata' nga SHBA, solli një numër të lartë reagimesh në radhët e partisë së djathtë në vend të cilët nuk u pajtuan me vendimin e Lulzim Bashës. Madje disa deputetë dolën hapur kundër vendimit të Bashës dhe mbështetën Sali Berishën, me argumentin se po mohohej historia e suksesit të kësaj partie.

    Lulzim Basha përjashtoi Sali Berishën nga Grupi Parlamentar i Partisë Demokratike, në kufijtë e limitit kohor, një ditë përpara se të mbahej legjislatura X e Kuvendit. Basha dekalaroi se këtë vendim e mori në mënyrë personale, pasi sipas tij nuk donte të nxiste përçarje në parti. 

  • VIDEO

    Mësim në auditore apo online, rektori i UT Hoxha: Diskutohen të dyja mundësitë, të përgatitemi për çdo rast! 75% e stafit të vaksinuar, ftoj edhe studentët

    Ende nuk ka një datë konkrete për nisjen e universiteteve por as për mënyrën se si do të zhvillohem mësimi, nëse do të jetë online apo në auditore. Rektori i Universitetit të Tiranës Artan Hoxha tha se vendimi për mënyrën si do zhvillohet mësimi pritet ta vendosë Komiteti Teknik i Ekspertëve, por theksoi se duhet të jemi të përgatitur për çdo rast.

    “Diskutimi është nëse ky vit akademik do të fillojë në auditor apo online. Ne duhet të jemi të përgatitur për çdo rast. Nuk duhet të ecim me supozime dhe të mos flasim me sikur dhe të flasim me atë që do ndodhë lidhur me vendimmarrjen e komitetit teknik që përcaktojnë mënyrën si do jetë akomodimi i njerëzve me institucionet. Pa e ditur se kush është pozicionimi unë smund të bëj deklarata, por askush s'do humbasi mësimet", tha ai.

  • VIDEO

    Sarandë/ Kultivuan 200 rrënjë kanabis në fshatin Vrinë, 4 të arrestuar, mes tyre organizatori e financuesi, i njohur si 'Papi'! 2 të dënuar më parë

    Finalizohet me sukses operacioni policor i koduar “Five”, për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike.

    Operacioni i zhvilluar nga Komisariati i Policisë Sarandë, në bashkëpunim me DVP Vlorë.

    Vihen në pranga 4 shtetas dhe shpallet në kërkim 1 tjetër, 2 prej tyre me precedent të mëparshëm penal në fushën e narkotikëve.

    Në vijim të kontrolleve të pandërprera në të gjithë qarkun Vlorë, në zbatim të planit të masave për parandalimin evidentimin dhe goditjen e veprimtarisë kriminale në fushën e narkotikëve, pas një hetimi njëmujor, nën drejtimin e Prokurorisë së Rrethit Gjyqësor Sarandë, nga Komisariati i Policisë Sarandë, në bashkëpunim me strukturat e DVP Vlorë, u finalizua operacioni policor i koduar “Five”, në kuadër të cilit u bë arrestimi në flagrancë i shtetasve:  

    -Dashnor Alushaj (i njohur me ermin Papi), 62 vjeç, banues në Sarandë, i dënuar më parë për veprën penale  “Kultivimi i bimëve narkotike“; 

    -Gramoz Breshanaj, 34 vjeç, banues në fshatin Vrinë, Sarandë;

    -Ermir Indrisllari, 30 vjeç, banues në fshatin Vrinë, Sarandë, i dënuar më parë për veprën penale  “Kultivimi i bimëve narkotike“;

    -Esmeraldo Alushaj, 19 vjeç, banues në fshatin Vrinë, Sarandë.

    Si dhe u bë shpallja në kërkim e shtetasit A. A., 30 vjeç, banues në fshatin Vrinë, Sarandë.

    Këta shtetas dyshohen se në bashkëpunim me njëri-tjetrin, në territorin e fshatit Vrinë, bashkia Konispol, Sarandë, kanë kultivuar bimë narkotike të dyshuara cannabis sativa, të cilat u asgjësuan me djegie gjatë operacionit policor.

