Qytete të ndryshme në botë “shpikin” festa e mbledhje të tilla, thjesht për të krijuar mundësinë e një “serbratori ekonomik”. Shkodra e ka pasur këtë mundësi, madje edhe vërtetuar, por njeriu i zgjedhur për ta menaxhuar ka zgjedhur të kthehet në “qeflie të molotovit”….

Tre ish- mjekë shqiptarë, Sali Berisha, Tritan Shehu dhe Petrit Vasili, befas menduan se e gjetën çelësin për të bërë fushatë elektorale. Sapo mësuan se disa vende europiane pezulluan përdorimin e vaksinës së AstraZeneca kundër Covid-19, për shkak të ndjeshmërisë që krijuan lajmet rreth saj, kërkuan menjeherë pezullimin e saj

Ajo që kemi parë javën e fundit në qytetet e Shqipërisë me një fjalë mund të përkufizohet si kriminale, ose e thënë në mënyrë më të zbutur, një papërgjegjshmëri e tmerrshme. Lulzim Basha, duke filluar nga Kavaja e pastaj me radhë në Elbasan, Shkodër, Vlorë, ka zhvilluar mitingje edhe pse jemi në mesin e një pandemie.

Sipas adetit, çdo vit në ditën e rikthimit që andej prej nga rrallë kthehet kush, ulem të shkruaj e flas me veten. Mirëpo, në vitin e dytë të pandemisë që po rrallon njerëzinë, të zësh e të flasësh për hallin tënd është ca meskine, ndaj edhe po i mbahem rrymës.

Aq shumë gënjen dhe premton Lulzim Basha sa ka dërguar 218 emra për deputet, nga 140 që lejon kushtetuta. KQZ që drejtohet nga opozita sapo i s’kualifikoi. Basha Ka gjet 78 idiotë dhe i ka gënjyer që do jeni në lista për kandidat prandaj luftoni dhe financoni, ndërkohë që ligji nuk lejon mbi limitet rajonale. (PSH: Hasan Hyseni i 45 në Tiranë, ndërkohë që Tirana ka 36 deputet).

Fushata e LSI-së për të kërkuar ndjesë për një nga aktet më të rënda të historisë së parlamentarizmit në Shqipëri, në prag të zgjedhjeve të reja, ka vetëm një kuptim: t’ia lëjë përgjegjësinë e këtij akti Lulzim Bashës dhe Partisë Demokratike.

Sot kanë ardhur dy paralajmërime të forta nga nivele të larta politike për zgjedhjet e 25 prillit. Si kryeministri Edi Rama, ashtu dhe numri dy i PS-së, Taulant Balla, kanë folur për një plani për të “hedhur në erë” 25 prillin si datë zgjedhjesh.

A e kuptojmë vallë çfarë po bëjmë? Më saktë, a e kuptojmë çfarë po bëjnë? Ka disa koincidenca, që i krijon vetë Universi, e na hapin sytë,  që të kuptojmë çfarë po bëjnë e çfarë po bëjmë…

Shkencëtarët thonë se nuk ka prova bindëse që AstraZeneca shkakton tromboza, politikanët nxitojnë të pezullojnë përdorimin e saj; institucione të populluara nga shkencëtarë si OBSh deklarojnë se dobitë e kësaj vaksine i tejkalojnë dukshëm rreziqet potenciale, por shumë shtetete të BE- së, përfshirë dhe Gjermaninë e Francën, kanë pezulluar përdorimin e saj. Gjithë kjo kundërvenie të kujton proverbin ‘i zoti e shet, tellalli s’e jep’.

“Si mund të dallojmë njerëzit inteligjentë profesor?”, do të pyeste një studente, pasi kishte dëgjuar leksionin e profesorit të saj mbi vlerën e njerëzve inteligjentë në shoqëri. “Nuk janë mëndjemëdhenj. Nuk bërtasin. Nuk urrejnë”.

Zgjedhjet në Lidhjen Demokratike të Kosovës kanë krijuar një frymë shprese, se udhëheqësi i ri i kësaj partie, Lumir Abdixhiku do të mundë të ringrejë partinë më të vjetër të Kosovës, e cila ka tani liderin më të ri politik të Kosovës, në krye të saj.

