Babë e bir kanë rënë në prangat e policisë ditën e sotme në pikën kufitare në Bllatë, pasi paraqitën formularë vaksinimi me të dhëna falsë. Në pranga kanë rënë Eduart dhe Erald Nuredini, 47 dhe 24 vjeç, banues në Peshkopi.

Pas 5 ditësh kërkime, trupi i pajetë e minatorit Muharrem Plaku u gjet në mesnatë në galerinë e minierës në Bulqizë, ku ishte bllokuar pas shembjes së një masivi minerali. Sipas mjekësisë ligjore, Plaku ishte zënë poshtë nga masivi i mineraleve të shkëputura në nëntokë, që i mori jetën.

Teksa ditët kalojnë, shpresat për të gjetur gjallë minatorin Muharrem Plaku shuhen gjithnjë e më shumë. Sot është dita e pestë nën errësirën dhe lagështinë e minierës së Bulqizës, për 60-vjeçarin, i cili u bllokua pas një shembjeje shkëmbore të mërkurën e kësaj jave.

Kishin shkuar në Dibër për një rast gëzimi por në kthim makina është përmbysur në aksin rrugor Burrel- Ulëz, në afërsi të fshatit Baz duke zënë poshtë një familje me 6 anëtarë. 

Prej 3 ditësh minatori Muharrem Plaku ka mbetur në galeritë e një miniere në Bulqizë dhe ende nuk dihet asgjë për fatin e tij. Ish-minatori Ferat Kurti, i cili ka punuar me Plakun më parë në një minierë tjetër thotë e ekziston mundësia që ai të jetë gjallë por situata është sigurisht shumë e rëndë.

Prej gati 72 orësh i bllokuar në galerinë e errët të minierës së Bulqizëqs, shpresat për ta gjetur gjallë minatorin Muharrem Plaku sa vijnë edhe dobësohen. Operacionet e kërkimit vijojnë, por puna po ecën me ritme shumë të ngadalta për shkak të frikës për shembje të tjera në galeri që do të rrezikonin jetën e punonjësve të shpëtimit.

Minatori Muharrem Plaku i cili mbeti i bllokuar, pasi galeria e kromit ku punonte u shemb në Bulqizë, ende nuk është gjetur. Prej gati dy ditësh, 60-vjeçari, me detyrë zjarrmëtar, ka mbetur në galeri dhe ende nuk ka asnjë informacion mbi gjendjen e tij. Sipas Autoritetit Kombëtar për Sigurinë dhe Emergjencat në Miniera, operacioni është mjaft i vështirë, për shkak se vijojnë të bien minerale.

Drejtori i IKMT-së në Dibër, Lutfi Miftari, 56 vjeç banues në Tiranë, është arrestuar pasi akuzohet për korrupsion, pasi mori ryshfet nga kompania private e kromit për të mos raportuar shkeljet e kryera nga kjo firmën. Në pranga ra edhe administratori i firmës “H4 CHROM”, Eljo Elezi, pasi i dha 50 mijë lekë drejtorit të IKMT-së për të mos raportuar shkeljet e bëra nga kompania.

Ambasadorja amerikane Yuri Kim vijon pushimet e saj, ku këtë herë është ndalur në Peshkopi, ku nuk kanë munguar promovimi i kulturës dhe bukurive të asaj. Kim shkruan se në Peshkopi ndodhet për herë të parë dhe se vendi ka një potencial të madh dhe duhet zhvilluar edhe më shumë.

Një 33-vjeçar është arrestuar pasi ishte shpallur në kërkim për vjedhjen e sendeve me vlerë, një marketi, madje ka tentuar edhe një filial banke në qytetin e Burrelit.

Gjykata cakton arrest në burg për Alfred Debreshin i cili akuzohet se ka vënë tritol në makinën e vëllait të tij minatorit dhe ish kandidat për deputet Elton Debreshi.

Një 19-vjeçar është arrestuar nga policia e Bulqizës, pasi dyshohet se ka kultivuar bimë narkotike në zonën e quajtur ‘Lugu i Menës’ në zonën pyjore në Fushë-Bulqizë

Ndryshe nga çfarë u dyshua, tritoli në makinë e minatorit Elton Debreshi u vu nga i vëllai, Alfred Debreshi dhe sipas hetuesve, dyshohet se e gjitha ishte ngjarje që u sajua prej tyre, me qëllimin për të përfituar azil në Gjermani. Ishin përgjimet ambientale dhe dëshmitë kontradiktore në polici, që nxorën 'zbuluar' dy vëllezërit Debreshi.