    Gjithashtu, nga tërësia e veprimeve procedurale dhe provat materiale të sekuestruara dyshohet se shtetasi Dashnor Alushaj është organizatori dhe financuesi i kësaj veprimtarie të kundërligjshme.    

    Materialet i kaluan Prokurorisë pranë Gjykatës së Shkallës së Parë Sarandë, për veprën penale “Kultivimi i bimëve narkotike”, e kryer në bashkëpunim.

    ne perditesim

  • VIDEO

    Trajleri godet nga pas autobusin në Lezhë dhe e nxjerr nga rruga, plagoset një fëmijë

    Një aksident ka ndodhur sot në aksin Lezhë-Milot, pranë ishullit të Shëngjinit.

    Trajleri ka goditur nga pas një autobus me pasagjerë duke e nxjerrë dhe nga rruga. Është lënduar nje fëmijë, i cili është dërguar për mjekim në spital.

  • VIDEO

    'Shtypi i Ditës dhe Ju' me Andi Kapxhiun, ja çfarë shkruajnë gazetat sot e mërkurë 15 shtator 2021

    Titujt e gazetave për sot, nga Rama e nisi me Merkel në 2014 e kancelarja e mbyll me Ramën te pse koalicioni PD-LSI nuk ekziston më e deri tek Bajerni është makthi i Barçës.

  • VIDEO

    Sërish situatë problematike në pikën kufitare të Hanit të Hotit, punëtorëve shqiptarë u kërkohet tampon çdo ditë: Ne shkojmë për bukën e gojës, këto kërkojnë test që kushton 23 €

    SHKODËR- Vijon të jetë problematike situata me kalimin e punëtorëve shqiptar në pikën kufitare të Hanit të Hotit për të shkuar në Malin e Zi.

    Edhe ditën e sotme ato janë kthyer sërish, pasi e vetmja zgjidhje është bërja e tamponit pranë pikës doganore në Hanin e Hotit. Por për punonjësit kostoja e tamponit 23 euro është e papërballueshme për to, ndërkohë që i bëjnë thirrje qeverisë për zgjidhjen e situatës. Edhe pse me të dy dozat e përfunduara duhet të presin edhe 14 ditë për të kaluar kufirin sipas masave te reja.

  • VIDEO

    Meta dekreton qeverinë 'Rama 3' , Open Ballkan apo procesi i Berlinit?

  • VIDEO

    Vijon përfshirja e flakëve pyjore në Elbasan

    Ende nuk është shuar zjarri që preku Kodrat e Shushicës në Elbasan ditën e sotmë. Zjarri ka depërtuar në kurorën e gjelbër e përbërë nga pisha e dushk. Prej oresh vijon lufta me flakët në Kodrat e Shushicës në Elbasan. Report TV ka siguruar pamje nga beteja që po bëjnë punonjësit zjarrfikës për të vënë nën kontroll zjarrin i cili po djeg një masiv te konsiderueshem pyjor. Terreni malor e bën edhe më të vështirë punën.

    •  
  • VIDEO

    Urat metalike rrezikojnë jetën e banorëve në Levan, banorët për Report Tv: Duhet bërë urgjentisht

    Në gjendje të mjeruar dhe me hekura të amortizuara prej më shumë se 15 vitesh dy ura metalike që ndodhen në Levan të Fierit rrezikojnë jetën e banorëve. Për Report Tv banorët ankohen se deri më sot nuk është ndërhyrë për riparimin e tyre ndërsa thonë se ndihen të rrezikuar për jetën e fëmijëve të cilët shkojnë çdo ditë në shkollë.

  • VIDEO

    Bombolat e oksigjenit në spitale dhe frika për incidente, Inspektorati Shtetëror Teknik: Kryhen kontrolle 1 herë në vit

    Në spitalet tona ka depozita të mëdha oksigjeni, por për fat nuk ka patur incidente. Inspektorati Shtetëror Teknik dhe Industrial institucioni përgjegjës për sigurinë e tyre, kryen kontrolle një herë në vit

Për lajme të tjera kërkoni në arkiv