Nga Shkodra, ku të djathtët fituan të vetmen bashki në zgjedhjet e 6 marsit, me kandidatin e ‘Rithemelimit’, Sali Berisha, u shfaq në rolin e kryeopozitarit, teksa mori pjesë në ceremoninë përkujtimore të masakrës së 2 prillit dhe përcolli edhe mesazhe bashkimi ndërmjet demokratëve

3 persona janë arrestuar në Shkodër për falsifikim dokumentesh, ndërsa një tjetër është nën hetim penal

Bardh Spahia ka marrë sot zyrtarisht detyrën si kreu i Bashkisë së Shkodrës. Në ceremoninë e betimit, ka qenë e pranishme edhe Voltana Ademi, teksa në fjalën e tij të parë si numri një i Shkodrës, Spahia tha se do të shërbejë për të githë qytetarët, pa asnjë përjashtim. 

Një situatë e pazakontë ka ndodhur në qendër të qytetit të Shkodrës, ku një kalë i cili po lëvizte me shpejtësi në rrugë, është përplasur me makinë.

Në katin e parë dhe të dytë të godinës u gjetën dhe u sekuestruan në cilësinë e provës materiale 300 bimë të dyshuara narkotike, të kultivuara në vazo, 1.3 kg lëndë e dyshuar narkotike cannabis sativa dhe 230 llamba me stabilizator. 

Dy persona kanë rënë në prangat e policisë ditën e sotme në Malësi të Madhe, pas një operacioni antikanabis që po zhvillohet në të gjithë zonën. Bëhet me dije se janë zbuluar 'shtëpi bari' në Koplik.

Një telefonatë për të shtëna me armë zjarri në fshatin Grudë alarmoi Policinë e Shkodrës pasditen e sotme, që u nis menjëherë drejt vendngjarjes së raportuar. Por pasi mbërritën në zonë, Policia nuk gjeti as vendngjarje dhe as gëzhoja, duke dalë në përfundimin se telefonata kishte qenë e rremë.

Policia e Shkodrës akoma nuk ka rënë në gjurmët e autorëve që shkaktuan dy shpërthime me 600 gram tritol në dy pika biznesi në qendrën e qytetit megjithëse kanë në duar shumë pamje të kamerave të sigurisë në njësit tregtare përgjatë Pedonales.

Një 60-vjeçar është arrestuar pasi akuzohet se kishte përshtatur një magazinë në banesën e tij për të prodhuar kripotomonedhën Bitcoin. Ngjarja u zbulua në Malësinë e Madhe, ku zbulimi u bë përmes gjurmimit të vjedhjes së energjisë dhe informacioneve të marra nga policia e Shkodrës.

Partia Demokratike ka dënuar sulmin me eksploziv që i është bërë biznesit të ish kandidat të saj për kryetra bashkie Shkodër, Xhemal Bushati. Për PD ky sulm ka prapavijë politike, ndërsa thotë se kush mendon se mund të përkulë demokratët me sulme të tilla i ka bërë llogaritë gabim.

Dy biznese u sulmuan me tritol gjatë orëve të para të mëngjesit në Shkodër, ndërsa hetuesit ende po punojnë për të zbuluar nëse ngjarjet kanë apo jo lidhje me njëra-tjetrën. Një nga bizneset, ku ka edhe shtëpinë, është i ish-kandidatit të Lulzim Bashës për kryetar bashkie në Shkodër, Xhemal Bushati. Vetë ai thotë se nuk ka konflikte, por PD-ja e quan agresion të drejtëpërdrejtë ndaj tij dhe bën thirrje që prokuroria të zbulojë autorët.

OSHE zbuloi fermën e kriptomonedhave në Shkodër, në zonën e Malësisë së Madhe.