Pavarësisht dyshimeve që u hodhën, sipas policisë pas vendosjes së tritolit në automjetin e minatorit dhe ish- kandidatit ët pavarur për deputet në Dibër, fshihej pikërisht i vëllai. Alfred Debreshi, 29 vjeç, u vu në pranga ditën e sotme nga Policia. Nuk dihet nëse dy vëllezërit kishin konflikte me njëri-tjetrin.

Një sasi tritoli ka shpërthyer në makinën e ish-kandidatit të pavarur për deputet në Bulqizë Elton Debreshi. Nga shpërthimi pati vetëm dëme materiale, ndërsa janë shoqëruar disa persona, që mund të kenë dijeni për rrethanat e ngjarjes. Debreshi është edhe kryetar i Sindikatës së Minatorëve të Bashkuar të Bulqizës. Ai u pushua nga puna si minator, ndërsa Gjykata i dha të dy ditë më parë të drejtën për të marrë rrogën e 15 muajve.

Në pranga ra Elvis Tola, 36 vjeç, banues në fshatin Çidhën, njësia Administrative Arras, Dibër, si dhe u procedua penalisht në gjendje të lirë shtetasi M. T., 67 vjeç, babai i të arrestuarit, pasi u gjetën të fshehura një armë zjarri pushkë, një armë gjahu dhe një gjerdan me fishek të cilat u sekuestruan në cilësinë e provës materiale.

11 vatra zjarri janë ende aktive në vend, ndërsa më problematike situata paraqitet në Majën e Rrunës dhe në fshatin Lundre në Ulëz. Maja e rrunës ndodhet prej gati 3 javësh nën 'pushtetin' e flakëve, ndërsa situata më problematike është në Majën e Zezë. Në zonë për shuarjen e flakëve po punon një helikopter holandez si dhe janë angazhuar 30 trupa te Forcave te Armatosura.

Vetëm përgjatë fundjavës janë arrestuar 40 shoferë, ku 28 prej tyre po udhëtonin nën efektin e alkoolit dhe 12 të tjerë po drejtonin mjetin pa patentë. Sakaq, 198 shoferëve iu është pezulluar patenta, nga këto 136 për shpejtësi tej normave të lejuara, 47 për drejtim mjeti në efektin e alkoolit dhe 15 për qarkullim në sens të kundërt. Bëhet me dije se bën me dije se 4.519 shoferë janë gjobitur pasi kanë shkelur rregullat.

Puna për parandalimin, evidentimin dhe kapjen e personave në kërkim, të atyre që  shpërndajnë lëndë narkotike apo që qarkullojnë me armë zjarri vijon.

2 persona janë arrestuar dhe 3 të tjerë janë nën hetim pasi akuzohet për zjarrvënie që dogjën pyjet në Kukës, Dibër e Gjirokastër të vendit. Mes personave nën hetim janë edhe dy të mitur.

Gjatë operacioneve anti-kanabis në të gjithë vendin, Policia e Shtetit ka vënë në pranga 11 persona dhe ka shpallur në kërkim 2 të tjerë për kultivim dhe shpërndaje drogë në qytete të ndryshme të vendin.

Pronari i një lokali në Dibër është gjobitur me 1 milionë lekë pasi ka thyer masat e vendosura në kuadër të kufizimit të pandemisë COVID-19.

Një konflikt për motive të dobëta ka çuar në pranga dy të rinj në Bulqizë. Burime për Report Tv bëjnë me dije se dy të rinjtë, të identifikuar si Blerdjan Gjoka, 32 vjeç dhe Murat Zhaboli 28 vjeç kanë goditur me thikë për shkak të detyrës një punonjës të ujësjellësit.

Një tjetër rast i kultivimit të bimëve narkotike është goditur ditën e sotme në Mat, ku si pasojë është vënë nën hetim kryeplaku i fshatit dhe inspektori i pyjeve.