Ekonomi

Ilirjani, Fatmiri dhe Baftjani janë tre kryefamiljarë, banorë të Kombinatit, të cilët për më shumë se një dekadë ishin në pritje të marrjes së certifikatës së legalizimit të banesave të tyre. Banesat e ndërtuara vite më parë, ku investuan kursimet e tyre, por pa mundur dot të bëheshin, përmes dokumenteve, ligjërisht pronarë të tyre.

Ky aks rrugor me gjatësi prej 60 kilometrash, do të lidhë 4 bashki dhe do të jetë në shërbim të 150 mijë banorëve. Për më tepër ajo synon lidhjen e qarkut të Beratit me atë të Gjirokastrës, me synim lehtësimin e qarkullimit të banorëve të zonave.

Nën drejtimin e zëvendësguvernatores së parë të Bankës së Shqipërisë Luljeta Minxhozi është zhvilluar këtë të enjte mbledhja e gjashtë e Komitetit Kombëtar të Sistemit të Pagesave. Në fokus të diskutimeve të zhvilluara online si pasojë e masave të ndërmarra për të frenuar përhapjen e pandemisë COVID-19 ku morën pjesë kreu i shoqatës së bankave, ministria e financave, AMF dhe institucione të tjera ishte përdorimi i instrumenteve elektronike për pagesat

Nga

Eliza Gjediku

Që prej fillimit të pandemisë në fillim në mars të këtij viti, muaji nëntor ka shënuar një rritje të ndjeshme të tregtisë. Sipas të dhënave të INSTAT eksporti i mallrave në muajin e kaluar u rrit me 10.5% dhe importi me 5% krahasuar me nëntorin e 2019. Përmirësim është shënuar tek sektori automotiv ndërsa industria fasone vijon të jetë në koma.

Nga

Eliza Gjediku

Në kulmin e sezonit turistik në periudhën korrik-shtator 2020, bizneset e këtij sektori ulën pagat e punonjësve. Sipas të dhënave të INSTAT në tremujorin e tretë pagat në agjencitë turistike, hotele dhe restorante janë ulur me 24%. Ndërkohë është shënuar rënie e ndjeshme edhe në shitjet neto të këtyre subjekteve.

Grupi “Kastrati”, më i madhi në vend, është në negociata për të blerë aksionet e kompanisë kineze, “Real Fortress Private Limited”, e cila zotëron 100% të aksioneve të “Tirana International Airport”, që menaxhon koncesionin e aeroportit ndërkombëtar “Nënë Tereza”. 

Euro dhe dollari kanë shënuar tendencë rënëse gjatë ditës së sotme në tregun e brendshëm valutor, ku më e fortë ishte tkurrja e monedhës së gjelbër.

10 mijë punonjës dhe ish punonjës të transportit publik qytetas, ndërqytetës dhe të shërbimit taksi, do të marrin 10 mijë lekë ndihmë në prag të festave. Po ashtu Gonxhe ka njoftuar edhe një pagë lufte për 420 punonjës që nuk e përfituan në qershor financuar nga DPSHTRR.

Nga

Eliza Gjediku

Pandemia COVID-19 vazhdon të dëmtojë ekonominë e vendit. Sipas të dhënave të Ministrisë së Financave në 11 muajt e këtij viti janë mbledhur 310 milionë euro më pak se në 2019. Ndërkohë është regjistruar rënie e  të ardhurave në muajin nëntor, pas përmirësimit në muajin tetor. Sakaq deficiti i buxhetit ka arritur në 591 milionë euro.

Nga

Eliza Gjediku

Guvernatori i Bankës së Shqipërisë Gent Sejko në konferencën e fundit për këtë vit tha se ekonomia u përmirësua në tremujorin e tretë të vitit, por u ngadalësua disi pas masave kufizuese. Guvernatori njoftoi se  masat e marra nga Banka e qendrore përmirësuan situatën e kredive në vend

Qeveria ka miratuar ditën e sotme Aktin Normativ për rishikimin e buxhetit 2020. Për të sqaruar këtë vendim, ministrja e Financave dhe Ekonomisë, Anila Denaj, ka deklaruar se janë alokuar fonde shtesë për fusha të ndryshme. Ajo ka folur edhe për shpërblimin financiar për pensionistët, në prag të festave të fundvitit. 

Pavarësisht vështirësive në buxhet për shkak të tërmetit dhe të Pandemisë, qeveria ka vendosur të japë një shpërblim 5 mijë lekë për pensionistët këtë fundvit. Kryeministri Edi Rama tha se do të jepen 3.4 mld lekë për bonusin e tyre. “Nuk do t’ju heqim asnjë qindarkë nga ajo që kishim planifikuar tu jepnim para pandemisë”, tha Rama.

Nga

Eliza Gjediku

Është miratuar në Komisionin e Ekonomisë projektligji për krijimin e regjistrit qendror të llogarive bankare që ka për qëllim parandalimin e pastrimit të parave.

Nga

Eliza Gjediku

Është hapur zyrtarisht tenderi ndërkombëtar me fond limit 155 milionë euro për ndërtimin e tunelit të Llogarasë. Kompanitë e interesuar duhet të dorëzojnë ofertat deri më 2 shkurt 2021, ndërsa pritet që punimet të nisin në prill të vitit të ardhshëm dhe të përfundojë brenda 3 viteve. Ndërtimi i tunelit dhe i aeroportit të Vlorës pritet të rrisin turizmin në jug të vendit.

Sektori bankar i zgjeroi më tej fitimet gjatë muajit tetor. Sipas të dhënave nga Banka e Shqipërisë, në fund të 10-mujorit, fitimi neto i sektorit bankar arriti në 12.6 miliardë lekë. Në muajin tetor, fitimi progresiv është rritur me 1.9 miliardë lekë.

Rimëkëmbja ekonomike dhe rindërtimi pas tërmetit tragjik të 26 nëntorit të vitit të kaluar do të ndihmohen edhe nga një hua prej 80 milionë dollarësh nga Banka Botërore. Përmes një njoftimi, vetë Banka Botërore shprehet se do të ndihmojë Shqipërinë që të forcojë transparencën dhe qëndrueshmërinë e financave të veta, të zgjerojë burimet për rimëkëmbje e rritje dhe të mbështesë sektorë kyç që ofrojnë mundësi për rritje të qëndrueshme në të ardhmen.

COVID-19 mund të shtyjë në varfëri ekstreme 88 deri në 115 milionë njerëz, sipas Raportit të Varfërisë dhe Prosperitetit të Përbashkët 2020. Azia Jugore pritet të përmbajë 63% të të varfërve, që jetojnë me më pak se 1.90 dollarë në ditë. Vlerësimet e shumta dëshmojnë mjedisin e pasigurt që ka shkaktuar koronavirusi.

Nga

Eliza Gjediku

Banka e Shqipërisë raporton për rënie të të ardhurave nga turistët e huaj me mbi 50%, të cilët në 9 muaj kanë shpenzuar në vendin tonë vetëm 731.5 milionë euro nga 1.6 miliardë euro që harxhuan në 2019.