Një 66-vjeçari i është vënë një sasi tritoli në portën e shtëpisë. Mësohet se sasia e tritolit është vënë në portën e rrethimit të jashtëm të banesës në fshatin Stajkë, Vau i Dejës. Fatmirësisht nga shpërthimi nuk ka pasur të lënduar, por vetëm dëme materiale

Mësohet se Ndreu dhe Sala  u përplasën fizikisht kanë qenë sëbashku në një lokal afër zonës së ngjarjes, ku janë përplasur fillimisht fizikisht. Më pas Ndreu ka marrë armën dhe ka qëlluar në drejtim të furrës së bukës. Nuk dihen ende motivet e sherrit mes tyre, teksa të dy janë arratisur pas ngjarjes dhe janë shpallur në kërkim nga policia.

 Mësohet se në pranga kanë rënë Luan dhe Eqerem Shegaj, 51 dhe 26 vjeç, të cilët në fshatin Melgushë kishin kultivuar 2600 fidanë kanabisi në serë.

Majlinda Angoni rikthehet në postin e Prefektes, pasi nuk fitoi bashkinë e Shkodrës në zgjedhjet e pjesshme të 6 marsit.

Kryeministri Rama publikuar disa foto nga Blloku i ri Operator në Spitalin Rajonal të Shkodrës

Një 56-vjeçar në Shkodër importonte dhe tregtonte lëngje frutash të skaduara, për rrjedhojë ka rënë në pranga. Konkretisht është arrestuar Defrim Hyseni, administrator i kompanisë Elledii Shpk, në pronësi të bashkëshortes së tij.

Një magazinë materialesh drusore në fshatin Plezhë të Shkodrës është përfshirë nga zjarri gjatë mesnatës, ku flakët 'kanë përpirë' gjithçka.

Policia e Shkodrës ka shpallur në kërkim 3 pronarë objektesh në Shirokë në Shkodër, për veprën penalë ‘Ndërtim i Paligjshëm’, si dhe ka proceduar penalisht 4 shtetas të tjerë për "Dhënie ndihme për ndërtim të paligjshëm"

Në Shkodër është rikthyer udhëtimi me tren pas shumë vitesh. Për shkak të rritjes së çmimit të naftës, sektori i hekurudhës ka vënë në funksionin linjën Shkodër-Laç, në mënyrë që besimtarët të ndjekin ritualin e të martave në kishën e Shna Ndout me kosto të ulët udhëtimi

51 qytetarët të vaut të Dejës janë proceduar penalisht pasi akuzohen se përmes mashtrimit kanë përfituar ndihmën ekonomike edhe pse nuk i plotësonin kushtet për marrjen e saj. Gjithashtu nën hetim është edhe administratorja sociale e bashkisë Vau i Dejës, për veprën penale “Shpërdorimi i detyrës”.

Rritja e çmimit të naftës si dhe produkteve të ushqimeve bazë në vend, pas shpërthimit të luftës në Ukrainë, ka ngritur në protestë dhjetëra qytetarë në disa qytete të vendit

38-vjeçari Admir Bajri ka rënë pre e një atentati me armë zjarri një natë më parë në lagjen Dobrac të qytetit të Shkodrës. Ngjarja e rëndë e regjistruar rreth orës 19: 30 të se mërkurës ka vënë në lëvizje forcat e policisë së Shkodrës ndërkohë që i plagosuri ndodhet ne spitalin e Shkodrës jashtë rrezikut për jetën.

Një anëtar i fisit Bajri ka mbetur i plagosur në një atentat mbrëmjen e sotme në lagjen Dobraç të Shkodrës. Mësohet se Admir Bajri u qëllua me breshëri plumbash teksa po lëvizte me makinë, ndërsa shoqërohej nga e ëma.

Shtrenjtimi i jetesës ka nxjerrë qytetarët dhe aktivistët e shoqërisë civile në qytetin e Shkodrës në protestë. Për gati 5 minuta, ato kanë bllokuar Urën e Bahçellëkut kundër rritjes së çmimit të karburantit si edhe të ushqimeve, që ditëve të fundit kanë arritur kulmin.