Lulzim Basha ka sjellë përpara njerëzve një fytyrë jo ndryshe të partisë që drejton, pasi PD-ja e tij që konkurron në zgjedhjet e 25 prillit është  thuajse PD-ja që ai ka marrë në verën e vitit 2013. Madje në disa aspekte më e rrudhur, ngaqë ka larguar një grup udhëheqës që nuk ka pasur fuqi ekzekutive në qeverisjen e PD-së.

Sot po qeshim, por nuk mund të qeshet me gjithçka. Qysh se mbaroi beteja e Ilir Metës, president, me Policinë, nisëm të qeshim. Tani kush do të kruhet me tjetrin, e kërcënon se ‘do të të bëhem Ilir Meta, ta dish!’; dikush që të do në kafe sa më shpejt, të sulet: ‘do të vish apo ta çova Ilir Metën!’

Ndoshta edhe janë të tilla vaksinat. Pra, që sjellin lëvizje e spostime në një garë elektorale, ose në pëlqyeshmërinë e një qeverie. Kjo nuk është e pakuptueshme dhe as e pashpjegueshme. Njerëzimi ndodhet prej një viti në një garë që si çmim ka jetën. Dhe kur bëhet fjalë për jetë a vdekje, bëhet gjithashtu fjalë edhe për kurora dafinash ose ferrash, në qafën e atyre që menaxhojnë krizën, kudo në botë.

Qytetarët e Kosovës e kanë humbur besimin tek Bashkësia Evropiane. Ajo nuk është kujdesur fare që të veprojë si një institucion që ka interes për mirëqenien e Kosovës dhe njohjen e saj nga shtetet që e përbëjnë.

Këto fakte i kam publikuar disa herë. Por sa më shumë kohë kalon, aq më shumë bëhet e nevojshme t’ia kujtojmë drejtësisë së re, çfarë nuk ka hetuar në historinë e përfshirjes së familjes së Sali Berishës në krimin e Gërdecit. Këtu janë vetëm kundërthëniet e tyre, ku ata kapen duke gënjyer për krimin. Dhe gënjeshtrat për të mbuluar një krim, janë indicia e parë për të të çuar tek krimineli.

Në fakt, dikush duhet t’i kujtojë Ilir Metës se çfarë do t’i thotë si justifikim shqiptarëve kur të hajë sërish sillën e pajtimit me mikun e tij të vjetër Edi Rama? Dikush duhet t’i kujtojë se çfarë do t’i thotë Bashës dhe Berishës nëse do t’ia kthejë kurrizin sërish! Jo se këta të fundit u bën shumë përshtypje. Të mos harrojmë 4 vite më parë kur stërbetoheshin se ai nuk do ishte më pjesë e aleancës së tyre. Po këta me bashkëdrejtimin me Ramën?!

Këto tabulate tregojnë se Sali Berisha, Fatmir Mediu dhe djali i tij, Shkëlzen Berisha, kanë lënë qindra fëmijë jetimë, pasi vranë 26 qytetarë për të vjedhur. Për ironi të fatit, ditën kur mbushet 11 vjet nga dita që ata u mbuluan me dhe, të tre vrasësit janë sërisht në Bulevard, për të kërkuar dhe një herë pushtet, pa u ndëshkuar ende për krimin që kanë bërë (ndjesë nëse Shkëlzeni mund të jetë për furnizim të dyqanit të brekëve luksoze të së dashurës në Vjenë, si çdo fundjavë).

Do të bëhet edhe më keq! Do të ketë edhe më shumë ankth e tmerr në fushatën elektorale, më shumë ndeshje dhe më pak dialog, më shumë muskuj e më pak mend, më shumë klithma dhe më pak argument. Skenat e dhunshme në selinë e FRD-së, nuk ishin as betejë për demokracinë që cungohej duke cënuar një grupim periferik politik dhe as betejë për rikthimin e ligjshmërisë duke rimarë bashkia godinën.

Marsi i 6 viteve më parë, ishte po kaq i ndezur sa marsi i viti 2021. Por, në të kohë beteja nuk zhvillohej midis Sali Berishës, Ilir Metës e Lulzim Bashës nga njëra anë dhe, Edi Ramës nga ana tjetër. Për ironi të fatit, beteja ishte për të çuar në “sini argjendi” kokën e Ilir Metës. Ata që po e kërkonin këtë gjë ishin pikërisht aleatët e tij të sotëm, Sali Berisha dhe Lulzim Basha.